Jeremia 8:2 - Labrador Inuttitut Heritage Bible

² Siamartiniarpaillo seᴋiniub, taᴋᴋiublo, ᴋilangmiugasaksuillo (uvloritjat), ungagilauᴋtangita, kivgartulauᴋtangitalo, malilauᴋtangitalo, aperᴋutigilauᴋtangitalo, pamaktervigilauᴋtangitalo, sângine; katersortaujomângilat, iluvertaujomângilallônêt; aᴋtarnilukotuinaujomârput nuname.

Jeremia 8:2 Iomraidhean Croise

II Atannit 17:16

Nâlekable Gûdemik perkojangit ilunnaita kemmakpait, sennalutiglo ingmingnut nochangoangnik kovijaumajungnik, nappartuniglo; tuksiarlutiglo ᴋilaub ᴋattimgajoksoanginut ilunnainut kivgartorlarmiglo Baalemik;

II Atannit 21:3

Pôktojullo atâtangata asserorlauktangit sennapsarivait, Altarillo sennavait Baalemut, nappartuniglo Gûdingoalingnik âkiksoivok, sorlo Ahabe Israelitit atanningat pinnialaungmat, ᴋilangmiogaseksuillo tamaita (uvloritsat) tuksiarvigivait kivgartorlaitalo.

II Atannit 21:5

Uvloriagaseksoarnullo ilunnainut Altarinik sennavok Nâlekab iglungata innigingne avaluliorsimajungne tamangne.

II Atannit 23:5

Gûdingoallo ajochertuijoᴋotingit Judakut atanningita tagvanekolauktangit, isserluanititsiᴋovlugit pôktôjune, Judakullo iglugasaksoangine, Jerusalemiblo avatâne, pejarpait; tapᴋoalo isserluanititsijut Baalelo, seᴋinerlo, takkerlo Planetillo, uvloriagaseksuit tamaita pivlugit.

Imgerut 53:5

Tagvanele erksivut erksijutiksaᴋangitome; Gûdib tetjartivît sauningit siamartimagit. Kangusuktipâttit, Gûdib nachogingmagit.

Imgerut 83:10

Nungutaulauktut Endoreme allorlungorlutiglo nuname.

Imgerut 83:11

Attaningit Orebetut Seebetullo îtikit, angajoᴋângit illûnaita Sebatut, Zalmunatullo.

Okaluktok 6:3

Nelliat ᴋitorngatârajaralloarune 100 tinik, Inôseᴋarajarunelo, taimâk akkunêrtigijomik, Jârit unuktut ᴋângerlugit pinajarune, tarningalo nâmaksitikasiutinajalungikune ajungitomik, illijartortaunajalungikunelo: Taimaitok oᴋautigivara, alliktuak nâmanersaungmat tâpsomangat.

Jeremia 14:16

Inugasaᴋsuillo nalautaivigijangit egitaujomârput Jerusalemib apᴋosineâlunginut saviksoaᴋ kângnartoᴋsoarlo pivlugik; iluversijuksaᴋaromângilarlo tâpkoninga, arnanginiglônêt, erninginiglônêt, paninginiglônêt, idluitulinitiglo kovijomavakka tâpkonunga.

Jeremia 16:11

Oᴋautijaksarivatit: Atâtagilauᴋtapse ᴋemalaungmanga, Nâlagaᴋ oᴋarpoᴋ, malilaungmattalo assimnik gudingoanik, kivgartorlugit, tuksiarvigivlugillo, ᴋemalaungmangalo, perᴋojakka piniarnagit;

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 16:6

Angijut mikijullo toᴋojuksauvut nuname tamattomane; iluvertaulângilat, inuillo oggorilângilait, killersilângilat nangminermingnik tâpkoa pivlugit, sallijaujutigilângilaillônêt.

Jeremia 19:13

Jerusalemiblo iglungit, Judablo ataningita iglungit, ivsornartitaujut ilingajomârput nunatut Tôfetetut, ila, iglut ilûnatik ᴋângine isserluanititsiviolauᴋtut ᴋilaub uvloriagasaksoanginut, koviviolauᴋtullo tunergutinik imiksanik gudingoanut assimnut.

Jeremia 22:19

Siutiᴋortojotut iluvertaulârpoᴋ, uniartauvlune egitauvlunalo Jerusalemib itertarvingita silatânut.

Jeremia 25:33

Nâlakablo toᴋotangit naliutome tâpsomane nallajomârput nunab kiglinganit nunab kiglinganut aipânut; oggorijauniangilat, katersortauniangilallo, iluvertauniangilallo; aᴋtarnerlukkôjomârpulle nunab ᴋângane.

