Jeremia 8:19 - Labrador Inuttitut Heritage Bible

¹⁹ Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Jeremia 8:19 Iomraidhean Croise

Imgerut 135:21

Nâlegak nertortaule Zionemit, Jerusaleme ineᴋartok. Hallêluja.

Imgerut 137:1

Babelib kôngine iksivalaukpogut, ᴋêalutalo Zione erᴋaumalaurangaptigo.

Imgerut 146:10

Nâlegak attaniôvok issoᴋangitomut, Gûdeotsainarpok illingnut Zion sorairane. Hallêluja.

Imgerut 149:2

Israelitit sannajigilauktatik ᴋuviagilitsuk; Zionib ᴋittorngangita attannitik serrigilitsuk.

Imgerut 31:6

Omigivakka saglonernik tangeᴋangitunik ivlersijut uvangale Nâlegak tattigivara.

Jesaiase 1:4

Kappianarmêk nunaᴋatigêt idluitullijoᴋsuit, innugasaᴋsuit ajortoliksuit, kassẽtoᴋsuit kinguvângit, ᴋitorngat asserorsaijut, tâpkoa Nâlegaᴋ ᴋemangmatsuk ivlernartitorlo Israêlikkune oᴋarnerlûtigingmatsuk tunnulugo.

Jesaiase 12:6

Zionemiôjotit, igiaᴋomijarit, illingne angidlarmat ivlernartitoᴋ Israêlikune.

Jesaiase 13:5

Nunanit ungasiktunit, ᴋilaub issuanit tikkilerput Nâlegaᴋ ningaumajârningatalo sakkungit, nunaᴋsoaᴋ illũnât asseroriartorlugo.

Jesaiase 33:22

Nâlegaᴋ erᴋartuijigivavut, Nâlegaᴋ ajoᴋertortigivavut, Nâlegaᴋ attanerivavut; tâpsoma piulivâtigut.

Jesaiase 39:3

Tagva nallautaijub Jesaiasib attaneᴋ Hiskia tikkipâ oᴋautivlugolo: Kanoᴋ oᴋarᴋât angutit taipkoa, nakillo tikkipâtît? Hiskia oᴋarpoᴋ: Nunamit ungasiktomit tikkipânga, Bâbelemit.

Jesaiase 52:1

Tupalerit, tupalerit, pitsartunit attileruk, Zione! Annorâlerit uvloᴋsiorutinik, Jerusaleme, iglugasaksoangojotit ivsornaitotit! Mattoma kingorngagut kippisimangitomik ivsornartomiglõnêt ittertoᴋaromângimat illingnut.

Jeremia 10:15

Sulinginiovut mitautiksatuinauvlutiglo; ôktortauvingmingne ajulermarilârput.

Jeremia 14:19

Juda ipperarsimamarikkiûk tâvâ? Tarnivît Zione ariumarikkaûk? Suna pivlugo annausimavitigût inûlijaunangitomîk? Nerriulauᴋpogut ulapirᴋsaumik, sunaubvale ajungitomik saᴋᴋertoᴋangilaᴋ, naliunermiglo inûlijauvionartomik, sunaubvale kapianartomik!

Jeremia 14:9

Sôᴋ inuktut tataminiartotut ilingavêt, inuktut sôngojotut piuliklerungnangitotullê? Igville, Nâlagaᴋ, akunapting nêpotit, atternullo atserartauvogut; ᴋemangniaratiguttôᴋ.

Jeremia 2:5

Imâk Nâlagaᴋ oᴋarpoᴋ: Sumik idlaungitomik atâtagilauᴋtase nagvâlauᴋât uvamne ungasidlarmatta, sunaungitullo ungagidlarlugit, piojoridlarlutiglô?

Jeremia 27:10

Tâpkoa nalautaivigingmase saglonernik, nûtitauᴋovluse nunapsingnit ungasiktomut; ajaktuiᴋovlungalo ilipsingnik nungutauᴋovluselo.

Jeremia 31:6

Uvloᴋalârmat Efraimib ᴋaᴋᴋangine pigârtut ᴋaigarsugomârvingat: Attê, majoralerta Zionemut Nâlakamut Gudiptingnut.

