Jeremia 7:12 - Labrador Inuttitut Heritage Bible

¹² Aileritsele innigilauᴋtamnut Sîlomêtomut, inniksautilauᴋtamnut attimnut mattoma sivorngane, ullernairtuileritselo sumik piniarvigilaungmangâpko inuᴋotima Israêlib idluituliningit pivlugit.

Jeremia 7:12 Iomraidhean Croise

I Atannit 9:7

Tagva Israelitit pêjarniarpakka nunamit tunnilauktamnit tapᴋonunga; iglolo ivsornaiviotilauktara atimnut, pêjaromavara kênarma sânganit; Israelitillo oᴋausiovaktungoromârput, oᴋangoarutingorlutiglo inuᴋatigêksoarnut ilûnnainut.

Jeremia 26:6

Tagva iglo tamanna ilingatitsomavara sorlo Sîlo ilingangmat, iglugasaksuillo tamakkoa ôminarsitiksangortitsomavakka inôᴋatigêksoarnut tamainut nunamêtunut.

Jeremia 7:14

Tamanna pivlugo iglo manna, attimnut taijaumajoᴋ, sungertûtigijase, nunalo tunilauᴋtara ilipsingnut atâtagilauᴋtapsingnullo, piniarvigijomavâkka, sorlo Sîlo piniarvigilaurapko.

Deuteronomy 12:11

Tagva iniksamut Nâlekab Gûdipse annerijanganut atterminut iniksauᴋovlugo, tagvunga âtaksarivase perᴋojijutigijakka tamaita ilipsingnut; tunergutise ôtaksat, tunergutise toᴋotaksat, perᴋutipse tallimaujoangit, aggapselo tunergutingit issautijaksat, angerutigijaselo annernarnerpat angerutigijase Nâlekamut.

Deuteronomy 12:5

Iniksarle Nâlekab Gûdipse annerijomârtanga kinguvârêngnipsingnit tamainit atterminut iniksautitsomavlugo, inigijomârtanga tâmna torâvigijaksarivase, tagvungartuksauvluselo;

Josua 18:1

Illagêllo illuêngarlutik Israelib ᴋittorngangit kattimalerput Silome, nappartitsilutiglo tagvane kattimaviub tuppinganik, nunablo nalegarivait.

Josua 18:10

Tagva Josuab imerautigivait Silome Nalekab sângane, nunalo avikpa tagvane Israelib ᴋittornganginut, illunatik attunit ikkupianganik.

Idluarsaijut 18:31

Taimaglo adsingoak Michab sanajauᴋolauktanga pitipât akkonamingnut, taimak akkunêrtigijomik Gûdib iglungata Silomelaungningatut.

I Samuel 1:3

Angullo tamna iglugasaksoarnit iglokarviminit majorarlaukpok nalliunermine, tuksiaromavlune tunnergutiksaniglo tunnijilune Nalekamut Silome. Tagvanelaukpugle Nalekab ajochertuijokotigik Hofni, Pinehaselo, Elib ernigik.

I Samuel 4:22

Oᴋapsarlunelo: Ananaunek pêrsimavok Israelemit, Gudib iklervinga aksarnigaungmat.