Jeremia 6:16 - Labrador Inuttitut Heritage Bible

¹⁶ Imâk Nâlagaᴋ oᴋarpoᴋ: Nangeriartoritse apᴋosinerne, takonârluselo, apᴋosineolauᴋtullo apertsûtigilugit, apᴋutit naliat idluarnerpaumangât, tâpsomanalo arvertaritse, merngoerserviksarsilârpose tagva tarnipsingnut; tâpkoale oᴋarput: Tâpsomane arvertaromangilagut.

Jeremia 6:16 Iomraidhean Croise

I Atannit 8:36

Tagva igvit tusalaurit ᴋillangme, isumagijungnailugillo kivgavit inuᴋotivillo Israelitit ajorningit, apᴋosinermik ajungitomik agvertarvigijaksarijanganik unnertutilaukârlugit, tunnijilutillo sillalungnermik nunakotingnut, tunnilauktarnut inuᴋotingnut, innigijauᴋovlugo tapᴋonunga.

II Kronika 19:11

Ahâk, Amarja ajochertuijersoak angajoᴋaunerôvok illipsingnut Nalekab illingaᴋojiningit tamaita pivlugit. Taimaktauk Sabadja Ismaelib erninga, angajoᴋaᴋsoak Judakunut, attanniub illingaᴋojiningit tamaita pivlugit. Aulatsijullo Levitit sapsingnêput. Maksoaleritse pinniarluselô; Nalekablo ajunginek aipariniarpa.

Imgerut 116:7

Manna saimalermît tarnîk, Nâlekab, ajungitullivigingmattit.

Jesaiase 2:5

Attê, Jâkokkut, arvertarta Nâlekab ᴋaumarningane!

Jesaiase 28:12

Tamadja merngoerserviksaᴋ, merngortudlartut merngoersilit. Tamadja nekoᴋsijauviksaᴋ. — Tamakkoningale tussaromangilat.

Jesaiase 30:21

Siutîkiglo tussaromârpuk oᴋauseᴋartomik tunnungnit imâk: Apᴋutiksaᴋ tagga; tâmna attorsiuk! — tallerpiata tungânut saumiatalõnêt tungânut pilerangapse.

Jesaiase 46:9

Itsarnitat, mattoma sivorngagut pijoᴋartut erᴋaumalersigik! Uvanga Gûdeovunga, assimniglo peᴋangilaᴋ, Gûdeovunga, uvaptut-itoᴋangilaᴋ.

Jesaiase 57:2

Ullapirsartaunartomut itterput, innangavingmingne merngoerserviksaᴋarput nallâgôrtomik arvertartut.

Jesaiase 8:20

Perᴋojanik nallunaijaijutiksaniglo (malligitse!) Taimak oᴋaromângilât ᴋaumajoᴋangitut illumingne?

Jeremia 12:16

Imaitsomârporlo: Katsungaidlutik iliniaromagunik inuᴋotima apᴋutinginik, attera taivlugo angermariklutik: Sorlo Nâlagaᴋ inôngmat; sorlo inuᴋotikka ajoᴋertulaungmagit angermariᴋovlugit Baale taivlugo; tagva igloliangoᴋataujomârput inuᴋotima akornganut.

Jeremia 18:12

Tâpkoale oᴋarput: Tamanna nerriungnalungilaᴋ; issumaptingnik arvertaromagapta piniaromavlutalo ilûnata atunit ômatipta mangaitisimajut kajusimaningit maliklugit.

Jeremia 18:15

Inuᴋotimale puigorsimavânga; isserluanititsisimavut tippitsiariktunik sulitsangitunut; naukiutitipait apᴋutingine, apᴋutetoᴋane, arvertartilugillo apᴋutine apᴋutitsiangolungitune, apᴋutine sanasimangitune;

Jeremia 2:25

Itikatit kammêrutijautailitikit, igiallo ᴋêdlartailitiuk; oᴋarpotille: Ila, ajornarpoᴋ; takorngartat ikligivakka, tâpkoalo udlagomavakka.

