Jeremia 7:23 - Labrador Inuttitut Heritage Bible

²³ Imaitomigle perᴋolauᴋpakka, oᴋarlunga: Nippiga nâlaksiuk, Gudeojomavungalo ilipsingnut inuᴋotigijomavapselo; arvertaritselo apᴋutauᴋojamne, ᴋanoengitsiarᴋovluse.

Jeremia 7:23 Iomraidhean Croise

Hiobe 36:11

“Nâlekunik, kivgartoruniuglo; tagva uvlutik naggaserniarpait ajungitome, Jâritiglo inarᴋonartome.

Imgerut 119:3

Tâpsoma apᴋosiningane arvertartut idluitullilunginamik.

Imgerut 40:6

Tunnergutiksat toᴋᴋotaksat tunnergutiksallo nerᴋiksat kuvigagingilattit; siutimnigle angmaivigimavarma. Tunnergutiksat ôtaksat, tunnergutiksallonêt ajortoêrutiksat pijomangilattit.

Imgerut 81:13

Innuᴋotima nâlegomanajarpânga Israelitillo arvertaromakpatta apᴋosinimne.

Exodus 15:26

Oᴋarlunelo: Nâlekab Gûdivit nipinga nâletsiaromagungne, piniaromavlugillo tâpsoma sângane idluarijaujut, siutit manijomagungne tâpsoma perᴋojanginut, maligaksaurᴋojangillo maligomagungne, ilijivigijomangilagit ᴋanimaserit nalianiglônêt tikitilauktamnik Egiptenemiunut: Uvangaugama Nâlegak inûliklertît.

Exodus 16:32

Moseselo oᴋarpok: Tamadja, tagga, Nâlekab perᴋojanga: Omere tatalersiuk tâpkoninga, torᴋorsimajuksanik kinguvâksapsingnut; takorᴋovlugit ᴋakᴋôjanik nerrititsijutigilauktamnik ilipsingnik aularutigapse nunamit Egiptenemit.

Jesaiase 3:10

Iduartut oᴋautigisigik, illingatsiarmatta, piniarnerijangita malliktingit inûtigijomâramigit.

Jeremia 11:4

Angerutigilauᴋtamnik atâtagijapsingnut uvlorme aularutjivigilauᴋtamne tâpkoninga nunamit Egiptenemit, kiaksauteâlungmit kikiangojomit, oᴋarlunga: Nippiga nâlaksiuk, piniarlugillo tamaita perᴋojakka ilipsingnut; taimak inuᴋutaujomârpose uvamnut, uvangalo Gudeojomavunga ilipsingnut;

Jeremia 11:7

Katsungaidlunga atâtagilauᴋtase kigligiutjivigilaurapkit uvlorme aularutjivigilauᴋtamne tâpkoninga nunamit Egiptenemit, uvlome tikidlugo aglât, makisaraivlunga kigligiutjilunga, oᴋarlungalo: Nippiga nâlaksiuk.

Jeremia 13:11

Sorlo tapserut atsungersortaungmat angutiub makitinganut, taimak Israêlib ᴋitorngangit ilûnaita Judablo ᴋitorngangit ilûnaita atsungersoromalauᴋpakka uvamnut, Nâlagaᴋ oᴋarpoᴋ; inuᴋutauᴋovlugit, unipkautiksauᴋovlugillo, nertortaujutiksauᴋovlugillo, opigijaujutiksauᴋovlugillo uvamnut; tusaromalaungilalle.

Jeremia 22:21

Oᴋarvigilauᴋpagit piloringnerme; kiolauᴋpotille: Tusaromangilanga. Taimailiutsainarpotit inôsungnernit, nippiga nâlagomanginangne.

Jeremia 22:3

Imâk oᴋarpoᴋ Nâlagaᴋ: Nâmaktomik erᴋartuileritse idluarsailuselo, oᴋumaiksartitaujorlo piulisiuk oᴋumaiksartitsijub agganginit; idluituliniaraselo, aksorornermiglo atorniarase, tujormianullônêt, iliarsunullônêt, uigarnernullônêt, kovisiniaraselo aungmik pasijaksaungitomik nuname tamattomane.

Jeremia 24:7

Tunidjivigijomavakkalo ômatinik ilitarᴋsiᴋovlugit uvamnik, uvanga Nâlagaugama; inuᴋotigijomavakkalo tâpkoalo Gudiginiarpânga; ômamut tamânut sâgiaromârmatta uvamnut.

Jeremia 31:33

Tamadja angerutiga Israêlikunut, uvlut tamakkoa kingorngatigut pijomârtara, oᴋarpoᴋ Nâlagaᴋ: Perᴋojakka issumanginut pititsomavakka, ômatinginullo aglagomavakka; taipkonungalo Gudeojomavunga, tâpkoalo inuᴋotigijomârivakka.

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Jeremia 38:20

Jeremiale oᴋarpoᴋ: Pitilulângilâtit. Nâlalauruktôᴋ Nâlakab nippinga, makkonane oᴋautigijamne ilingnut; idluarᴋutigilârangne, tarnîllo inôjomârpoᴋ.

Jeremia 42:6

Pijominarmangât pijominangimangâllônêt nâlagomavavut, Nâlakab Gudipta, ilingnik uvaptingnut tiliklertûb nippinga, ᴋanoengitsiarᴋovluta, Nâlakab Gudipta nippinga nâlakuptigo.

Sefania 3:2

Nâlelaungilat nippemik; ilaliolungilat inerterutaujunik; Nâlegak sungertutigilungilât; Guditik najoromangilât.

Saggaria 6:15

Ungasiktullo tikilârput igloliorᴋatauvlutiglo Nâlekab katimaviksoanganik, ᴋaujijuksaulârposelo Nâlekab Zebaotib tilingmanga ilipsingnut. Tamannalo naliutilârpok katsungaivluse nâletsiarupse Nâlekab Gudipse nippinganik.

Saggaria 7:7

Tusaraksaringilasê oᴋautsit Nâlekab oᴋauserilauktangit nalautaijutigut sivorlitigut, Jerusalem inuktaᴋalaungmat pilluangongmattalo, iglugasaksuillo tâpsoma avatânêtut seᴋinerdlerlo naternangillo nunagijaulaungmattâ?

Rômiunut 16:26

Mânale nalonairsimavoᴋ, nalautaijullo aglanginut issoᴋangitoᴋsûb Gûdib perᴋojanga maliklugo oᴋautigijaujoᴋ, nalojunut tamainut, okpilerniarᴋovlugit nâlaklutik,)

II Korintemiunut 10:5

Issumalungnerit asseroraptigik, ilûnaitalo piojorinerit akkerartortut Gûdemik illitarsinermut, erᴋarsautiâluillo tamaita parngnanairpavut Kristûsemik nâlektilugit;

Deuteronomy 11:27

Saimartitaunek, maligomagupse Nâlekab Gûdipse perᴋojanginik, perᴋojijutigijamnik ilipsingnut uvlome;

Deuteronomy 13:4

Nâlegak Gûdise maligaksarivase, tâmna sivôragilugo, tâpsomalo perᴋojangit piniarlugit, tâpsomalo nippinga nâleklugo, tâmnalo kivgartoraksarivase ungagilugolo.

Deuteronomy 13:5

Nelautaijorlo imna, sinnartômajorlônêt taimna, toᴋotaujuksauvok, nâlegungnaineᴋ Nâlekamik Gûdipsingnik, tikiutjijipsingnik nunamit Egiptenemit, piulijipsingniglo iglomit kipalovingmit, oᴋautigingmago, uerisaromangmase apᴋomit Nâlekab Gûdivît apᴋutauᴋojanganit ilingnut. Taimaglo ajortok akunapsingnit pêjarniarpat.

Deuteronomy 30:2

Sâgiaruvillo Nâlekamut Gûdingnut, tâpsomalo nippinga nâlagungne, uvlome perᴋojakka ilingnut tamaita maliklugit, igvit ᴋitorngatillo, ômatingnut tamânut tarningnullo tamânut, maligomalerungne;

Deuteronomy 30:20

Nâlegak Gûdît nagligijomavlugo, nippinga nâlagomavlugo, ungagijomavlugolo; tamanna inôgutigigangne, inutoᴋautigilugolo; ineᴋarᴋovlutit nuname Nâlekab angermariklune angerutigijangane atâtagijarnut, Abrahamut, Isaarmullo, Jakomullo, tunijomavlugo tâpkonunga.

Deuteronomy 30:8

Igvillo sâgiaromârpotit, Nâlekab nippinga nâlegomavlugo, perᴋojangit tamaita, perᴋojijutigijakka ilingnut uvlome, piniaromavlugit.

Deuteronomy 4:10

Uvloᴋ imna (puigornago) nangilauravit Nâlekab Gûdivît sângane Horebeme, Nâlekab oᴋautingmanga: Inuit katimatikit, tusartilârpakkalo oᴋauserijamnik, iliniarᴋovlugit sivôragijaksaringmanga uvlut inôvigilârtatik nuname tamaita nâvlugit, ajuᴋertuiᴋovlugillo ᴋitorngamingnik.

Deuteronomy 4:40

Maliluaraksarivatillo tâpsoma maligaksangit perᴋojangillo, uvlome ilingnut perᴋojarijakka, pilluangoᴋovlutit, igvit ᴋitorngatillo kingunerne, uvlutillo unuksiᴋovlugit nuname Nâlekab Gûdivît tunijangane ilingnut soraijuitomik.

Deuteronomy 5:16

Atâtangnik anânangniglo nâlektuksauvotit, sorlo Nâlekab Gûdivît perᴋongmatit; uvlutit sivitoᴋovlugit, inôtsialuarᴋovlutillo nuname Nâlekab Gûdivît tunijangane ilingnut.

Deuteronomy 5:29

ᴋanoktôk taimaitomik ômateᴋatsainarlit sivôraᴋovlugit uvamnik perᴋojakkalo tamaita maliklugit, piloridlarᴋovlugit, tâpkoa ᴋitorngangillo soraijuitomik.

Deuteronomy 5:33

Arvertartuksauvose apᴋome ilûnâne Nâlekab Gûdipse perᴋojangane ilipsingnut, inôᴋovluse, piloridlarᴋovluselo, unuksititsiᴋovluselo uvlupsingnik nuname pigilârtapsingne.

Deuteronomy 6:3

Nâlagit, taimaimat, Israêl, kamagitsiarlugo piniarᴋovlutit; piloridlarᴋovlutit, unuksivaliaᴋovlutillo sôngojomik, sorlo Nâlekab, atâtagijavît Gûdingata, angervigingmatit, nuname imungmik igupsaujârtullo orᴋsuanik kôlingme.

Ebrêerinut 5:9

Tamaitalo nâmaksitinamigit, nalektiminut ilûnainut piulijaujutaumalerpoᴋ nâksaungitomik;

I Samuel 15:22

Samuelele oᴋarpok: Issumavit Nalekab tunnergutiksat, tunergutiksallo ôtaksat ᴋuviaginersaringmagit nalangnermit Nalekab nippinganik? Ahâk nalengnek namanersauvok tunnergutiksamit, kammatsiarnerlo namanersauvok saukat angutingita orsuanit.