Jeremia 7:18 - Labrador Inuttitut Heritage Bible

¹⁸ Sorutsit ᴋejuktarput, atâtat ikoâlasaivut, arnallo akutsivut sanaugamik, ᴋaᴋᴋôjârsulioromavlutik tunergutiksanik ᴋilait ataningoanganut (tagva taᴋᴋermut, uvloriallônêt ilanganut), kovisijomavlutiglo tunergutiksanik imiksanik Gudeojub assinginut, uvanga ningarsârtauᴋovlunga.

Jeremia 7:18 Iomraidhean Croise

I Atannit 14:9

Sugaluluartomiglo pinniarlaukpotit tamainit sivunernelauktunit, ailaukpotit Gûdiblo asinginik, Gûdingoanik kovimajunik sanalutit illingnut, ningaksaromavlunga, tunnungnullo egimavarma,

I Atannit 16:2

Tamânna pivlugo sannermit makkitilaurapkit, atanningortilutillo inuᴋotimnut Israelitinut, igvillo agvertaravit Jerobeamib apᴋotigijangane, idluitullititsilutillo inuᴋotimnik Israelitinik, ningaksaramgalo tapᴋoa idluitullininginut;

Imgerut 16:4

Taipkoa assianik pinasuartut, âniaᴋarniarput unnuktunnik; tunnergutingenik imiksamik aungôjomik tunnijijomalungilanga, attingillonêt taijomalungilakka ᴋannimnut.

Jesaiase 3:8

Jerusaleme pâlasimavoᴋ, Jûdalo ochosimavoᴋ, oᴋangita piniarningitalo Nâlegaᴋ akkerartormatsuk, ijîgik nâlengnartoᴋsoâk kamaginagik.

Jesaiase 57:6

Kôt ujaraᴋtangit anerivattit pinnârivlugillo; taipkonunga tunergutiksanik imiksanik kovisivotit, tunergutiksanik nerᴋiksanik âtsivotit taipkonunga. Tamanna manigorutigijaksarivigô?

Jesaiase 65:11

Illipsele, Nâlekamik ᴋemaijose, ᴋaᴋᴋamniglo ivsornaitomik puigortose, nerrimârviksoarmik âᴋiksoijose Gâtemut, imiksamik amigangitomik kovisijose Mênimut,

Jesaiase 65:3

Tamadja inuit ningaumajârtitsitsainartut uvamnik kênama sânganêdlutik, tunergutiksanik ᴋaitsijut perorsêvingne, tippitsiariksaumiglo ikkoalatitsijut ivitât ᴋangine,

Jeremia 1:16

Erᴋartuinikkalo tâpkoninga idluituliningit pivlugit oᴋautigijomavakka, ᴋemangmanga tipitsiariksaumiglo ikoâlatitsilaungmatta assimnut, aggangmingnullo sanajamingnik tuksiarviᴋalaungmatta.

Jeremia 11:17

Nâlagaᴋ Zebaot ilijilauᴋtoᴋ ilingnik siluksimavoᴋ idluitomik ilingnôrtuksamik, Israêlib ᴋitorngangita Judablo ᴋitorngangita idluiningit pivlugit, idluitulinerijangita ningarsârmanga Baale tunerguservigivlugo isserluanerutinik.

Jeremia 17:2

Kitorngangit erᴋaumatilugit tunerguservinginik gudingoanginiglo napârtut tungujoᴋtat atâne ᴋaᴋᴋane poᴋtojune.

Jeremia 19:13

Jerusalemiblo iglungit, Judablo ataningita iglungit, ivsornartitaujut ilingajomârput nunatut Tôfetetut, ila, iglut ilûnatik ᴋângine isserluanititsiviolauᴋtut ᴋilaub uvloriagasaksoanginut, koviviolauᴋtullo tunergutinik imiksanik gudingoanut assimnut.

Jeremia 25:7

Nâlalungilapsingale, oᴋarpoᴋ Nâlagaᴋ, ningarsâromagapsinga aggapse sulianginut idluiᴋutiksapsingnut.

