Jeremia 7:6 - Labrador Inuttitut Heritage Bible

⁶ Oᴋumaiksartitsilungikupse takorngartanik, iliarsungniglo, uigarnerniglo, kovisilungikupselo aungmik passijaksaungitomik tamâne, malilungikupselo Gudib assinginik idluiluᴋutiksapsingnut;

Jeremia 7:6 Iomraidhean Croise

II Atannit 21:6

Erninelo ikkomakôrkova, tingmitjello nipjarningit nallonaikutallo kammagivait, angakoktorlunelo nallautainarluklarmelo, pinniarporlo unnuktunik Nâlekab idluigijanginik, ningaksarlugo.

II Atannit 24:4

Auk passijaksaungitok kovilauktanga pivlugotauk, Jerusalemelo nâmatilaungmagit aungmut passijaksaungitomut, Nâlekab issumagijungnaivigijomalaungilait.

Imgerut 106:38

Auglo passijaksaungitok kovilaukpât, ernimik pannimiglo aungit, tunnergutautilauktamik Kanaanemiut Gûdingoanut, nuna akkiliksannut aungmik ulliktaulaungmat;

Salomob Okâl 23:10

Nunab kiglilervingit nûtaungitut nûtitailikit, iliârsuillo perorsêvinginut ainiarnak (ilangeromavlugit).

Jesaiase 59:7

Ittigangit akpangerput idluitomut, sukkalidlarput, passijaksaungitub aunganik kovisijomavlutik, issumangillo issumauvut piungitut, apᴋutingine asserornartoᴋarpoᴋ kiksarnartoᴋalarmelo.

Jeremia 13:10

Inugasaᴋsuit tamakkoa idliutut, tusaromangitut oᴋausimnik, arvertartut ômatingita piniaromajangine idluitune, maliktullo Gudib assinginik kivgartoromavlugit tuksiarvigijomavlugillo, tapserutitut otunak, sunamullônêt atoraksaujungnaitotut, ilingajomârput.

Jeremia 19:4

Kemaksimagaminga, nunalo tamanna takorngartautilât, isserluanititsivigivlugolo gudingoanut uvanga assimnut ilitaringitamingnut, tâpkoalônêt atâtangitalônêt, Judab ataningitalônêt; nunalo tamanna ilumeramitsuk pasijaksaungitut aunginik kovisilutik;

Jeremia 2:30

Sulingitomik ᴋitorngase annausimavakka, nâlalaungilat sugiarnimnik; saviksoaᴋotise nungutsisimavut nalautaijoᴋotipsingnik, loevetut asseroijotut.

Jeremia 2:34

Aklujut passijaksaungitullo tarningita aungit naipitauvut annorângne, ijersimatilugillo naipilaungilakka, ilûnânêngmatta.

Jeremia 26:15

Kaujimaleritsele nalonangimariktomik, toᴋogupsinga auk pasijaksaungitoᴋ pitiniarapsiuk ilipsingnut iglugasaksoarnullo ukkununga inunginullo; tagva mikseᴋârtôvoᴋ Nâlakab tilisimangmanga ilipsingnut oᴋautsit tamakkoa tamaita oᴋâlautigilugit siutipsingnut perᴋovlunga.

Jeremia 26:23

Tâpkoalo Uria aivât Egiptenemit, âlugolo Jojakimemut ataniojomut; tâpsomalo toᴋolauᴋpâ saviksoarmut, timingalo toᴋungajoᴋ egilugo inutuinait iluvinganut.

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 5:28

Koinisimavut, ᴋeblerpullo; ila, idluitulinerme pivaliavut; idluarsailungilat pitjutinik, iliarsûb pitjutinganiglônêt, sulitsiarᴋovlugo; ajoᴋsartûblo idluarᴋutiksanganik idluarsailungilat.

Jeremia 7:5

Arvertarnise piniarniselo âᴋiksomarigupsigik; idluartomik idluarsaijigêgupse;

Jeremia 7:9

Tigligomavisê, inuaromavluselô, nuliarêngnermiglo asseroijomavlusê, angeromavluselô soᴋoserungnangitomik saglovluse, isserluanititsijomavluselô Baalemut, maligomavluselô Gudib assinginik ilitarilaungitapsingnik,

Jeremiab Ogguarutigijangit 4:13

Nelautaijungita idluituliningit ajoᴋertuijungitalo nâmangituliningit, kovisilauktut idluartut aunginik iglugasaksuit iluane, pivlugit taimailingavok.

Hesekiel 18:6

Kaᴋᴋane nerrilaungikune, ijinelo arlortingikunigik Israêlib ᴋitorngangita gudingoanginut, inôᴋatimelo nulianga ivsornartilaungikuniuk, arnarlo tutilaungikuniuk auᴋarningane;

Hesekiel 22:7

Ilipsingne atâtat anânallo naggogijauvut; takorngartat oᴋumaiksartitauvut; ilipsingne iliarsuit uigarnerillo nâmangituliviovut.

Leviticus 19:33

Takorngartarlo nunaᴋarpat nunapsingne idluitulivigijaksaringilase.

Leviticus 25:17

Terliartigêktuksaungilase, Gûdîlle sivôragijaksarivat; Uvangaugama Nâlegak Gûdise.

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

Mattêuse 27:25

Tagva inugasaksuit ilûnatik kiovât oᴋarlutiglo: Aunga uvaptingnut pilerle ᴋitorngaptingnullo.

Mattêuse 27:4

Oᴋarlunalo: Idluitulilaukpunga, auk pasijaksaungitok pitinapko.

Deuteronomy 11:28

Ominartungortitaunerlo, Nâlekab Gûdipse perᴋojangit maligomangikupsigik, sangugupsele apᴋomit perᴋojijutigijanganit ilipsingnut uvlome, Gûdib assingit ilitaringitase maligomavlugit.

Deuteronomy 24:17

Takorngartab iliarsûblônêt idluarsartauniksanga mumigaksarilungilat; uigarnerublo annorânga tigujaksarilungilat nelunaikutaksautilugo.

Deuteronomy 27:19

Ominarsile mumiksijok takorngartab, iliarsublônêt, uigarnerublônêt idluarsartauniksanganik. Inuillo ilûnatik oᴋartuksauvut: Taimaile.

Deuteronomy 8:19

Nâlegarle Gûdît puigorungne, tâpsomalo asingit Gûdingoat maligungne, kivgartorlugit, pâmaktervigilugillo, tagva kigligiutjivigivapse uvlome, nungutaumarilârapse.

Jâkobusib 1:27

Idluartomik passijaksaungitomiglo Gûdemik kivgartornek Gûdib Atâtab sângane imaipok: Iliarsuit uigarnerillo siorniorningine takojartorlugit, nangminerlo ivsornartitautailivlune silaksoarmiunut.