Jeremia 7:4 - Labrador Inuttitut Heritage Bible

⁴ Sagloᴋattarnerit tatiginiarasigik, oᴋartut: Tamadja Nâlakab tempelinga, Nâlakab tempelinga, Nâlakab tempelinga.

Jeremia 7:4 Iomraidhean Croise

I Atannit 9:7

Tagva Israelitit pêjarniarpakka nunamit tunnilauktamnit tapᴋonunga; iglolo ivsornaiviotilauktara atimnut, pêjaromavara kênarma sânganit; Israelitillo oᴋausiovaktungoromârput, oᴋangoarutingorlutiglo inuᴋatigêksoarnut ilûnnainut.

Jesaiase 48:2

Iglugasaksuit ivsornaitut inunginik taivut, Israêlib Gûdinganik tatteᴋarput; ᴋilangmiugasaksuit Nâlegangat tagva attinga.

Jesaiase 59:4

Idluarnermik attortoᴋangilaᴋ, nallâgôrtomik erᴋartuijoᴋangilaᴋ. Piungitunik tattiksaᴋarput, saeglonernik oᴋâlavut, pijaksaungitunik illumiutaᴋarput, oᴋumainartuniglo saᴋᴋertitsivut.

Jesaiase 66:1

Nalegak oᴋarpoᴋ imâk: Kilak iksivautarivara, nunalo ittikkama ikkovrarivât; sunamik uvamnut iglolioromavisê. sunamiglo innilangaviksamnik?

Jeremia 28:15

Nalautaijublo Jeremiab nalautaijoᴋ Hannania oᴋautivâ: Tusalerit Hannania; Nâlakab tililaungilâtit; inuillo ukkua sungertuteᴋartipatit saglonermik.

Jeremia 29:23

Silainartomik piniarmanik Israêleme, assiniarmaniglo inôᴋatimik nulianginut, saglovlutiglo oᴋâlamanik attimne, uvamnut perᴋojaungitunik, uvangalo ᴋaujimajôvunga kigligiutjijôvungalo, oᴋarpoᴋ Nâlagaᴋ.

Jeremia 29:31

Aularutijaujunut tamainut tiliklisârit, oᴋarlutit: Imâk Nâlagaᴋ oᴋarpoᴋ Semaia Nehelamioᴋ pivlugo: Semaiab nalautaivigingmase, uvangalo tililaunginakpo, saglonermiglo sungertuteᴋartingmase;

Jeremia 6:14

Inuᴋotima paningata kilingit ketatuinarmik inûlivait, sunaungitôjârilugit, oᴋarlutik: Ulapirᴋsaumik, ulapirᴋsaumik; ulapirᴋsauteᴋangimariktilugo.

Jeremia 7:14

Tamanna pivlugo iglo manna, attimnut taijaumajoᴋ, sungertûtigijase, nunalo tunilauᴋtara ilipsingnut atâtagilauᴋtapsingnullo, piniarvigijomavâkka, sorlo Sîlo piniarvigilaurapko.

Hesekiel 13:19

Uvangalo naggonartungortipapsinga inuᴋotima akorngane senaugaksaᴋ tigumiaratuinaᴋ niaᴋôjallo serᴋomakut pivlugit, tarnit toᴋojuksaungitut toᴋotsomavlugit, tarnillo inôjuksaungitut inôᴋojomavlugit, saglokitsinipsingnut inuᴋotimnik, saglonernik tusaromajunik.

Migga 3:11

Angajoᴋângit idluarsaivut pilitaujomavlutik, ajoᴋertuijungillo akkilertaujomavlutik, nalautaijungillo nalautaivut kênaujanut; sullele Nâlegaᴋ egangavigijomavât, oᴋarlutiglo: Nâlegaᴋ akunaptingnêlungilâᴋ? Idluitûb tikiniangilâtigut.

Sefania 3:11

Uvlorme tâpsomane kangusûtiginiangilatit piniarnitit tamaita, idluitulinerijatit uvamnut: taipsomane ilupsingnit pêjaromârapkit piojorinerit pingijaitoksônerillo, kingornganelo pingijaijungnairomârpotit ᴋaᴋaᴋotimne ivsornaitome.

Lukase 3:8

Attê, kiglilingmik sâgiarluse ablatsâmik issumaᴋaritse! issumaniarase, ilupsigut oᴋaromavluse: Abraha atâtagivavut. Oᴋautivapse: ujarᴋanit makkonangat Gûdib Abraha ᴋitorngititsungnarpâ.