Jeremia 6:26 - Labrador Inuttitut Heritage Bible

²⁶ Inuᴋotima paningat, attisilerit pôᴋsajavinernik, aksapalloalerillo arᴋjane; kiksalerit, sorlo ernetuaᴋ pivlugo, ogguarnermut sôngojomut; asserorsaijub tikiaᴋiniarmattigut.

Jeremia 6:26 Iomraidhean Croise

Genesis 21:16

Ailunelo ᴋargjub tupvingatut ᴋaningitigijomik, akkianut ingilerpoᴋ, oᴋarame: Nukapiab toᴋolerninga takolugo sapperpara. Akkianut ingilerpoᴋ, nipliadlarlunelo ᴋeavoᴋ.

Hiobe 15:21

Tussarpaktane ᴋoaksârutigivâ; ullapirsauteᴋaralloartillugolo asseroijub tikkininga illimagivâ.

Hiobe 2:8

Machavinerlo tiguvâ savigarlunelo ingminik tâpsomunga, iksivalunelo arksâne.

Jesaiase 22:12

Nalliutomelo taipsomane Nâlegaᴋ, ᴋilangmiugasaksuit Nâlegangat ᴋearᴋojijomârpoᴋ ogguarᴋojivlunelo, sallimajoᴋarᴋojijomârpoᴋ pôksajaniglo annorâᴋartoᴋarᴋojivlune.

Jesaiase 22:4

Taimaimat oᴋarpunga: Takkonârniarasinga; illungertornermut ᴋeajomavunga; pinasuarniarase manigoromavlunga inuᴋotima panningata nungutauninga pivlugo.

Jesaiase 3:24

Tagva tippitsiariksauteᴋarungnairlutik aunersungnitoᴋaromârput, tapseruteᴋarungnairlutik aklunâvineᴋaromârput, nujaᴋarungnairlutik âᴋiksimatsiartunik nujaᴋangitomik kabjeᴋaromârput, ulliksoaᴋarungnairlutik pôksajanik annorâᴋaromârput. Takkorannêtsomârput ânanaujungnairlutik.

Jesaiase 30:13

Taimaimat idluitullineᴋ tamanna illingajomârpoᴋ illipsingnut, sôrlo ᴋoppaᴋ nakkalertoᴋ, ᴋarmarsoarme poᴋtojome saᴋᴋijâlertoᴋ; tâpsoma asserorviksanga nalliutiliaᴋivoᴋ tagvainaᴋ.

Jesaiase 32:11

Koaᴋsâleritse, arnaujose piojoridlartose; sajugitse, terliktose, annorairitse mattarluselo tapserusijarluselo ᴋettipsigut.

Jeremia 12:12

Asserorsaijut tikisimavut ᴋaᴋᴋanut merᴋuᴋangitunut tamainut sunaᴋajuitome, Nâlakab saviksoanga nungutsilermat nunab kiglingata aipânit nunab kiglingata aipanga tikidlugo, uvinilîllo naliallônêt ulapirᴋsauteᴋangilat.

Jeremia 13:17

Tusaromangikupsiugle, tarniga ᴋealârpoᴋ sagvangitome piojorinise pivlugo; ijîkkalo ᴋugviudlalârpuk kusserlutiglo ᴋugvingnik, Nâlakab saugaᴋotingit aᴋsârnigaudlarmatta.

Jeremia 14:17

Oᴋauserlo tamanna oᴋauserijaksarivat tâpkonunga: Ijîkka ᴋugviudlarlik ᴋugvingnik unnuarme uvlôtilugolo sorairatik; uigasuk inuᴋotima paningat serᴋomitaungmat serᴋomitsinermut angijomut, killermut piungitoᴋsôjomut.

Jeremia 15:8

Uigarningit unuksisimavut uvamnut, ununersauvlutik imarbiub sioranginit; inôsuktut anânangat tikitautisimavara asseroijomut uvlub ᴋeterarningane; opingartautisimavara kapiasungnermut sivôranartunullo.

Jeremia 18:22

Niplianersoaᴋ tusartaule iglunginit, tikiutjiguvit sorᴋsuktunik tâpkonunga suerganit; itersâlungmik itersaliorsimangmatta tigujomavlunga, mikkigianiglo âᴋiksoivut itikamnut.

Jeremia 30:5

Imâk oᴋarmat Nâlagaᴋ: Tusarsimavogut ᴋoaᴋsâdlarnerub nippinganik, erᴋsinerub ulapirᴋsauteolungitub.

Jeremia 4:11

Naliutome tâpsomane inugasaᴋsuit ukkua Jerusalemiullo oᴋautijaujomârput: Anore ônartoᴋ tikilârpoᴋ ᴋaᴋᴋanit merᴋuᴋangitunit sunaᴋajuitomêtunit inuᴋotima paninga torârlugo, sannêjainermu-ungitoᴋ ivsornaititsinermu-ungitorlônêt;

Jeremia 4:20

Asseroijut ᴋaigarsudlarput asseroijunut assimingnut; nuna ilûnât asserortaungmat; suilamnit tupikka asserortauvut, ᴋalerᴋakka ijib sikungilarningane.

