Jeremia 6:19 - Labrador Inuttitut Heritage Bible

¹⁹ Igvillo nuna, nâlagit; ahâk, ogguarnartomik tikititsijomavunga inugasaᴋsoarnut ukkununga, issumangita kinguniksanginik, nâlalungimatta oᴋausimnik, naggomattalo perᴋojamnik.

Jeremia 6:19 Iomraidhean Croise

Salomob Okâl 15:26

Nâlekab idluitub kajusimaningit makkojugivait, ivsornaitulle oᴋauseᴋarput tussarnidlartunik.

Salomob Okâl 28:9

Siutiminik allartitsijok tussarnermit Malligaksauᴋojaujunik, tapsoma tuksiarninga makkojungnarniôvok.

Jesaiase 1:2

Kilait tussaleritse! nunalo kamatsialerit! Nâlegaᴋ oᴋarmat: Kitornganik inugoigalloarpunga nertornartitsivlungalo, tâpkoale tunnupânga.

Jesaiase 5:24

Tamanna pivlugo, sôrlo ikkomab ikkoalajub ivivinît nungungmagit, sôrlolo iviksukat pannertut ikkoalajut ochongmatta, taimaktauᴋ taipkoa amângat auniojomârpoᴋ nuvugulângillo sanniktut tiktaujomârput, ᴋilangmiugasaksuit Nâlegangata perᴋojangit kamagingimagit, ivlernartitublo Israêlikkune oᴋausingit nachogingmagit.

Jesaiase 59:7

Ittigangit akpangerput idluitomut, sukkalidlarput, passijaksaungitub aunganik kovisijomavlutik, issumangillo issumauvut piungitut, apᴋutingine asserornartoᴋarpoᴋ kiksarnartoᴋalarmelo.

Jesaiase 66:18

Uvangalo piniarningit issumangillo (sugiarutigijomârpakka). Nalliutijomârporlo nallojut oᴋausiggillo illũnamatsiatik kattersortauviksangat, tikkitsomârmatta, nertornarnera takojartorlugo.

Jeremia 11:11

Taimaimat imâk oᴋarpoᴋ Nâlagaᴋ: Ahâk, ogguarnartomik tikiutjijomavunga tâpkonunga, ᴋemâjungnangitanginik; nipliaviginiarpângalo tusaromangilakkale.

Jeremia 15:6

Iperarsimavarma, Nâlagaᴋ oᴋarpoᴋ, kingupiartorsimavotit; taimaimat aggakka issaksimavakka ilingnut asserorlutit; nâpkiningnermik merngortudlarpunga.

Jeremia 17:10

Uvanga Nâlagaujunga ômate nautsertorpara, uvanga taᴋtut ôktorpakka, inuit tamaita tunidjivigijomavlugit piniarningit maliklugit, suliarijangitalo sakᴋertitangit maliklugit.

Jeremia 19:15

Imâk oᴋarpoᴋ Nâlagaᴋ Zebaot, Israêlib Gudinga: Ahâk, iglugasaksoarnut ukkununga iglugasaksoanullo tamainut tikiutjijomavunga idluinernik tamainik oᴋautigisimajamnik tâpkonunga; ᴋongasetik ᴋeratatilaungmagit oᴋausikka tusaromanagit.

Jeremia 19:3

Oᴋarlutillo: Nâlakab oᴋausinga tusarsiuk, ilipse ataniojose Judame, ilipselo Jerusalemiojose; imâk oᴋarpoᴋ Nâlagaᴋ Zebaot, Israêlib Gudinga: Ahâk, idluitomik tikiutjijomavunga nunamut tamattomunga, aviojititsilârtomik tusartub tamattominga siutîgingnik.

Jeremia 21:14

Sugiaromavapselo piniarnipse saᴋᴋertangit maliklugit, oᴋarpoᴋ Nâlagaᴋ; ikitsijomavungalo ikomamik napârtungine, nungutsijomârporlo tamainik avatânêtunik.

Jeremia 22:29

Nuna, nuna, nuna, Nâlakab oᴋausinga tusaruk.

Jeremia 29:19

Nâlangimatigit oᴋausikka, oᴋarpoᴋ Nâlagaᴋ, tilikliutigilauᴋtakka tâpkonunga kivgapkut nalautaijutigut, makisaraivlunga tililugillo; tusaromalaungilasele, oᴋarpoᴋ Nâlagaᴋ.

Jeremia 4:14

Omatit ubvaruk idluinermit, Jerusalem, piulijaujungnarᴋovlutit. ᴋanoᴋ sivitutigijomik issumavêt idluitut angerarviginiarᴋâtît?

Jeremia 4:16

Inôᴋatigêksuit unipkautisigik; oᴋâladlaritse Jerusalemut, kamajut maungalermatta nunamit ungasiktomit nippitik tusartautitsomavlugit Judab iglugasaksoanginut.

Jeremia 4:4

Kipisileritse ilipsingnik Nâlakamut, ômatipselo kipimanginingit pêjarsigik, anguteojose Judame, inôjoselo Jerusaleme; ᴋaningaumajârnera aniᴋonago ikomatut, ikoâlaᴋonagolo ᴋamitaujungnangitomik kimullônêt piniarnipse idluitoᴋsôningat pivlugo.

