Jeremia 6:21 - Labrador Inuttitut Heritage Bible

²¹ Taimaimat imâk oᴋarpoᴋ Nâlagaᴋ: Ahâk, nâviksamik ilijijomavunga inôᴋatigêksuit ukkua sânginut; atâtallo erningillo naukiutijomârput tâpkonunga, silalerêllo asseroᴋatigêgomârput.

Jeremia 6:21 Iomraidhean Croise

II Kronika 36:17

Tagva tikkitauᴋovait Kaldaerit attanninganut, tapsoma angutingit innuosuktut toᴋᴋopait iglome ivsornaitovingane, ivlerilaungilaillo innuosuktut angutillonêt uigârsuillonêt innutoᴋaujullonêt ᴋêrtojullonêt; Gudib illunaita tunnivait tapsoma agganginut.

Jesaiase 8:14

Ivsornaitoviksôjomârpoᴋ tagva ujarauvlunelo aporvik ᴋairtôvlunelo sinaungasautaujoᴋ inûᴋatigênut maggoinut, Israêlib kiguvânginut, nigaujomârporlo ochojutauvlunelo Jerusalemiunut.

Jesaiase 8:15

Unuktullo aporvigijomârpât ochovlutiglo serᴋomilutiglo, nigarsimajomârput pijauvlutiglo.

Jeremia 13:14

Pilukautitsomavakka aglât atâtat ernerillo pilukautitilugit, Nâlagaᴋ oᴋarpoᴋ; naiperᴋutigosungneᴋaromangilanga, kikkitsijomanangalo, nâpkigosungneᴋaromangilangalo, asserortautailititsomangilakka.

Jeremia 13:16

Opigijaunermik tunidjileritse Nâlakamut Gudipsingnut, Gude tâᴋsititsiᴋonago, itikaselo aporᴋonagit ᴋaᴋᴋane tâᴋsilertune; ᴋaumajoᴋsêtiluselo tâmna ablatsângortitsiᴋonago tamattominga toᴋub taggalininganut, tâᴋtoᴋsoangortilugolo.

Jeremia 18:21

Taimaimat ᴋitorngangit tunikit kângnartoᴋsoarmut, unertutigikillo saviksûb pitsartuninganut; arnangit ᴋitorngairtaulit uigarniovlutiglo; angutingit toᴋotaulit, inôsuktungillo annaujaulit saviksoarmut unatarnerme.

Jeremia 18:23

Igville, Nâlagaᴋ, ᴋaujimatsiarpotit kajusinerijanginik tamainik pivlunga toᴋotsomavlunga; idluituliningit issumagijungnainiarnagittôᴋ, piungituliningillo pêjarniarnagit saᴋᴋarnit; oggotitaulille sângne; piniarvigikillo ningaluarnivît naliuningane.

Jeremia 21:7

Kingornganalo, oᴋarpoᴋ Nâlagaᴋ, Zedekia Judab ataninga, kivgangillo, inuillo, amiakôjut nusilingnartomit, saviksoarmillo, kângnartoᴋsoarmillo, tunijomavakka Nebukadnezarib Babilonib ataningata agganginut, ômigijimiglo agganginut, inôsinginiglo pinasuartut agganginut; tâpsomalo annaulârpait saviksûb kênanganut; nikaginiangilait, naiperᴋutiginagillônêt.

Jeremia 8:12

Kangusulauᴋât piungitulilauramîk? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Hesekiel 3:20

Amalo, idluartoᴋ sangupat idluarnerminit idluitulilunelo, uvangalo ilijiguma nâviksamik sânganut, toᴋojuksaulârpoᴋ; inertilaunginangne toᴋolârpoᴋ idluinermine, idluartulinerilauᴋtangillo piniarnerilauᴋtangit erᴋaumajaunialungilat; igville akkiortuksaulârpotit aunga pivlugo.

Hesekiel 5:10

Taimaimat angajoᴋât nerrijomârput ᴋitorngamingnik ilingne, ᴋitorngallo nerrijomârput angajoᴋâmingnik; erᴋartuinikkalo piniaromavakka ilingne, amiakotillo tamaita siamartitsomârpakka anorinut tamainut.

Leviticus 26:37

Naukiutijigêgomârput, sôrlo saviksûb sângane, udlaniktoᴋangikaloartilugo; pitsartuneᴋangimullo ômigijipse sângine nangerungnalulângilase.

Rômiunut 11:9

Dâvidelo oᴋarpoᴋ: Nerrivitik nigarilitsuk, mikigiarilugolo, aporvigilugolô, akkiniarutigilugolo pigilitsuk;

Rômiunut 9:33

Sorlo aglaksimangmat: Ahâk tagga ujarᴋamik tunganartovingmik ilijivunga Zioneme, ôktutiksaujomik, naliallo okpertoᴋ ᴋemâjariaᴋaromângilaᴋ.

I Pêtrusib 2:8

Ujaraulerdlune aporvingmik, ᴋairtôlarmelo sinaungautaujomik taipkonunga aportunut oᴋautsemik, okperinagit atoraksarijatik.