Jeremia 4:8

Tamanna pivlugo pôᴋsajanik attisileritse, ogguaritse ᴋeadlarluselo; Nâlakab ᴋaningaumajârninga ilungertortoᴋ sangusimangimat uvaptingnit.

Jeremia 6:14

Inuᴋotima paningata kilingit ketatuinarmik inûlivait, sunaungitôjârilugit, oᴋarlutik: Ulapirᴋsaumik, ulapirᴋsaumik; ulapirᴋsauteᴋangimariktilugo.

Jeremia 8:19

Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Jeremia 8:21

Inuᴋotima paningata pikaluktauninganut ânertauvunga; kiksadlarpunga; kakkilârnerub erᴋisimiarpânga.

Jeremia 9:1

Kanoktok niaᴋora imetuinaulerle ijîkkalo puailaviovlutik ᴋugvingnik, uvloᴋ nâvlugo unnuarlo nâvlugo ᴋugviorᴋovlunga inuᴋotima paningita toᴋorartauningit pivlugit.

Jeremia 9:10

Kaᴋᴋat ᴋeajomavakka kajumiutigivlugillo, nergjuteᴋarvillo iviksukatalit naternamêtut oggorijomavlugit, panidlarmatta, apᴋusârtaujungnailutik kimut, nergjutillo nippingit tusaksaujungnaipullônêt; silab tingmiangit nergjutillo ilûnatik ᴋemâsimavut; aularsimavut.

Jeremiab Ogguarutigijangit 1:16

Tamakkoa pivlugit ᴋeavunga, ijîkka korlorpuk imermik, tarnima manigoijiksanga ungasidlarmat uvamnit; ᴋitorngakka manigorutiksairutivut, ômigijikka sâlaᴋarmatta.

Jeremiab Ogguarutigijangit 1:2

Unnuarme ᴋeadlarpok, ᴋugvingit ulluanginêput; ungagijingita ilûnatik akorngane manigoijuksaᴋalungilak: ilannârijingita ilûnatik pingitsertorvigivât, ômisukteolerput tâpsominga.

Jeremiab Ogguarutigijangit 2:11

Ijîkka ᴋugveᴋarungnaipuk, ergavikka kapiasuktitauvut, tinguga nunamut kovijauvok, inôᴋatima paningata asserortauninga pivlugo; sorusiarsuit amâmaktullo ᴋaujimangermatta iglugasaksuit apᴋosineâlungine.

Jeremiab Ogguarutigijangit 3:16

Kigutikka serᴋomipait ujarakullungnut, argjanullo sauvânga.

Jeremiab Ogguarutigijangit 3:48

Kugvit kôkput ijîmnit, inôᴋatima paningata nungutauninga pivlugo.

Jeremiab Ogguarutigijangit 4:10

Arnat nagligosungnerpaujut nangminek aggangmingnut ᴋitorngatik igavait; tâpkoa nerᴋiksatuarilaukpait inuᴋotima paningata asserortauningane.

Jeremiab Ogguarutigijangit 4:3

Terrianiangojârtut iviangitik mannimavait, piaratik amâmaktilugit: inuᴋotimale paninga takopsoajuitungorsimavoᴋ, sorlo tingmiaksuit strausit inuᴋangitome.

Jeremiab Ogguarutigijangit 4:6

Inuᴋotima paningata idluituliningata pidlartauninga anginersaungmat Sôdômab idluituliningata pidlartauninganit, tâmna tagvainârtomik asserortaulaungmat, aggangnulle annaujaungilak.

Amos 8:10

Uvloksiorviselo ablatsangortitsomârpakka kiksarnartovingortilugit, imgerutiselo ilûnaita ogguarutinut; makitiselo ilûnaita atititsomârpakka pôksajavinernik, niaᴋullo tamaita nujairlugit; ilingatitsomârparalo sorlo ernetuak oggorijaungmattut, nâningalo uvloktut allianaidlartotut.

Jona 3:6

Oᴋautaujullo tamakkoa tikiutivut Ninivib ataninganut, tâmnalo nikovipoᴋ iksivautaksoaminit, annoarânelo iperarpâ, uliklunelo pôksajavinernik ingipoᴋ argjane.

Saggaria 12:10

Dâvidiblo kinguvânginut Jerusalemiunullo kovijomârpara anernek saimanartitsijok ᴋenutitsijorlo; takojomârpullo kapilauktamingnik; ᴋeagijomârpâllo sorlo ernetuak ᴋeagijaungmat, ogguarutigijomârpâllo sorlo ᴋitorngak angajuklek oggorijaungmat.

Lukase 7:12

Iglugasaille itervingat tikilermago ahâk, Toᴋungajomik anititsivut akigarlugo; anânangatalo tâmna ernetuarivâ, uigarniolarmelo; inugasaksuillo ilagivât iglugasangnit.

Jâkobusib 4:9

Ajuleritse sanikteriluselo ᴋugvioleritse; ijornise mumigle ᴋugviornermut, ᴋuviasungniselo kiksarnermut.

Jâkobusib 5:1

Tagva ilipse akluitose, ᴋeavluselo avâladlaritse kappianartut naliutsomârmatta ilipsingnut.