Jeremia 8:7 - Labrador Inuttitut Heritage Bible

⁷ Ila, tingmiaᴋ sigguᴋortojoᴋ ᴋilaub atâne ᴋaujimavoᴋ naliunerminik aulariamut, aᴋigiojârtoᴋ tullugarnarlo kannâᴋortojorlo naliunermingnik tikigiamut kamavut, inuᴋotikkale ᴋaujimangilat Nâlakab idluarijanganik.

Jeremia 8:7 Iomraidhean Croise

Imgerusersoak 2:12

Nuvugulât sakᴋersimavut nuname, operngâk tikkisimavok, Taubelo tussartauvok, nunaptingne.

Jesaiase 1:3

Tuktuvaub pairijine illitarivâ, siuterᴋortojublo perᴋutigijime nerrititsivia illitarivâ, Israêlitille illitarᴋsilungilat inuᴋotikkalo kamalungilat (uvamnik pairijimingnik).

Jesaiase 27:11

Akkerᴋut pannilerunik navigomârput, arnallo pijartorlugit ikkomaksarivait, nunaᴋatigêt tâpkoa sillaitovaksôngmatta. Taimaimat sanajingata nâpkigijungnangilait pingortitingatalo ajungitullivigivlugit ajorpait.

Jesaiase 5:12

Harfiniglo ᴋellularaniglo ᴋillautiniglo nipjautiniglo vainemiglo ᴋuviasûteᴋarput, Nâlekab piniarningit kamaginagit aggangitalo sullijangit takkonârnagit.

Jeremia 4:22

Inuᴋotikka silaidlarmatta, ilitaringilânga; ᴋitorngauvut sujuksimajut, silatuneᴋangilallo mikijomiglônêt; silatudlarput idluitulinermik, idluartulinermigle ilisimaneᴋangilat.

Jeremia 5:6

Taimaimat loevib napârtunit pijûb aliktoromârpait, amarkublo sunaᴋajuitomit pijûb asseroromârpait, pûsevâlub iglugasaksoaᴋotingit terliaromârpait, ilûnatiglo anijut tagvangat aliktortaujomârput; tapaningit unuktôngmatta, kingupiartorningillo sugaluluarmatta.

Habakûb 1:4

Tamanna pivlugo perᴋojat sulijungnaiput, idluarsainerlo ᴋerdlâᴋaidlune sâlaᴋangilaᴋ; idluitûb idluartoᴋ ilumangmago; tamanna pivlugo idluarsaineᴋ mumiktauᴋattarpoᴋ.

Saggaria 5:9

Ijîka arlortipâka tagva tautuklungalo, ahâglo, arnâk maggûk anivûk, anorelo esarunginêpok; esaroᴋarpuglo siggorᴋortojûb esarungititut: ôktûtelo efa kivikpâk nunab ᴋilaublo akorngangnut.