Jeremia 7:24 - Labrador Inuttitut Heritage Bible

²⁴ Nâlalaungilalle, siutimingniglônêt mannijilaungilat, arvertalauᴋpulle issumamingnik ômatimiglo idluitut ᴋepêserningat maliklugo, kingupiartorpullo sivumuarlugatik.

Jeremia 7:24 Iomraidhean Croise

Nehemia 9:29

Kigligiudsivioᴋolaukpattillo sâlertuksaungmatta Malligaksauᴋojarnut. Piojorilerlaukpulle, Nâlelaungilaillo perᴋojattit, idluitullilutiglo idluarijattit akkerartorlugit, (tapᴋoale inuit nalliata pinniarpagit inôgutigivlugit pingmagit) tuitiglo sangutipait, tappatolerlutiglo, Nâlengnatiglo.

Imgerut 81:13

Innuᴋotima nâlegomanajarpânga Israelitillo arvertaromakpatta apᴋosinimne.

Jeremia 13:10

Inugasaᴋsuit tamakkoa idliutut, tusaromangitut oᴋausimnik, arvertartut ômatingita piniaromajangine idluitune, maliktullo Gudib assinginik kivgartoromavlugit tuksiarvigijomavlugillo, tapserutitut otunak, sunamullônêt atoraksaujungnaitotut, ilingajomârput.

Jeremia 13:11

Sorlo tapserut atsungersortaungmat angutiub makitinganut, taimak Israêlib ᴋitorngangit ilûnaita Judablo ᴋitorngangit ilûnaita atsungersoromalauᴋpakka uvamnut, Nâlagaᴋ oᴋarpoᴋ; inuᴋutauᴋovlugit, unipkautiksauᴋovlugillo, nertortaujutiksauᴋovlugillo, opigijaujutiksauᴋovlugillo uvamnut; tusaromalaungilalle.

Jeremia 15:6

Iperarsimavarma, Nâlagaᴋ oᴋarpoᴋ, kingupiartorsimavotit; taimaimat aggakka issaksimavakka ilingnut asserorlutit; nâpkiningnermik merngortudlarpunga.

Jeremia 16:12

Ilipselo angiluartomik idluitulisimavose atâtagijapsingnit; tagva, ahâk, atunit ilûnase arvertarpose ômatipse idluitut mangaitisimaningit maliklugit, nâlalugaselo uvamnik;

Jeremia 17:23

Tâpkoale nâlalaungilat, siutitiglônêt mannilaungilait, ᴋongasetigle ᴋeratatipait, tusaromanginamik ajoᴋertortaujomanginamiglo.

Jeremia 17:9

Omate nalangaitoᴋsôluarpoᴋ assinginit tamainit, ᴋanimadlartoᴋsôvorlo; kia ilitarijungnarᴋaûk?

Jeremia 18:10

Idluitulilerpatta sâmne nippigalo nâlangnagô, ᴋaᴋialerutigijomavara ajungitulineᴋ kajusijutigilauᴋtara piniaromavlugo tâpkonunga.

Jeremia 18:12

Tâpkoale oᴋarput: Tamanna nerriungnalungilaᴋ; issumaptingnik arvertaromagapta piniaromavlutalo ilûnata atunit ômatipta mangaitisimajut kajusimaningit maliklugit.

Jeremia 2:27

Oᴋartut ᴋejungmut: Atâtagivagit; ujarᴋamullo: Ernerivarma; taipkoa tunupânga sâvigingilângalo; kapiasungnermiglo naliuningane oᴋaromârput: Nikovilaurit piulilutillo.

Jeremia 22:21

Oᴋarvigilauᴋpagit piloringnerme; kiolauᴋpotille: Tusaromangilanga. Taimailiutsainarpotit inôsungnernit, nippiga nâlagomanginangne.

Jeremia 23:17

Naggojut uvamnik oᴋautiᴋattarpait: Nâlagaᴋ oᴋarsimavoᴋ: Ulapirᴋsauteᴋarniarpose: arvertartunullo tamainut ômatimik mangaitisimaningit maliklugit oᴋarput: Idluitub tikiniangilâse.

Jeremia 3:13

Kissiane idluitulinitit kigligiksautigikit, Nâlagaᴋ Gude idluitulivigilaurangne, salumainîllo serᴋerautigisimavat takorngartanut napârtut tungujortat ilûnatik atâne, nâlalaungilaselo nippimnik, Nâlagaᴋ oᴋarpoᴋ.

Jeremia 3:17

Naliutomele tâpsomane Jerusalem atseraromârpât Nâlakab iksivautaᴋsoanganik; inôᴋatigêksuillo ilûnatik katijomârput tagvunga, Nâlakab attinga pivlugo, Jerusalemut; arvertarungnairomârpullo ômatingita idluitut nâmagijangat maliklugo.

