Jeremia 6:23 - Labrador Inuttitut Heritage Bible

²³ Pitiksinik ᴋalugianiglo tigumiarput; takopsoajuiput nâpkigosujuitôlarmiglo; nippingit pervaludlarput imarbiktut, horsine ablangavut; siakput sorᴋsugomajutitut unatarvigijomavlutit, Zionib pania.

Jeremia 6:23 Iomraidhean Croise

Jesaiase 10:32

Uvlome sulle Nobemẽniarpoᴋ. Zionib panningata ᴋaᴋᴋanga issakpâ, Jerusalemib ᴋaᴋᴋârulanga.

Jesaiase 13:18

Inôsuktut pittiksimingnut pittigomârpait, timît singaingit nâpkinginagit, sorutsittauᴋ nâpkoarinagit.

Jesaiase 17:12

Kappianarmêk nunaᴋatigêt unuktovaksuit ukkoa! Iktullijârput, sôrlo imarbik iktullijârmat, inuillo ᴋuᴋudlarningat nipallâvoᴋ, sôrlo imaᴋsuit nipallângmatta.

Jesaiase 19:4

Egiptenemiullo pititsomavakka aulatsijut takkopsoajuitut agganginut, attanersoarlo sôngojoᴋ nâlegaksaujomârpoᴋ taipkonunga, taimak oᴋarpoᴋ Nâlegaᴋ, ᴋilangmiugasaksuit Nâlegangat.

Jeremia 25:32

Imâk oᴋarpoᴋ Nâlagaᴋ Zebaot: Ahâk, idluitoᴋ anijomârpoᴋ inôᴋatigêksoarnit inôᴋatigêksoarnut, aᴋᴋunaᴋsoarlo pitorartitaujomârpoᴋ nunanit issuklerpânit.

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 30:14

Ungagijivit ilûnatik puigorpâtit; ᴋenilungilâtit; killersimagapkit ômisuktûb nâpkigosungneᴋangitûb sugiarninganut; idluitulinivit angininga pivlugo, ajornitit unuksisimangmatta.

Jeremia 4:13

Ahâk, tikilârpoᴋ nuvujatitut, ᴋamutingillo aksaloalît ullalujaᴋtut; horsingillo sukkalinersauvut naktoralingnit. Kapianarmêk uvagut, asserortaugapta.

Jeremia 4:16

Inôᴋatigêksuit unipkautisigik; oᴋâladlaritse Jerusalemut, kamajut maungalermatta nunamit ungasiktomit nippitik tusartautitsomavlugit Judab iglugasaksoanginut.

Jeremia 4:29

Iglugasaksoarmiut ilûnatik ᴋemâvut horselijartut pitiksilijartullo pervalungningat pivlugo; napârtut akulaininginut pullavut, majorarlutiglo ᴋairtunut; iglugasaksuit ilûnatik ᴋemaktaumavut, inuglo atauserlônêt inniᴋangilaᴋ tagvane.

Jeremia 5:16

Pitiksitangit iluveᴋtitut angmartutitun iput, angutingit ilûnatik ᴋoaᴋsânganeᴋangilat.

Jeremia 50:41

Ahâk, inugasaᴋsoarnik tikitoᴋaromârpoᴋ avangat, inôᴋatigêksuillo atanillo unuktut aulajârtitaudlaromârput nunaᴋsûb issunginit ungardlernerpânit.

Jeremia 50:42

Tigumiarput pitiksinik ᴋalugiaᴋsoarniglo; takopsoajuiput, nâpkiningneᴋangilallo; nippingit iktulijarput imarbiksoatut, horsine ablangavut; ilûnatik opalungaijarsimavut sorᴋsugomajutitut unatarvigijomavlutit, Babilonib paninga.

Jeremia 6:4

Parngnaileritse unatarvigijartoromavlugo; attê, takpaungalerta uvlub ᴋetterarningane. Kapianarmêk uvagut! Uvloᴋ nâlarêrpoᴋ, unnusablo taggangit takijorolerput.

Jeremia 8:16

Horsingita anersârkallaningit tusaksauvut Danemit; horsingita ᴋôrᴋsudlarningit tusaksaungmatta nuna ilûnane sajudlarpoᴋ; tikisimangmatta nuna tagvanêtullo ilûnaita nungulugit; iglugasaksuillo tâpkonanêtullo.

Hesekiel 21:31

Kaningaumajârneralo kovijomavara ilingnut, ningaumajârnima ikomanga supôrdlugo ilingnut: pititsomavagillo angutit nâpkiningneᴋangitut agganginut, asseroinermik ilisimajut.

Deuteronomy 28:49

Nâlekab inôᴋatigêksuit tikiutilârpait ilingnut ungasidlartomit, nunab issuanit, sorlo nektoralik tingimat; inôᴋatigêksuit nelojarnik oᴋauselit;