Jeremia 32:29

Kaldêamiullo, iglugasaksuit makkoa sorᴋsugvigijingita, tikilârput iglugasaksuillo makkoa ikilugit ikomamullo nungulugit, iglullo, tâpkoa ᴋângit isserluanititsiviolauᴋtut Baalemut, kovisiviolauᴋtullo tunergutinik imiksanik gudingoanut Gudib assinginut, uvanga ningarsâromavlunga.

Jeremia 44:25

Imâk oᴋarpoᴋ Nâlagaᴋ Zebaot, Israêlib Gudinga, oᴋarlune: Ilipse nuliaselo oᴋarsimavose ᴋanipsingnut, aggapselo nâmaksitisimavât, oᴋarluse: Angernerijavut angerutigilauᴋtavut nâmaksititsomavavut, isserluanititsijomavluta tipigiksautinik arnamut ᴋilaub ataninganut kovisijomavlutalo tunergutinik imiksanik tâpsomunga; atte, angernerijase taimaitisiuk, angernerijase nâmaksitisigik.

Jeremia 44:4

Uvangale tiliklervigilauᴋpapse kivgamnik tamainik nalautaijunik, makisaraivlunga tililugillo, oᴋarᴋovlugit: Maᴋojungnartulineᴋ tamanna ômigijara piniarniarasiuk.

Jeremia 7:17

Tautulungilatît piniarnerijanginik Judab iglugasaksoangine Jerusalemiblo apᴋosineâlunginê?

Jeremiab Ogguarutigijangit 5:13

Inôsuktut angutit kaivivit ujaraktanginik akkigartuksaulaukput, sorutsillo ᴋejuktarnermut majangadlalaukput.

Hesekiel 16:26

Egiptenemiullo silalitit, uvineᴋortojut ajortuliᴋatigilauᴋpatit, assiniarnitillo unuksitipatit ningartitsomavlunga.

Hesekiel 20:28

Tikiutisimalaurapkit nunamut, aggakka isângatilugit tunijamnut tâpkonunga, ulernairtuivut ᴋaᴋᴋanik poᴋtojunik tamainik, napârtuniglo siliktunik tamainik, tagvanelo tunerguserput, tagvungalo pajukput tunergutimingnik maᴋojungnartunik, tagvanelo âᴋiksorpait tipigiktut naimajominartuliarimajatik, tagvanelo kovivait tunergutitik imiksat.

Hesekiel 8:16

Tikiutivângalo Nâlekab iglungata avaluliorsimajunganut ilulerpâmut, ahâglo, Nâlekab iglungata upkoangane angutit 25, pâblo tunerguserviublo akorngangnêput, Nâlekab iglunga tunulugo, kênangillo sângatilugit ununga, seᴋᴋinerlo tuksiarvigivât nuivinga sâdlugo.

Hesekiel 8:17

Oᴋautivânga tagva: Tamanna takoviûk, inûb erningâ? Judab ᴋitorngangita oᴋigivatsûk maᴋojungnartuligamik tamânê? nuna tatangmatsuk idluitulinernik, sangulerivullo ningarsâromavlunga; ahâglo, ᴋessertutit ᴋingarmik sânginut aklairautigivait.

I Korintemiunut 10:22

Nâlegarlônêt ningarosuktitsomavitigô? Tâpsomangat pitsartunersauvitâ?

Deuteronomy 32:16

Gûdenut takorngartanut ilungertortipât, maᴋojungnartulinermut ningarsarpât.

Deuteronomy 32:21

Ilungertortipânga Gûdeungitunut, ningarsarpânga piungituliarijamingnut: uvangalo ilungertortitsomavakka inungnut inôᴋatigêtsiangolungitunut, ningarsaromavakka inôᴋatigêksoarnut silaitunut.

Deuteronomy 4:19

Arlortitsiᴋonaglônêt ijîkingnik ᴋilangmut, seᴋinerlo, taᴋᴋerlo, uvloritjallo, ᴋilaub katimgajokotingit, takonârlugit, kajungersartauniarlutillo tâpkoa pâmaktervigijomavlugit kivgartoromavlugillo, Nâlekab ilingatitangit inôᴋatigêksoarnut tamainut ᴋilaub ilûnane atâne.