Jeremia 7:26 - Labrador Inuttitut Heritage Bible

²⁶ Tusaromalaungilângale, mannijilaungilallo siutimingnik, tatitojoᴋsôvulle; sugaluluartulivut atâtagijamingnit.

Jeremia 7:26 Iomraidhean Croise

I Atannit 14:22

Judakullo pinniarlaukput Nâlekab idluigijanginik, ningaksarnersarivâllo tamainit atâtagijangita pinniarlauktanginit, idluinermingnut pinniarlauktamingnut.

I Atannit 14:9

Sugaluluartomiglo pinniarlaukpotit tamainit sivunernelauktunit, ailaukpotit Gûdiblo asinginik, Gûdingoanik kovimajunik sanalutit illingnut, ningaksaromavlunga, tunnungnullo egimavarma,

II Atannit 17:14

Nâlelaungilelle ᴋongesetigle keratatipait atâtagijamiktut, okperlaungitutitut Nâlekamut Gûdemingnut.

II Atannit 17:15

Perkojangillo angerningalo, atâtagijanginut angerlauktanga, tennersariningillo tunnilauktangit tapᴋonunga, nachogivait, agvertarlutiglo Gûdingoat suksaungitut malliklugit, pinniarlutiglo suksaungitomik, nallojut malliklugit avatimingne nunakalauktut, Nâlekab perkojijutigijangit tapᴋoninga, taipkotitunak pinniartuksaungimatta.

II Kronika 30:8

Tagva tappatôniarase manna atâtagijapsetut, aggassele tunnissigik Nalekamut, ᴋaititselo ivsornaitoviᴋotinganut ivsornaitilauktanganut issoᴋangitomut, Nalegarlo Gudise kivgartorsiuk, ningarninga illungertortok sangulerᴋovlugo illipsingnit.

II Kronika 33:10

Nalekablo Manasse innuᴋotingillo oᴋarvigivait, kamalungilelle tamattominga.

II Kronika 33:23

Manigotitilaungilarlo Nalekab sângane, Manassetut atâtangatut; tamna Amon idluitullingmat unnuktunik.

Nehemia 9:29

Kigligiudsivioᴋolaukpattillo sâlertuksaungmatta Malligaksauᴋojarnut. Piojorilerlaukpulle, Nâlelaungilaillo perᴋojattit, idluitullilutiglo idluarijattit akkerartorlugit, (tapᴋoale inuit nalliata pinniarpagit inôgutigivlugit pingmagit) tuitiglo sangutipait, tappatolerlutiglo, Nâlengnatiglo.

Salomob Okâl 29:1

Kunujok pitlartaunermik, tamna tagvainak asseroromârpok, ikajortauneᴋarane.

Jesaiase 48:4

Mangaidlarnit ᴋaujimagapko ᴋollêkiglo nukkeᴋartuk kikkiangojunik, ᴋaullo kannujaujoᴋ,

Jesaiase 5:4

Sumik sulle pijarialingmik perorsêviga vaineliksatalik pivigingilarâ? Sôᴋ paungalukaᴋarᴋâ, ajungitunik paungaᴋarniksanga nerriugigapko?

Jeremia 11:8

Nâlalaungilalle, siutimingniglônêt manijilaungilat, ilûnatigle atunit arvertalauᴋput ômatingita idluitut mangainingit maliklugit; tamanna pivlugo tikiutjivigilauᴋpakka angiᴋatigêngnerub tamattoma oᴋausertanginik tamainik perᴋolauᴋtamnik tâpkonunga piniartauᴋovlugo, piniarnerilaungitanginigle.

Jeremia 16:12

Ilipselo angiluartomik idluitulisimavose atâtagijapsingnit; tagva, ahâk, atunit ilûnase arvertarpose ômatipse idluitut mangaitisimaningit maliklugit, nâlalugaselo uvamnik;

Jeremia 17:23

Tâpkoale nâlalaungilat, siutitiglônêt mannilaungilait, ᴋongasetigle ᴋeratatipait, tusaromanginamik ajoᴋertortaujomanginamiglo.

Jeremia 19:15

Imâk oᴋarpoᴋ Nâlagaᴋ Zebaot, Israêlib Gudinga: Ahâk, iglugasaksoarnut ukkununga iglugasaksoanullo tamainut tikiutjijomavunga idluinernik tamainik oᴋautigisimajamnik tâpkonunga; ᴋongasetik ᴋeratatilaungmagit oᴋausikka tusaromanagit.

Jeremia 22:21

Oᴋarvigilauᴋpagit piloringnerme; kiolauᴋpotille: Tusaromangilanga. Taimailiutsainarpotit inôsungnernit, nippiga nâlagomanginangne.

Jeremia 25:3

Josiab, Amonib erningata, Judab ataningata, jâringita 13inganit, uvloᴋ tamanna tikidlugo, jârit makkoa 23 nâvlugit, Nâlakab oᴋausingita tikipânga, oᴋâlavigisimavapselo makisaraivlunga oᴋarlungalo; tusaromalaungilasele.

Jeremia 25:7

Nâlalungilapsingale, oᴋarpoᴋ Nâlagaᴋ, ningarsâromagapsinga aggapse sulianginut idluiᴋutiksapsingnut.

Jeremia 26:5

Tusaromanagillo kivgama nalautaijut oᴋausingit tililauᴋtama ilipsingnut, makisaraivlunga tililugillo, tusaromalaungitasele.

Jeremia 29:19

Nâlangimatigit oᴋausikka, oᴋarpoᴋ Nâlagaᴋ, tilikliutigilauᴋtakka tâpkonunga kivgapkut nalautaijutigut, makisaraivlunga tililugillo; tusaromalaungilasele, oᴋarpoᴋ Nâlagaᴋ.

