Jeremia 8:16 - Labrador Inuttitut Heritage Bible

¹⁶ Horsingita anersârkallaningit tusaksauvut Danemit; horsingita ᴋôrᴋsudlarningit tusaksaungmatta nuna ilûnane sajudlarpoᴋ; tikisimangmatta nuna tagvanêtullo ilûnaita nungulugit; iglugasaksuillo tâpkonanêtullo.

Jeremia 8:16 Iomraidhean Croise

Hiobe 39:20

“Igvit kiggertartitsungnarkiuk piglertattitut? Kingangata annerteridlarningata ânanauninga kappianadlarpok.

Imgerut 24:1

Nalekab nuna pingillo pigivait; nunaksoak, nunaᴋartullo tâpsomane.

Jeremia 10:25

Kaningajârnît nâviuk nalojunut ilitarᴋsingitunut ilingnik, ataniovingnullo niplialungitunut atternut. Tâpkoa Jâkokut nerrilugit nungulaungmagit, ila, nerrisimavait nungulugillo, iglungillo asserorsimavait.

Jeremia 3:24

Kangunartoᴋ nungûtsisimavoᴋ atâtagilauᴋtapta suliarijanginik inôsungniptingnit; saugaᴋotinginik nergjuteᴋotinginiglo, erninginik paninginiglo.

Jeremia 30:16

Taimaimat nungutsijut ilingnik nungutaujomârput; akkerartortitit ilûnamasiatik aularutijaujomârput; aᴋsârniktut ilingnik aᴋsârnigaujomârput, tamaitalo ilingnik unangmik lertut unangmijautitsomârpakka.

Jeremia 30:5

Imâk oᴋarmat Nâlagaᴋ: Tusarsimavogut ᴋoaᴋsâdlarnerub nippinganik, erᴋsinerub ulapirᴋsauteolungitub.

Jeremia 4:24

Kaᴋᴋat ulernaigilauᴋpakka, sunaubvalo sajudlarput, ᴋaᴋᴋârulaillo ilûnatik aulajâdlarput.

Jeremia 4:7

Loeve anisimangmat sittiminit, asserorsaijoᴋ inôᴋatigêᴋsoarnik; ingerarpoᴋ, anisimavoᴋ inniminit; nunat sunairutitsomavlugo, iglugasaksoaᴋotitit nungutsomavlugit inuêrutijomavlugit.

Jeremia 47:3

Horsingita itigangita tukkartorningita ᴋiᴋᴋerganginut, ᴋamutingita aksaloalit ivulungninginut, aksaloangita kalerganginut, atâtat ᴋevialungilat ᴋitorngamingnut, aggangita sangêningit pivlugit;

Jeremia 5:17

Nerrijomârpullo katersortarnik perorsêvingnit, niaᴋôjarniglo, ernivît panivîllo nerᴋiksanginik; nerrijomârput saugaᴋotingnik nergjutiᴋotingniglo; nerrijomârput vaineliksaᴋotivit paunganginik paungatannaᴋotingniglo, asseroijomârpullo iglugasaksoaᴋotingnik avaluliorsimajunik tatigijarnik, saviksoarmut.

Jeremia 50:42

Tigumiarput pitiksinik ᴋalugiaᴋsoarniglo; takopsoajuiput, nâpkiningneᴋangilallo; nippingit iktulijarput imarbiksoatut, horsine ablangavut; ilûnatik opalungaijarsimavut sorᴋsugomajutitut unatarvigijomavlutit, Babilonib paninga.

Jeremia 51:29

Nunalo sajudlarpoᴋ âniadlarlunalo; Nâlakab kajusimanerijangit Babilon pitjitigilugo aulangimatta, Babilonib nunanga inuêrningortitsomavlugo.

Jeremia 6:23

Pitiksinik ᴋalugianiglo tigumiarput; takopsoajuiput nâpkigosujuitôlarmiglo; nippingit pervaludlarput imarbiktut, horsine ablangavut; siakput sorᴋsugomajutitut unatarvigijomavlutit, Zionib pania.

Nahum 3:2

Iperautab serᴋortarninga, aksaloallo nipjârningit; horsit tukᴋartoksuit, ᴋamutillo unatautit pikkijut nippingit;

Habakûb 3:10

Takolutit ᴋaᴋaksuit ôlikput; imersuit iktulijartut ᴋângerput: itinersûb nipinne anivâ, agganelo ᴋongmuartipait.

I Korintemiunut 10:26

Nâlekab nuna pingillo tamaita perᴋutigingmagit.

I Korintemiunut 10:28

Oᴋautjaulerupsele, nerᴋe tamanna tunerguteviniovok Gudiungitunut; nerrijuksaungilase ᴋaujititsijok tamattominga pivlugo; issumajârtoᴋarᴋonago. Nâlekab nuna pingillo tamaita perᴋutigingmagit.

Idluarsaijut 18:29

Atserarpaillo Danemik, atâtagijatik Dan, Israelib ernerijanga malliklugo. Iglugasaksuillo tapkoa sivorngagut ateᴋalaukput Laisemik.

Idluarsaijut 20:1

Tagva Israelib ᴋitorngangit Danemit Bersaba tikkidlugo, nunamillo Gileademit, aularput katimalerlutiglo atautsemut, angutetut atautsetut sorlo, Mizpamut Nâlekab sânganut;

Idluarsaijut 5:22

Tagvane Horsit itigangit kikkergalijarlaukput, ablangajingita songojut mungunganingit pivlugit.