Jeremia 31:40

Naᴋsarlo toᴋungajoᴋtalik arᴋjataliglo ilûnane, perorsêvillo ilûnatik kôk Kidron tikidlugo, horsit itertarviata terreᴋoa unanêtoᴋ tikidlugo, ivjornaituksauvut Nâlakamut; nussuktaujuksaungilaᴋ oggotitaujuksaungilarlo issoᴋangitomut.

Jeremia 36:30

Tamanna pivlugo imâk oᴋarpoᴋ Nâlagaᴋ Jojakim, Judab ataninga pivlugo: Dâvidib iksivautaᴋsoangane iksivajuksaᴋaromângilaᴋ; timingalo toᴋungajoᴋ egitaujomârpoᴋ uvlôtilugo kiangmut, unnuarmelo itjemut.

Jeremia 9:20

Sullele Nâlakab oᴋausinga tusarsiuk, ilipse arnaujose, siutipse Nâlakab ᴋaningata oᴋausinga ilaliorlitsuk, paniselo ajoᴋertorsigik ᴋeanermik, silaliselo ogguarnermik.

Jeremia 9:21

Toᴋo itârsimangmat igalâptigut, itersimavoᴋ igloᴋsoarijaptingnut; sorutsit silamêtut kibloromavlugit, inôsuktullo apᴋosineâlungnêtut.

Jeremia 9:22

Oᴋarit: Imâk Nâlagaᴋ oᴋarpoᴋ: Inuit timingit toᴋungajut katagomârput aᴋtarnerlukutitut perorsêvingme, ᴋippitatitullo kibluijub tunuane, ᴋatersortaujomângilallo.

Hesekiel 29:5

Kemagomârpagillo egitauguvit sunaᴋajuitomut, igvillo kôksoavillo mingeriangit ilûnatik; katagomârpose nunab ᴋânganut; katitaujomângilase kiviktaugaselônêt; nerᴋiksautipapse nunab nergjutinginut, kilaublo ikkiangata tingmianginut.

Hesekiel 39:5

Oggojomârpotit naternaub ᴋângane; uvanga taimak oᴋarpunga, oᴋarpoᴋ Nâlegaᴋ Nâlegaujoᴋ.

Hesekiel 6:5

Israêliblo ᴋitorngangita timingit toᴋungajut ilijomârpakka gudingoaliarimajapse sânginut: sauniselo katararomârpakka tunerguservipse avatânut.

Hesekiel 8:16

Tikiutivângalo Nâlekab iglungata avaluliorsimajunganut ilulerpâmut, ahâglo, Nâlekab iglungata upkoangane angutit 25, pâblo tunerguserviublo akorngangnêput, Nâlekab iglunga tunulugo, kênangillo sângatilugit ununga, seᴋᴋinerlo tuksiarvigivât nuivinga sâdlugo.

Sefania 1:17

Inuillo tikitautitsomârpakka kapiasungnersoarmut, arvertarᴋovlugit tautungitutitut, Nâlegak idluitulivigingmatsuk; aungillo kovijaulârput imeᴋtut, uviningillo aktarniluᴋotitut.

Sefania 1:5

Ipkoalo pâmaktertut iglut ᴋângine ᴋilaub uvlorianginut, ipkoalo pâmagveᴋartut Nâlekamik, angervigilugo, Malkamelo angervigiᴋasiutilugo;

Apostelit Piniarningit 7:42

Gûdible allarpait, tunilaitalo kivgartorᴋovlugit ᴋilaub uvlorianginik, aglaksimangmat nelautaijut aglangine imâk: Ilipse Israêlib kinguvângit, tunergutiksanik, nergjutiniglo toᴋotaksanik Jârine 40 ne inuᴋajuitome tunitjivigilaukpisingâ?

Deuteronomy 17:3

Kivgartoriartorlutik Gûdib assinginik, pâmaktervigilugillo, seᴋinermiglônêt, takᴋermiglônêt, ᴋilaublônêt katimgajoksôningita ilanganik, perᴋojijutigilungitamnik;

Deuteronomy 4:19

Arlortitsiᴋonaglônêt ijîkingnik ᴋilangmut, seᴋinerlo, taᴋᴋerlo, uvloritjallo, ᴋilaub katimgajokotingit, takonârlugit, kajungersartauniarlutillo tâpkoa pâmaktervigijomavlugit kivgartoromavlugillo, Nâlekab ilingatitangit inôᴋatigêksoarnut tamainut ᴋilaub ilûnane atâne.