Jeremia 8:14 - Labrador Inuttitut Heritage Bible

¹⁴ Suna pivlugo ᴋikkartuinarᴋitâ? (oᴋaromârput): Katersulerta, aiᴋatigêktalo iglugasaksoarnut avaluliorsimajunut; tagvanalo nungutautilerta; Nâlakab Gudipta nungutautingmatigut, tunidjivigilutalo sungârnitomik imiksaptingnik, Nâlagaᴋ idluitulivigilauraptigo.

Jeremia 8:14 Iomraidhean Croise

II Samuel 20:6

Tagva Davide Abisaimut oᴋarpok: Manna Seba Bichrib erningata anginersamik kiksartiniarpâtigut Absalomemit. Igvit angajoᴋavit kivgangit tigukit, udlalugolo, iglugasaksoarnik sôngojunik ingminut nachvarᴋonnago, ᴋemâᴋonnagolo ijiptingnit.

Imgerut 39:2

Nippangersimavunga innutôlungalo, niplingilungalo, ᴋanningitome pilloringnermit, kappiaktoadlarneralo uimajâdlarpok illumne.

Imgerut 69:21

Sungarmik nerritipânga, sêrnartomiglo immertipânga imerungnimne.

Jesaiase 47:5

Nippangerlutit ingitit, tâᴋsoamullo ailerit, igvit Kaldêarit panningat, arnamik attaniovingnut attaniojomik taijaksaungilatit kingorngagut.

Jeremia 14:20

Nâlagaᴋ, kigligiksarpogut idluitoᴋsôniptingnik, atâtagilauᴋtaptalo idluitulinerilauᴋtanginik, idluitulivigilauᴋpaptigit.

Jeremia 14:7

Idluitulinivut nalonaijaigaloarmatta pivluta, ikajulaurit, Nâlagaᴋ, attit pivlugo, kingupiartornivut unuktôdlarmatta; idluitulivigilauraptigit.

Jeremia 23:15

Taimaimat imâk oᴋarpoᴋ Nâlagaᴋ Zebaot nalautaijut pivlugit: Ahâk, mamaitoᴋsoarmik nerrititsomavakka, imertilugillo sungarmik; nalautaijunit Jerusalemêtunit takkormôrnek anisimangmat nunamut ilûnânut.

Jeremia 3:25

Inangatuinarta kangusungniptingne, kangusungnipta uliklitigut, Nâlagaᴋ Gudivut idluitulivigisimagaptigo, uvagut atâtagilalauᴋtaptalo, inôsungniptingnit uvloᴋ tamanna tikidlugo, nâlalaungilagullo Nâlakab Gudipta nippinganik.

Jeremia 35:11

Kissianele Nebukadnezar Babilonib ataninga majoarmat nunamut, oᴋalauᴋpogut: Attê, ᴋemâlerta Jerusalemut Kaldêamiut sorᴋsuktoᴋatigêksoanginit, Siriamiullo sorksuktoᴋatigêksoanginit; taimaglo Jerusalemionialerpogut.

Jeremia 9:14

Arvertalaungmattale ômatimik mangaitoᴋsôningat maliklugo, Baalelo maliklugo, sorlo ajoᴋertortaulaungmatta atâtamingnut;

Jeremia 9:15

Taimaimat imâk oᴋarpoᴋ Nâlagaᴋ Zebaot, Israêlib Gudinga: Ahâk, inugasaᴋsuit tamakkoa mamaitoᴋsoarnik nerrititsomavakka, imermiglo sungârnitomik imertitsomavlugit.

Jeremiab Ogguarutigijangit 3:19

Erᴋalaukit kapiasungnera patanganeralo, perortullo mamaidlartut sungarlo.

Leviticus 10:3

Mosesiblo Aron oᴋautivâ: Tamadja ila Nâlekab oᴋautigilauktanga, oᴋarlune: Ivsornaititaujomavunga uvamnik najorniktunut, inuillo ilûnatik sângane ânanausijaujomavunga. Aronalo niplingilak.

Amos 6:10

Inûblo ilangata tigujartorpago, sauningit anitsomavlugit ikitsomavlugit, iglûblo ilulerpânganêtomut oᴋarune: Sulle ilingnêtoᴋarᴋâ? Tâmnalo aukârpat: oᴋalerpok tagva: Nipangertuinarit, Nâlekab atinga taijaksarilunginaptigo.

Habakûb 2:20

Nâlegarle inigijaminêpoᴋ ivsornaitome; silaᴋsoaᴋ ilûnnane nipangerle tâpsoma sângane.

Saggaria 2:13

Uvinilît ilûnatik nipangerlit Nâlekab sângane; iniminit ivsornaitomit tupaksimangmat.

Mattêuse 27:34

Kasilinartomik, sungarmik akusimajomik, imertinasuarpât; tamannalo ôᴋamauk, imeromangilâ.

Deuteronomy 29:18

Akunapsingnêtoᴋarᴋonago angutimiglônêt, arnarmiglônêt, ᴋitorngarêngniglônêt, kinguvârêngniglônêt, ômatekut tunutomik Nâlekamik Gûdiptingnik, inôᴋatigêksuit tâpkoa Gûdingoangit kivgartoromavlugit; amâᴋarᴋonago akunapsingne mamaitoâlungmik tipilingmik, ᴋasilinartomiglo nutaijoktotaᴋartomik;

Deuteronomy 32:32

Tâpkoa napârtungat vaineliksak Sodomab vaineliksanganit pivok, Gomorablo perorsêvinginit; vainiksangit sungaktut-iput, paungangit ᴋasilinarput;