Jeremia 8:13 - Labrador Inuttitut Heritage Bible

¹³ Nungutsomamarikpakka, Nâlagaᴋ oᴋarpoᴋ; paungaᴋaromângilaᴋ napârtune vaineliksane, paungatannaᴋaromângilarlo napârtune paungatannaᴋarpaktune, milluᴋatangillo ᴋunuleromârput tâpkonangat.

Jeremia 8:13 Iomraidhean Croise

Jesaiase 5:10

Perorsêvik vaineliksatalik, tuktuvâk makpiterarpaktangaktut angitigijoᴋ uvlune tallimaujortune, vaineᴋaromârmat ᴋattamik attautsemik, karngasûtiksallo ᴋattaujaᴋsoatut tallimaujortut unuktigijut paungaᴋaromârmatta ᴋattamik attautsemik.

Jeremia 14:12

Nerritailijarangata, tusaromangilanga ᴋaigarsungninginik; tunerguseruniglo ôtaksanik nerᴋiksaniglo, ilalioromangilakka; nungutsomavakkale saviksoarmut, kângnartoᴋsoarmullo, nusilingnartomullo.

Jeremia 14:15

Taimaimat Nâlakab imâk oᴋautigivait nalautaijut nalautaivaktut attimne, tililaungitakkale, oᴋartulle: Saviksoaᴋ kângnartoᴋsoarlo tikilulângilâk nunamut tamattomunga: Saviksoarmulle kângnartoᴋsoarmullo nalautaijut tâpkoa nungutaujomârput.

Jeremia 17:8

Itsomârpoᴋ napârtotut ilimajotut imelingme, issivitsijotut amângminik kôb sanniane, sivôrajariaᴋaromângilaᴋ kiaksoaᴋ tikigaloarpat, millukatangille tungujotsainaromârput; siarkleromângilarlo jâre silaluᴋangitoᴋ tikigaloarpat, saᴋᴋijârtitsijungnairomângilarlo paunganik.

Jeremia 5:17

Nerrijomârpullo katersortarnik perorsêvingnit, niaᴋôjarniglo, ernivît panivîllo nerᴋiksanginik; nerrijomârput saugaᴋotingnik nergjutiᴋotingniglo; nerrijomârput vaineliksaᴋotivit paunganginik paungatannaᴋotingniglo, asseroijomârpullo iglugasaksoaᴋotingnik avaluliorsimajunik tatigijarnik, saviksoarmut.

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Hesekiel 22:31

Tamanna pivlugo ningaumajârnera ilivara tâpkonunga; nungutipakka ᴋaningaumajârnima ikomanganut: apᴋutingit ilivakka niaᴋunginut, oᴋarpoᴋ Nâlegaᴋ Nâlegaujoᴋ.

Hosea 2:12

Napatungillo vaineliksataliksat paungatannaktaliksallo piojungnaititsomavakka, oᴋautigijangit: Akkiliusiarilauᴋtakka tamakkoa, anguniaᴋatima ᴋaitangit; napârtoliksoangortitsomavakka, naternaublo nergjutingita nerᴋiksarilârpait.

Joel 1:7

Napârtuga vaineliksataliksaᴋ asserorpât, napârtugalo paungatannaktaliksaᴋ serᴋomipât; sunairutimarikpât suksaujungnaitilugolo; akkerungit ᴋaᴋorsititauvut.

Leviticus 26:20

Nukkiselo sulinatik nungujomârput, nunase sakᴋêlulângimat perorsiaminik, nunablo napârtungit sakᴋêlulângimatta paungamingnik.

Habakûb 3:17

Napârtoᴋ paungatannaᴋut nuvugulâᴋtâlungikaloarpat, vaineliksataliglo paungatâlungipat, orᴋsuliub napârtunga sulijungnaigaloarpat, perorsêvillo nerᴋiksanik sakᴋêlungipatta, saukat ungalulingmit nungugaloarpatta, nergjuteᴋaullo nergjutetaᴋangipat;

Haggai 1:11

Ipterilingnerlo ᴋaikᴋolauᴋpara nunamut ᴋakᴋanullo, senaugaksanullo, vainiksanullo, orᴋsuksanullo, nunablo saᴋᴋititanginut, inungnullo, nergjutinullo, aggaillo suliarijanginut tamainut.

Haggai 2:17

Annaulauᴋpapsi paniliᴋovlusi, sapᴋamullo nataᴋonanullo aggapsi suliangini tamaini; sullili utilungilasi uvamnut, oᴋarpoᴋ Nâlegaᴋ.

Mâlaki 3:11

Pivluselo nerrijiniktoᴋ inerteromârpara, asseroiᴋonago nunapse perortunginik; vaineliksataliselo kataiᴋonagit paungamingnik perorsêvingme neliutiᴋârtinago, oᴋarpoᴋ Nâlegaᴋ Zebaot.

Mattêuse 21:19

Napârtomiglo paungatannaᴋarpaktomik apᴋosiniub saniane takkogame, nelipsarpâ; merᴋutuinalik takkogamiuk, oᴋautivâ: Mattoma kingorngane ilingne perortoᴋarniarungnaimarigle paunganik. Napârtorlo paungatannaᴋarpaktok panersârpok tagvainak.

Jâkobusib 1:11

Sekᴋinek kiaksôvlune nuilermat, iviksukat ᴋunulerput, nuvugolângillo katakput, tautuallo ânanaudlartok asserudlarpok: taimaktauk akluitok apᴋotimine paneromârivok.