Jeremia 6:6 - Labrador Inuttitut Heritage Bible

⁶ Imâk Nâlagaᴋ Zebaot oᴋarsimangmat: Napârtunik nakatsileritse, talulioritselo Jerusalemib avatâgut; tamadja iglugasaksuit sugiaraksat; tattedlarput oᴋumaiksartitsinermik iluane.

Jeremia 6:6 Iomraidhean Croise

Jesaiase 37:33

Tamanna pivlugo Nâlegaᴋ oᴋarpoᴋ imâk Assiriamiut attaningat pivlugo: Iglugasaksoarnut tamakkonunga tikkituksaungilaᴋ, ᴋargjorlo attauserlõnêt pittiksautijaksaringilâ illuannut, sappûlutaksamiglo tikkitoᴋartuksaungilaᴋ tagvunga, talluliortoᴋartuksaungilarlo avatâtigut.

Jeremia 20:8

Oᴋarangama, ᴋuggudlarpunga; ᴋuggudlarpunga: Oᴋumaiksartitsinermik aᴋsârningnermiglo; Nâlakab oᴋausinga mitautiksangortitaungmat uvamnut, alêkutiksangortitaularmelo uvloᴋ nâvlugo.

Jeremia 22:17

Ijîkigle ômatillo ilingatuinarput pijomatudlarnermut, kovisinermullo aungmik pasijaksaungitomik, oᴋumaiksartitsinermullo, aksorotjinermullo, taimaitut suliarijomavlugit.

Jeremia 32:24

Ahâk, talut ᴋanilivaliavut iglugasaksoarnut sâlagijomavlugit; iglugasaksuillo tunijaumavut Kaldêamiut sorᴋsugvigijingita agganginut, saviksoaᴋ, kângnartoᴋsoarlo, nusilingnartorlo pitjutigivlugit; oᴋautigilauᴋtatit nalautsivut, ahâglo takovat.

Jeremia 32:31

Iglugasaksuit makkoa ningarsautigênarpakka ᴋaningaumajârsautigênarpakkalo sanajautainarninginit uvlome tikidlugo; pêjaiᴋovlunga tâpkoninga kênama sânganit;

Jeremia 33:4

Imâk oᴋarmat Nâlagaᴋ, Israêlib Gudinga, iglugasaksuit ukkua iglungit pivlugit, Judablo ataningita iglungit pivlugit, oggotitaumajut taluksauᴋovlugit ᴋalugiat saviksuillo pitjutigivlugit.

Jeremia 39:1

Pijoᴋarporlo Jerusalem tigujaungmat, (Zedekiab Judab ataningata jâringita 9ingita taᴋᴋingita 10ingane, Nebukadnezar Babilonib ataninga tâpsomalo sorᴋsuktoᴋatigêksoangit ilûnatik Jerusalemut tikilauᴋput ilumalugolo;

Jeremia 5:29

Sugiartuksaungilangâ tamakkoa pivlugît? Nâlagaᴋ oᴋarpoᴋ; tarniga akkiniartuksaungilâᴋ inôᴋatigêksoarnik taimaitunîk?

Jeremia 5:9

Sugiartuksaungilangâ tamakkoa pivlugît? Nâlagaᴋ oᴋarpoᴋ; tarnigalo akkiniartuksaungilâᴋ inôᴋatigêksoanik taimaitunîk?

Hesekiel 4:2

Ilumavlugolo sorᴋsuktoᴋatigêksoangoanut, talungoaliorillo avatâne, avaluᴋsoangoaliorillo avatâne; tangmarvingoaliorittauᴋ avatâne, ilijilutillo kautaksoangoanik avatâgut ilumavlugo.

Hesekiel 5:5

Imâk Nâlegaᴋ Nâlegaujoᴋ oᴋarmat: Tamadja Jerusalem; inôᴋatigêksuit akornganut ilimavara, nunanullo ilumajauvoᴋ.

Daniel 11:15

Atanilo avanimioᴋ tikitsomârpoᴋ tagva, taluksoalioromavlunilo, iglugasaksuillo avaluliorsimajut sâlagijomârpait; ânimiuble talingit akkiratorungnalulângilat, inungillônêt annirijangit; nukiᴋarniangilallônêt akkiratornimut.

Sefania 3:1

Kapianarmek iglugasaksuit ᴋunutojoksôjut salumaitullo ᴋunutitsijullo!

Lukase 19:43

Naliutuksamut tikitaujomârapse, akkerartortipse ilujomârpâse avatipsigut, ᴋitorngaselo illaliudlugit, illuluse anerᴋonase; nanêᴋupselo ilûnâne kappiasuktitsomârpâse,