Jeremia 6:17 - Labrador Inuttitut Heritage Bible

¹⁷ Pigârtuksaᴋartilauᴋpapselo oᴋartuksanik: Nâlagitse tiptulautib nippinganik; tâpkoale oᴋarput: Nâlagomalungilagut.

Jeremia 6:17 Iomraidhean Croise

Jesaiase 21:11

Tamadja oᴋauseᴋ inerterijutiksaᴋ Dûmamut. — Seiremiut nipliavigivânga: Pigârte, unnuaᴋ ᴋanoelerᴋâ? Pigârte, unnuaᴋ ᴋanoelerᴋâ?

Jesaiase 56:10

Udsertortingit illũnatik tautungitôvut, illũnatik nallojoᴋsôvut; ᴋingmititut illiorput nipliangitutitut, ᴋillugungnangilat; sinnaktômajutitut niplilerput, innangavlutik sinnigosutsainarput.

Jesaiase 58:1

Nipperᴋortojomik nipliagit illerasungnak, nipliadlarit tiptulautitut, inuᴋotikka ᴋaujitikit tappatoninginik Jâkokkullo idluitullininginik.

Jesaiase 62:6

Jerusaleme, pigârtuksanik pititsivunga avaloᴋsoaᴋotivit ᴋângannut, uvloᴋ nâvlugo unnuarlo nâvlugo nippangertuksaungilat. — Illipse, Nâlekamik erᴋaititsijose, nippangerniarase!

Jeremia 18:12

Tâpkoale oᴋarput: Tamanna nerriungnalungilaᴋ; issumaptingnik arvertaromagapta piniaromavlutalo ilûnata atunit ômatipta mangaitisimajut kajusimaningit maliklugit.

Jeremia 25:4

Nâlakablo tiliklervigilauᴋpâse kivgaminik tamainik nalautaijunik, makisaraivlune tililugillo; tusarsimalungilasele, siutiselônêt manilaungilase tusaromavluse;

Jeremia 6:18

Taimaimat tusaritse, ilipse inôᴋatigêksoangojose, kamatsiaritselo, ilipse ilagêngojose, sumut tikitaumangâta.

Jeremia 7:28

Oᴋautijaksarivatillo: Tagga tamadja inôᴋatigêksuit nâlalungitut Nâlakab Gudingata nippinganik, ajoᴋertortaujomangitullo; nalâgôrneᴋ asserorsimavoᴋ kipijauvorlo ᴋaninginit.

Jeremia 8:5

Suna pivlugole inugasaᴋsuit ukkua Jerusalemiut kingumut sittorsimavât kingupiartornermut soraijungnangitomût? Tammarsimatsainaromavut, uteromangilallo.

Hesekiel 3:7

Israêlible ᴋitorngangita tusarniangilâtit; tusaromangimatta uvamnik; Israêlib ᴋitorngangit ilûnatik ᴋauᴋarmatta sittijunik ômateᴋarlutiglo mangaidlartunik.

Hosea 8:1

Tiptulaut ᴋanernut pileruk; nektoraliktut Nâlekab iglunganut pivoᴋ; angiᴋatigêngnera tapagingmatsuk, perᴋojakkalo nâlagungnailugit.

Habakûb 2:1

Nangeromavunga udjertorᴋojauvimne, ungalujijoᴋsoarmêtuaromavlungalo, kamatsiaromavungalo missigijomavlunga ᴋanoᴋ oᴋâlalârmangât ilumne, sumiglo kiojuksaumangârma ârusungnera pivlugo.

Saggaria 1:4

Atâtapsetut îniarase, tâpkonunga nalautaijut sivorlit ᴋaigarsulaukput, oᴋarlutik: Imâk oᴋarpok Nâlegak Zebaot: Uteritse mâna apᴋotigijapsingnit idluitunit, piniarnipsingnillo idluitunit; tâpkoale tusângilat, nâlalungilallo uvamnik, oᴋarpok Nâlegak.

Saggaria 7:11

Tâpkoale nâlagomalaungilat, tuitiglo ᴋagvartipait ᴋunumut, siutitiglo simikpait tusaromangimut.

Ebrêerinut 13:17

Ajoᴋertortise nâleklugillo malingniarsigik; udsertormatta tarnipsingnik, akiortuksauvlutik tâpkoa pivlugit; taimailiorᴋovlugit ᴋuviasuklutik, anersauminatik; tamanna idluatsangimat ilipsingnut.