Jeremia 49:37

Elamemiullo kapiasuktitsomadlarpakka ômigijingita sângine, inôsinginiglo pinasuartut sângine, idluitomiglo tikiutjijomavunga tâpkonunga, ila, ningarnimnik ilungertortomik, oᴋarpoᴋ Nâlagaᴋ; saviksoarlo udlaniktitsomavara tâpkoninga, nungutsiᴋârtinanga tâpkoninga;

Jeremia 6:10

Kimut oᴋartuksauvingâ kigligiudjilungalo, tusarᴋovlugît? Takuitse, siutingit tusângitôvut tusarungnangilallo; ahâk, Nâlakab oᴋausinga mitautiksatuinaunasugivât, ᴋuviagilungilâllo.

Jeremia 6:18

Taimaimat tusaritse, ilipse inôᴋatigêksoangojose, kamatsiaritselo, ilipse ilagêngojose, sumut tikitaumangâta.

Jeremia 8:5

Suna pivlugole inugasaᴋsuit ukkua Jerusalemiut kingumut sittorsimavât kingupiartornermut soraijungnangitomût? Tammarsimatsainaromavut, uteromangilallo.

Jeremia 8:9

Ilisimajut kangusudlartuksauvut, ᴋoaᴋsârtuksauvut, parngnanairsortaujuksauvullo; ahâk, Nâlakab oᴋausingit naggogivait; ᴋanoelingajomiglo ilisimaneᴋarᴋâ tâpkonanê?

Daniel 9:11

Ilâ, Israêlitit ilûnamaritik piᴋojatit tapagivait, ᴋalusirialutik aglât nippît tusaromanago; tamanna pivlugo ôminarᴋojiniᴋ kovijauvoᴋ uvaptingnut, angimaringnerlo aglaᴋsimajoᴋ Mosesib Gudib kivgangata piᴋojangine, idluitulivigigaptigo.

Hosea 10:13

Idluinermik poagijalalaurapse, idluitulinermiglo katersoiluse; saglonerublo paunganginik nerrivose; apᴋotigijat pitsartujoᴋsoaᴋotivillo unurningit tatigilaurangne,

Hosea 4:6

Inuᴋotikka asserortauvut ilisimaneᴋanginamik; ilisimaneᴋ ajaktorangne, uvangatauᴋ ajaktoromagivagit, uvamnut ajoᴋertuijôᴋonak; Gudivît perᴋojangit puigorangne, uvangatauᴋ puigoromagivunga ᴋitorngarnik.

Amos 2:4

Imâk oᴋarpok Nâlegak: Idluitulinerit pingasut sitamallônêt pivlugit Jûda pidlartautailititsomângilara; Nâlekab perᴋojangit iperarmagit, tâpsomalo maligaksauᴋojangit malilungimagit, saglonermigle, atâtangita piniarnerilauktanginik malignermingnut tamartitaungmatta;

Migga 1:2

Tusaritse inôᴋatigêksoangojose ilûnase; nâlagit, nuna, tagvanêtullo ilûnatik; Nâlegarlo Nâlegaujoᴋ kigligiutsile akunapsingne, Nâlegaᴋ iniminit ivsornaitomit.

Migga 6:2

Nâlekab annârtorutinga tusarsiuk, ᴋaᴋaᴋsoangojose, ilipselo nunaᴋsûb tungavingit aulajuitut; Nâlegaᴋ annârtorutiksaᴋarmat inôᴋatiminut, Israêlikullo annârtoᴋatigijomârpait.

Johannese 12:48

Uvamnik nachojoᴋ illalioranelo oᴋautsimnik, tâmna peᴋalerêrpoᴋ erᴋartortiminik; oᴋautsit oᴋauserilauktama, tamakkoa erᴋartoromarpât uvlut naggatiksangane.

Apostelit Piniarningit 8:22

Tamanna pivlugo ᴋaᴋialerit tamattominga idluilungnernik, Gûdemullo tuksiarit ômativît isumalungningit isumagijaujungnainiangimangâta.

Deuteronomy 30:19

Kilaglo nunalo kigligiutjiᴋovakka ilipsingnut uvlome, inôsek toᴋolo, saimartitaunek ôminarsiᴋojaunerlo, pitigapkit sângnut; taimaimat inôsek anneriuk, inôᴋovlutit, igvit kinguvâtillo;

Deuteronomy 32:1

ᴋilait ilipse okoᴋse, oᴋaromavungalo; nunalo tusarle ᴋanerma oᴋauserijanginik;

Deuteronomy 4:26

ᴋilak nunalo kigligiutjingorᴋovâka ilipsingnut uvlorme tamattomane, mânakut pêjartaudlamarilârapse, nunamit, Jordan ikârdlugo, aivigijapsingnit pigijomavlugo; uvluse tagvane unuksitiniangilase, nungutaumarilârposele.

I Samuel 15:23

Nalanginek angakokterniôngmat, akkerartornerlo kivgartorniôvok Gudeungitunik, Gudingoaniglo. Mannalo Nalekab oᴋausingit singalukogilaurangne, tapsoma singalukogilaurivâtit attannioᴋonak Israelitinut.

I Samuel 15:26

Samuele Saulemut oᴋarpok: Utterᴋattigijomangilagit; Nalekab oᴋausingit singalukogilaurangne, Nalekablo igvit singalukogingmattit attaniôᴋonak Israelitinut.