Jeremia 7:34 - Labrador Inuttitut Heritage Bible

³⁴ Judablo iglugasaksoangine Jerusalemiblo apᴋosineâlungine sorairtitsomavakka ᴋuviasuktut serrijullo nippingit, nulianiktublo uiniktublo nippîgingnik; nuna sunairutisimajungoromârmat.

Jeremia 7:34 Iomraidhean Croise

Hiobe 3:7

Ahâk unnuak taimna inutôle, igiaᴋomijarnermiglo pijoᴋarniarane tâpsomane.

Imgerut 78:63

Ikkomab angutingit innuosuktut nerrilaukpait, uigasuᴋotingillo aipaᴋarungnalaungilat.

Jesaiase 1:7

Nunase sunaᴋarungnairpoᴋ, iglugasaksoase ikkomamut ikkitaumavut, takkorngartat perorsêvise nungupait ijipse sângine, pitaᴋarungnairlunelo sumiglõnêt (nunase) takkorngartarnut mumiksimajotut-ipoᴋ.

Jesaiase 3:26

Zioniblo upkoaᴋsoangit kiksadlaromârput ogguarlutiglo, ᴋemaktauvlunelo (Zione) iksivajomârpoᴋ nuname.

Jesaiase 6:11

Uvangale oᴋarpunga: Nâlegaᴋ, ᴋanoᴋ sivitutigijomik? Oᴋarvigivânga: Iglugasaksuit asserortauviksangat tikkidlugo, tagvanẽtoᴋarungnairpat, iglullo inuᴋarungnairtitaukpatta, nunalo asserortaulerpat inuerutjauvlune.

Jeremia 16:9

Imâk Nâlagaᴋ Zebaot, Israêlib Gudinga, oᴋarmat: Ahâk, sorairtitsomavakka nuname tamattomane, ijipse sângine uvlupsingnalo, ᴋuviasuktut nippingit serrijullo nippingit; nulianiktut nippingit uiniktullo nippingit.

Jeremia 22:6

Imâk Nâlagaᴋ oᴋarmat Judab ataningata inungit pivlugit: Gileadetut Libanoniblo ᴋângatut ilingavose uvamnut; nalonangitomigle sunaᴋajuitungortitsomavagit, iglugasaksoangortitsomavlutillo inuᴋarungnaitunik.

Jeremia 25:10

Tâpkonangallo pêjaromavakka ᴋuviasuktut serrijullo nippingit, uiksablo nuliaksablo nippingit, serᴋalitsiviublo pervalungningit, nannergoablo ᴋaumaninga.

Jeremia 27:17

Tâpkoa nâlangniarasigik; kivgartorsiugle Babilonib ataninga, inôvluselo; soᴋ iglugasaksuit makkoa asserortaujuksauvât?

Jeremia 33:10

Imâk oᴋarpoᴋ Nâlagaᴋ: Nuname tamattomane oᴋautigijapsingne: sunairutivoᴋ, inuᴋarungnaivlune nergjuteᴋarungnailarmelo, ila, Judab iglugasaksoangine Jerusalemiblo apᴋosineâlungine sunairutijune, inuᴋarungnailutik, iglomioᴋarungnailutik, nergjuteᴋarungnailutik, tamâne takuksaujomârivut

Jeremia 33:11

Kuviasuktut nippinginik, aliasuktullo nippinginik, nulianiktûb nippinganik, uiniktûblo nippinganik, ipkoalo nippinginik oᴋartut: Nâlagaᴋ Zebaot ᴋujagisiuk, Nâlagaᴋ ajungitôngmat, nâpkiningningalo soraijuitôngmat; ipkoalo tunergutinik ᴋujalitiksanik Nâlakab iglunganut âtsijut nippinginik. Nunab aularutijaujungit utertitsomârapkit sorlo pigiarnerme, oᴋarpoᴋ Nâlagaᴋ.

Jeremia 4:26

Ulernairsilauᴋpunga, sunaubvalo Karmel sunaᴋajuitôvoᴋ, iglugasaksoangillo oggotitaumavut Nâlakab sângane, ningaumajârningatalo ilungertudlartub sângane.

Jeremia 4:27

Imâk Nâlagaᴋ oᴋarmat: Nuna ilûnât asserortaujomârpoᴋ, nungumariklugole pijomangilanga.

Jeremia 44:6

Tamanna pivlugo ningaumajârnera ᴋaningaumajârneralo kovijauvuk, ikoâlalauᴋpuglo Judab iglugasaksoangine Jerusalemiblo apᴋosineâlungine; tâpkoalo asserortaumavut inuilangorlutiglo sorlo uvlome pingmatta.

Jeremiab Ogguarutigijangit 5:14

Inuᴋoartut iksivajungnaiput upkoaksuit saniane, inôsuktullo angutit tuksialagungnaiput.

Hesekiel 26:13

Tuksiarnivillo errinangit sorairtitsomârpakka, harfivillo nippingit tusaksaujungnairomârput.

Hesekiel 7:11

Aksorotjineᴋ sôngosivlune sukkangorpoᴋ idluitulinermut; tâpkonangallo nangmineᴋ unurninginillônêt akluininginillônêt manigornartoᴋarniangilaᴋ tâpkonunga.

Hosea 2:11

Aliagijangit tamaita sorairtitsomavakka, uvloᴋsiorvingit, taᴋᴋêlaᴋsiorvingillo, sabbatingillo, katimaviksauᴋojangillo tamaita.

Hosea 2:13

Uvlullo Baalenut atortangit akkiniarutigijomavakka tâpsomunga, tippigiksautinik isserluanititsivigijangit tâpkonunga, pinnarnarsitigame nangminerminik siumiutaminut pinnarnarsautiminullo, anguniaᴋatigijanelo ᴋeneriartoramigit, uvamniglo puigorlune, oᴋarpoᴋ Nâlegaᴋ.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.

Migga 7:13

Sullele nuna sunataᴋangitôjomârpoᴋ inungit pivlugit, piniarningitalo kinguningit pitjutigilugit.

Takotitaunermik 18:23

Nennerutiblo ᴋaumaninganut ᴋaumaksaijoᴋarungnainiarivok ilipsingne, uiksablo nuliaksablo nippingit tussartaujungnainiarivut ilipsingne. Niuvertut ilipsingne angajoᴋâksoangolaungmatta nuname, angakonipsingnut nelojut tamaita tamartitaulaungmatta.