Jeremia 32:30

Israêlib ᴋitorngangit Judablo ᴋitorngangit idluitulilaungmatta sâmne inôsungnermingnit; Israêlib ᴋitorngangita ningarsârtuinarmanga aggangita piniarninginut, oᴋarpoᴋ Nâlagaᴋ.

Jeremia 7:19

Ningarsârpângale? Nâlagaᴋ oᴋarpoᴋ, nangmineᴋ kangusûtiksarijamingnik sanangilât?

Jeremia 8:20

Katersoivik ᴋângersimavoᴋ, aujaᴋ nâsimavoᴋ, piulijaulungilagulle.

Jeremia 9:16

Siamartitsomavakka inôᴋatigêksuit akornganut, tâpkoalônêt atâtangitalônêt ilitarilaungitanginut; udlartautitsomavakkalo saviksoarmut, nungutsiᴋârtinanga tâpkoninga.

Hesekiel 48:35

Avatâgut suvlortut 18,000tut ituksauvoᴋ; uvlormillo tâpsomangat iglugasaksuit atteᴋartuksauvut: Nalekab najugânik.

Joel 2:32

Imaitsomârporlo, neliaᴋ Nâlekab attinganut ᴋiagarsuktoᴋ piulijaujomârpoᴋ: ᴋaᴋᴋame Zioneme Jerusalememelo piulijauviksaᴋaromârpoᴋ, sorlo Nâlegaᴋ oᴋarsimangmat, amiakôjunelo Nâlekab ᴋaiᴋojangine.

Joel 3:21

Aungallo ivsornaitilaungitara ivsornaitilârpara; Nâlegaᴋ ineᴋarmat Zioneme.

Obadia 1:17

ᴋaᴋᴋamele Zioneme ᴋemâsimajoᴋaromârpoᴋ, ivsornaijomârporlo tâmna; Jâkoblo ᴋitorngangita perᴋutigilârpait perᴋutigilauᴋtatik.

Migga 4:9

Sôᴋ mâna nippeᴋortovlutit ᴋaigarsuᴋêt? Ataneᴋangilaᴋ ilingnê? Atanertuijêrutivêt, tikitaugavit ânianernut sorlo ernisulertotût?

Sefania 3:15

Nâlekab erᴋartortaunît sorairtipâ, ômigijîllo pingujârpâ; Nâlegak, Israêlib ataninga ilingnêpok: idluitomik sivôrajariaᴋarᴋonak kingorngane.

Saggaria 2:9

Tagva, ahâk, aggakka aulatitsomârpakka tâpkoa ᴋolâtigut, aᴋsârnigaujomârpullo kivgartolauktunut tâpkoninga; ᴋaujijuksauvoselo Nâlekab Zebaotib tilingmanga.

Apostelit Piniarningit 14:15

Oᴋarlutiglo: Angutaujose, sôk taimailiorpisê? Inutuinauvoguk toᴋojomârtoguk ilipsitut, oᴋautsiniglo tusarnertunik oᴋâlavojuk ilipsingnut, sâgiarᴋovluse ômangat Gûdeungitomit Gûdemut ômajomut, ᴋilangmiglo nunamiglo, imarbingmiglo iluanêtuniglo tamainik pingortitsijomut;

Deuteronomy 31:17

Uvlormelo tâpsomane ningarnera tâpkonunga katsungaileromârpok, ᴋemagomârpakkalo, kênaralo ijeromârpara tâpkonangat, asserortaujomârpullo; idluinerillo ânianerillo unuktut tikitsomârput tâpkonunga; oᴋaromârpullo uvlorme tâpsomane: Idluinerit makkoa tikilungilâtigût Gûdivut akunaptingnêlungimât?

Takotitaunermik 2:1

Illagêt Efêsusemiut Engelingat aglagvigiuk: Uvloritjanik 7 inik talerpingminut tigumiartok, nennergoarvît 7 it goldit akorngane arvertartok imâk oᴋarpok: