Jeremia 7:2 - Labrador Inuttitut Heritage Bible

² Nangeriartorit Nâlakab iglungata itertarviane, oᴋauserlo tamanna oᴋâlautigiuk, oᴋarlutillo: Nâlakab oᴋausinga tusarsiuk, ilipse ilûnase Judamêtose, iterpaktose upkoaᴋsoatigut tamakkotiguna, Nâlagaᴋ tuksiarvigijomavlugo.

Jeremia 7:2 Iomraidhean Croise

I Atannit 22:19

Tamnalo oᴋarpok: Tamânna pivlugo tusarᴋit mânna Nâlekab oᴋausingit: Nâlegak takkolaukpara iksivatillugo iksivautaksoarmine, ᴋillangmiugaseksuillo ilûnnamasiatik nangertillugit saniane, tallerpiane, saumianelo.

Imgerut 122:2

Ittikkavut Jerusalemiôjotit itterviksoarne nangerput.

Jesaiase 1:10

Nâlekab oᴋausinga tussarsiuk, illipse attaniojose Sodomame, Gûdipta perᴋojangit õmamiutarisigik, illipse Gomorramiôjose!

Jeremia 10:1

Tusarsiuk oᴋauseᴋ Nâlakab oᴋauserijanga ilipsingnut, ilipse Israêlib ᴋitorngangit;

Jeremia 11:6

Nâlakablo oᴋautilauᴋpânga: Oᴋautsit tamakkoa tamaita oᴋâlatigikit Judab iglugasaksoangine, Jerusalemiblo apᴋosineâlungine, oᴋarlutit: Angeᴋatigêngnerub tamattoma oᴋausertangit tusarsigik piniarlugillo.

Jeremia 19:14

Jeremialo tagva majorarpoᴋ Tôfetemit aivigilauᴋtaminit Nâlakamut tilijaugame nalautaileriartorᴋovlugo; nangeriartorporlo Nâlakab iglungata avalungita iluane, inuillo ilûnaita oᴋautivait:

Jeremia 2:2

Ailerit ᴋuggudlartutillo Jerusalemiut siutinginut, oᴋarlutit: Imâk Nâlagaᴋ oᴋarpoᴋ: Pivlutit erᴋaumavunga inôsungnivît ilianâᴋarninganik, unganerniglo nuliaksaulauravit; malilauramga inuᴋajuitome, nuname perorsijaksanik karngasoiviolaungitome.

Jeremia 2:4

Tusaritse Nâlakab oᴋausinginik, ilipse Jâkob ᴋitorngarêngit Israêliblo kinguvârêngit.

Jeremia 26:2

Imâk Nâlagaᴋ oᴋarpoᴋ: Nangerit Nâlakab iglungata avalungita iluane, Judablo iglugasaksoarmiungit tamaita tuksiariartortut Nâlêkab iglunganut oᴋâlavigikit, oᴋautsinik tamainik ilingnut oᴋâlautauᴋolauᴋtamnik tâpkonunga; oᴋautsemik atautsemiglônêt ikitliniarnagit.

Jeremia 28:5

Nalautaijublo Jeremiab nalautaijoᴋ Hannania oᴋarvigivâ ajoᴋertuijut najûtitilugit inuillo tamaita Nâlakab iglungane ᴋikkartut najûtitilugit,

Jeremia 34:4

Nâlakable oᴋausinga tusaruk, Zedekia, Judab ataninga: imâk oᴋarpoᴋ Nâlagaᴋ igvit pivlutit: Saviksoarmut toᴋojuksaungilatit;

Jeremia 36:10

Bârukiblo Jeremiab oᴋausingit aglangnêtut atuarpait Nâlakab iglungane, Gemarîab, Sâfanib erningata aglakpaktub iningane, avaluliorsimajome ilulerme, Nâlakab iglunganut iterviub nutâb pângane, inuit ilûnatik tusâtilugit.

Jeremia 36:6

Igville tagvungarit, Nâlakablo oᴋausingit immûmajome aglalauᴋtatit ᴋanimnit atuakit Nâlakab iglungane inuit ilûnatik tusâtilugit uvlorme nerritailivingme, atuaraksarivatittauᴋ Judab iglugasaksoanginit anijut ilûnatik tusâtilugit.

Jeremia 44:24

Sullelo Jeremiab inuit ilûnaita, arnallo ilûnaita oᴋautivait: Nâlakab oᴋausinga tusarsiuk, Judakut tamapse nuname Egiptenemêtose;

Jeremia 7:1

Tamadja oᴋauseᴋ Jeremiamut tikitoᴋ Nâlakamit, oᴋarlune:

Hesekiel 37:1

Nalekab aggangit uvamnêput, âpângalo Nâlekab Anerningagut ilivlungalo naᴋsamut sauneliksoarmut;

Hosea 5:1

Tamanna tusarsiuk, ilipse ajoᴋertuijose, nâlagitselo ilipse Israêlib ᴋitorngangit, siutiselo manisigik, ilipse ataniub ᴋitorngangit, ilipsingnut erᴋartuijûtit ilingangmatta; nigarniutaulaurapse Mispame, nuluangovluselo issivisimajut Tâboreme.

Amos 7:16

Taimaimat mâna Nâlekab oᴋausinga tusaruk: Oᴋarpotit, Israêle nalautaiviginiarnago pit, oᴋausîllo katangniarnago Isaab ᴋitorngangit pivlugit;

Migga 1:2

Tusaritse inôᴋatigêksoangojose ilûnase; nâlagit, nuna, tagvanêtullo ilûnatik; Nâlegarlo Nâlegaujoᴋ kigligiutsile akunapsingne, Nâlegaᴋ iniminit ivsornaitomit.

Migga 3:1

Oᴋarpungalo, Nâlalauritsetôᴋ, angajoᴋaujose Jâkokune, ilipselo Israêlib ᴋitorngangita aulatsijingit; idluarsainermik ᴋaujimajuksaungilasê?

Migga 3:9

Tamanna tusarsiuktôᴋ, angajoᴋaujose Jâkokune, aulatsijoselo Israêlekune, ômisuktose idluarsainermik, mumiktitsijoselo nalâgôrnermik ilûnânik.

Mattêuse 13:9

Tussâjungnik siutelik tussarle.

Johannese 18:20

Jêsusib kiovâ: Agviartaunanga tusarnartomik oᴋâlalauᴋpunga silaksoarmiunut. Ilinniarvingnelo katimaviksoarmelo ajoᴋertuilaukpunga, Jûdit ilûnnatik katimavingine, oᴋâlalaungnangalo sumik sagvangitome.

Apostelit Piniarningit 5:20

Aileritse, sakᴋerluselo katimaviksoarme, oᴋautsiniglo ômanartunik ukuninga tamainik oᴋâlatitse inungnut.

Apostelit Piniarningit 5:42

Sorairatiglo ajoᴋertuivut uvlut tamaita katimaviksoarme iglullo nallîne, oᴋautigilugillo oᴋautsit tusarnertut Jêsuse Kristusemik.

Takotitaunermik 2:11

Siutiliub tussarligit Anernerub oᴋausingit illagênut: Sâlaᴋalertok toᴋub aipanganut pijauniangilak.

Takotitaunermik 2:17

Siutiliub tussarligit Anernerub oᴋausingit illagênut: Sâlaᴋartok nerrititsomavara Mannanik ijersimajunik; tunitjivigijomavaralo ujarᴋamik ᴋaᴋortamik, atermiglo nutâmik ujarᴋamut aglaksimajomik, kimut illitarijaungitomik, inuata kisime (illitarivâ).

Takotitaunermik 2:29

Siutiliub tussarligit Anernerub oᴋausingit illagênut.

Takotitaunermik 2:7

Siutiliub tussarligit Anernerub oᴋausingit illagênut: Sâlaᴋartok nerrititsomavara napârtomit ômanartomit, Gûdib Paradîsinganêtomit.

Takotitaunermik 3:13

Siutiliub tussarligit Anernerub oᴋausingit illagênut.

Takotitaunermik 3:22

Siutiliub tussarligit Anernerub oᴋausingit illagênut!

Takotitaunermik 3:6

Siutiliub tussarligit Anernerub oᴋausingit illagênut.