Jeremia 3:13

Kissiane idluitulinitit kigligiksautigikit, Nâlagaᴋ Gude idluitulivigilaurangne, salumainîllo serᴋerautigisimavat takorngartanut napârtut tungujortat ilûnatik atâne, nâlalaungilaselo nippimnik, Nâlagaᴋ oᴋarpoᴋ.

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Jeremia 34:14

Jârit 7it nâjarangata ilûnase atunit kipalûtjârijuksauvose ᴋatangutipsingnik Ebreeriojunik, niorvgutigilauᴋtunik ingmingnik ilipsingnut, kivgartorsimajuniglo ilipsingnik jârit 6it nâvlugit, kipalûtjâraksarivase; sivorlipsele nâlalaungilânga, mannijilaungilallônêt siutimingnik.

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 35:17

Taimaimat imâk oᴋarpoᴋ Nâlagaᴋ, Gude Zebaot, Israêlib Gudinga: Ahâk, Judamut Jerusalemiunullo tamainut tikiutjijomavunga idluitunik tamainik oᴋautigijamnik tâpkonunga; oᴋarvigilaurapkit tusalaungimattale; ᴋaigarsugvigilaurapkillo, kiolaungimattale.

Jeremia 44:16

Oᴋauseᴋ oᴋautigijat uvaptingnut Nâlakab attingane pitjutigivlugo, nâlagomangilaptigit.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Jeremia 6:10

Kimut oᴋartuksauvingâ kigligiudjilungalo, tusarᴋovlugît? Takuitse, siutingit tusângitôvut tusarungnangilallo; ahâk, Nâlakab oᴋausinga mitautiksatuinaunasugivât, ᴋuviagilungilâllo.

Jeremia 6:17

Pigârtuksaᴋartilauᴋpapselo oᴋartuksanik: Nâlagitse tiptulautib nippinganik; tâpkoale oᴋarput: Nâlagomalungilagut.

Jeremia 7:24

Nâlalaungilalle, siutimingniglônêt mannijilaungilat, arvertalauᴋpulle issumamingnik ômatimiglo idluitut ᴋepêserningat maliklugo, kingupiartorpullo sivumuarlugatik.

Jeremia 9:13

Nâlagarlo oᴋarpoᴋ: (Taimailingavoᴋ) ᴋemailaungmatta perᴋojamnik tunilauᴋtamnik tâpkonunga, nâlalaungimattalo nippimnik, arvertalaungimattalo tâpkoa maliklugit;

Hesekiel 12:2

Inûb erninga, tapatojoᴋsuit akorngane nunaᴋarpotit; tâpkoa ijeᴋaraloarput, tautulungilalle; siuteᴋarpullo, tusalungilalle; tapatojoᴋsôᴋatigêngogamik.

Hesekiel 12:3

Taimaimat, igvit inûb erninga, perᴋutitit opalungaisarkit aulârnermut, uvlôtilugolo tâpkoa takonârtilugit aulârit; nunagijarnillo aulartuksauvotit nunagijavît assianut tâpkoa takonârtilugit; imaᴋa malugosulârput tapatojoᴋsôᴋatigêgamik.

Hesekiel 20:30

Tamanna pivlugo Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Ivsornartiᴋisê ilipsingnik atâtapse iluserijangit maliklugît? Assiniarᴋisêlo tâpkoa maᴋojungnartuliangit maliklugît?

Daniel 9:6

Nâlangilavullo kivgatit nalautaijut, attini oᴋâlajut ataniptingnut, angajoᴋâᴋsoarijaptingnullo, atâtagijaptingnullo, nunablo inunginut tamainut.

Hosea 11:7

Inuᴋotikka kingupiartorsimangmatta uvamnit; ᴋotsiktomêtomut ᴋaiᴋojaugaloarmatta, atautsemiglônêt ᴋagverasuartoᴋangilaᴋ.

Saggaria 7:11

Tâpkoale nâlagomalaungilat, tuitiglo ᴋagvartipait ᴋunumut, siutitiglo simikpait tusaromangimut.

Mâlaki 3:7

Atâtapse uvlunginit aglât sanguvose maligaksauᴋojamnit, nâlengnagillo. Uteritse uvamnut, uvangalo uteromagivunga ilipsingnut, oᴋarpoᴋ Nâlegaᴋ Zebaot. Oᴋarposele: ᴋanoᴋ ilivluta utertuksauvitâ?

Mattêuse 21:38

Perorsêvilerijulle erninga takogamitsuk, ingmingnut oᴋalerput: Tagga kingormgujijuksak; attê toᴋoniarlavut, kingormgutijaksangillo uvagut pigilerlugit.

Mattêuse 23:32

Attê, ilipsetauk sivorlipse ôktûtigilauktangat tattaniarsiuk.

Apostelit Piniarningit 7:51

Tapatojoksôjose kipimangitoselo ômatipsigut siutipsigullo, akkerartutsainarpase Anernek ajunginek. Atâtagijapsitut ilipsetauk taimailiorivose.

Rômiunut 2:5

Igville ômativît mangaidlarninganut ᴋaᴋialeromangininganullo ᴋallerêktitsivotit nangminernut ningautsemik ningautsib uvluksanganut Gûdiblo erᴋartuiningata idluartub saᴋᴋijârvianut.

Deuteronomy 8:20

Inôᴋatigêksoatitut, Nâlekab nungutautitangititut sâpsingne, taimak nungutaulârivose, Nâlekab Gûdipse nippinga nâlagomanginapsiuk.