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Jeremia 32:33

Tunuterpullo uvamnut, kênalijaromangimut; ajoᴋertulauralloarapkillo, nikovisaraivlunga ajoᴋertorlugit, sulle nâlalaungilat ajoᴋertutsit ilalioromalaungilait.

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 6:16

Imâk Nâlagaᴋ oᴋarpoᴋ: Nangeriartoritse apᴋosinerne, takonârluselo, apᴋosineolauᴋtullo apertsûtigilugit, apᴋutit naliat idluarnerpaumangât, tâpsomanalo arvertaritse, merngoerserviksarsilârpose tagva tarnipsingnut; tâpkoale oᴋarput: Tâpsomane arvertaromangilagut.

Jeremia 7:26

Tusaromalaungilângale, mannijilaungilallo siutimingnik, tatitojoᴋsôvulle; sugaluluartulivut atâtagijamingnit.

Jeremia 8:5

Suna pivlugole inugasaᴋsuit ukkua Jerusalemiut kingumut sittorsimavât kingupiartornermut soraijungnangitomût? Tammarsimatsainaromavut, uteromangilallo.

Jeremia 9:14

Arvertalaungmattale ômatimik mangaitoᴋsôningat maliklugo, Baalelo maliklugo, sorlo ajoᴋertortaulaungmatta atâtamingnut;

Hesekiel 20:13

Israêlible ᴋitorngangita tapagilauᴋpânga sunaᴋajuitome; arvertalaungilat maligaksauᴋojamne ajaktuivulle perᴋojamnik, inûb tamakkoa piniarpagit inôjûtigilârpait; sabbatikkalo sôngojomik ivsornaijungnaitipait: oᴋarpunga tagva ningaumajârnera kovijomagapko tâpkonunga sunaᴋajuitome, nungutsomavlugit.

Hesekiel 20:16

Perᴋojakka ajaktulaungmagit, arvertaratiglo maligaksauᴋojamne, sabbatikkalo ivsornaijungnaitingmagit; ômatingita gudingoaliarimajatik malingmagit.

Hesekiel 20:21

Kitorngalletauᴋ tapagivânga; arvertalaungilat maligaksauᴋojamne, perᴋojakkalo nâlengilait piniaromavlugit, inûb tamakkoa piniarpagit inôjûtigijangit; sabbatikka ivsornaijungnaitipait, oᴋarpunga tagva ᴋaningaumajârnera kovijomagapko tâpkonunga, ningaumajârnera tâpkoninga nâmaksijomavlugo sunaᴋajuitome.

Hesekiel 20:8

Tâpkoale tapagilauᴋpânga nâlegomanangalo; egitsijoᴋangilaᴋ ijingita maᴋojungnarutigijanginik, iperaingilallônêt Egiptenemiut gudingoanginik: oᴋarpunga tagva, kovisivigijomavakka ᴋaningaumajâdlarnimnik, nâmaksijomavlugo ningaumajârnera tâpkoninga tagvane Egipteneme.

Daniel 9:6

Nâlangilavullo kivgatit nalautaijut, attini oᴋâlajut ataniptingnut, angajoᴋâᴋsoarijaptingnullo, atâtagijaptingnullo, nunablo inunginut tamainut.

Hosea 10:6

Tâmnatauᴋ aularutijaujomârmat Assiriamut, tujutiksauvlune atanermut Jârebemut: Efraimib kangusungneᴋ pilârpâ, Israêliblo atanertuinine kangusutigilârpâ.

Hosea 4:16

Israêle ᴋepêsermat, tuktuvâraᴋtut ᴋepêsertotut; mânale Nâlekab nerripkaromavait saugârsutut naternarsoarme.

Migga 6:16

Omrib maligaksauᴋojangit maliktaungmatta, Ahabiblo ᴋitorngangita piniarningit, arvertarposelo tâpkoa ilusioᴋojangit maliklugit; tamanna pivlugo asserornerlukungortitsomârpapse, nunablo inungit mitautiksangordlugit; inuᴋotimalo naggonarningat nangmalârpase.

Saggaria 7:11

Tâpkoale nâlagomalaungilat, tuitiglo ᴋagvartipait ᴋunumut, siutitiglo simikpait tusaromangimut.

Deuteronomy 29:19

Taimaitorlo tusaraloarlune ôminarsiᴋojinerûb oma oᴋausertanginik, ômatimik pilluangoneraivok nangminerminik, oᴋarlune: Ulapirᴋsauteᴋarniarpunga, arvertaraloaruma ômatima ᴋepêserningane, imertudlarneᴋ ilautitsomavlugo imerungnermut;