20 Katersoivik ᴋângersimavoᴋ, aujaᴋ nâsimavoᴋ, piulijaulungilagulle.
Aujaᴋarningane kattersoijok, tamna silatôvok; kattersiviuble nelliuningane sinniktok, kangusuktitauniarpok.
Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?
Inuᴋotima paningata pikaluktauninganut ânertauvunga; kiksadlarpunga; kakkilârnerub erᴋisimiarpânga.
Taimangat, iglub inuata nikovidlune upkuak parngnanairpago, tagva ilipse silatâne nangernialerivose, avilortarluselo upkuamut, oᴋarluselo: Nâlegak, upkuêrutitigut! Kiojomârpâsele oᴋautivluse: Nakit pingmangâpse, ilitaringilapse.
Nungutsomârpâselo, (igluselo) ujarᴋangnik maggûngniglônêt ᴋallerêktoᴋarungnairomârput, piulijiksapse naliuninga kamagilaunginapsiuk.