Jeremia 22:21

Oᴋarvigilauᴋpagit piloringnerme; kiolauᴋpotille: Tusaromangilanga. Taimailiutsainarpotit inôsungnernit, nippiga nâlagomanginangne.

Jeremia 31:21

Nalonaijaijutiksanik apᴋosinermik napartitsilerit, napajunik unertutjijuksanik âᴋiksoilerit; ômatît apᴋosinersoarmut sâtiuk, apᴋomut ingerarvigilauᴋtarnut; utermît uigasôjotit Israêl, utermît iglugasaksoaᴋotingnut ukkununga.

Jeremia 42:3

Nâlakab Gudivit unertutjiviginiarmatigut apᴋutiksarijaptingnik piniaraksarijaptingniglo.

Jeremia 44:16

Oᴋauseᴋ oᴋautigijat uvaptingnut Nâlakab attingane pitjutigivlugo, nâlagomangilaptigit.

Jeremia 50:5

Zione aperᴋutigijomârpât, kênatik tagvunga sângavlugit, oᴋarlutik: Kaigitse, Nâlakamut ilagêngneᴋaleritse angeᴋatigêngnerme soᴋosijuitome puigortauniatsangitome.

Jeremia 7:23

Imaitomigle perᴋolauᴋpakka, oᴋarlunga: Nippiga nâlaksiuk, Gudeojomavungalo ilipsingnut inuᴋotigijomavapselo; arvertaritselo apᴋutauᴋojamne, ᴋanoengitsiarᴋovluse.

Jeremia 7:24

Nâlalaungilalle, siutimingniglônêt mannijilaungilat, arvertalauᴋpulle issumamingnik ômatimiglo idluitut ᴋepêserningat maliklugo, kingupiartorpullo sivumuarlugatik.

Jeremia 7:3

Imâk Nâlagaᴋ Zebaot, Israêlib Gudinga oᴋarpoᴋ: Arvertarnise piniarniselo âᴋiksorsigik, nunaᴋarᴋojomavapselo tagva tamâne.

Mâlaki 4:4

Erᴋarsigik kivgama Môsesib perᴋojangit, perᴋojijutigilauᴋtakka tâpsomunga Israêlikut tamaita pivlugit Hôrebeme, maligaksallo idluarsaijutiksallo.

Lukase 16:29

Abrahab oᴋautivâ: Môsesib nalautaijullo aglanginik peᴋaramik; ipkoa nâlakligit!

Johannese 12:35

Tagva Jêsusib oᴋautivait: ᴋaumajûb sulle anikitomik najorniarpâse. Arvertaritse, ᴋaumajomik najorteᴋartiluse, tâᴋtomut tikitaulerᴋonase. Tâktome arvertartok ᴋaujimangilak namut ainerminik.

Johannese 13:17

Tamanna ᴋaujimagupsiuk, piloridlarpose, piniarutigigupsiuk.

Johannese 5:39

Aglangne ᴋeneritse; inôtsemik nungusuitomik pitaᴋarasugigapse tâpkonane; tâpkoangovullo kigligiutsijut uvamnik.

Apostelit Piniarningit 17:11

Tâpkoa ajunginerojut Tessalônikamiunit; oᴋautsillo ilaliorpait ᴋunutuidlutik, uvlullo tamaita atuarpait ᴋenerdlutik taimaingmangâta (Paulusib oᴋausingititut).

Rômiunut 4:12

Kipimajunuttauᴋ atâtaulerᴋovlugo, kipimajunulle kissênu-ungitoᴋ, tâpkonungaletauᴋ, arvertartunut atâtapta Abrahab okperninga, kipijauᴋârane pigijanga, tupjarlugo.

Deuteronomy 32:7

Uvlut itsarnitat erᴋaumalersigik; kinguvârêt tuglerêt unuktut inôvigijangit issumaksarsiorutigisigik; atâtait apertsoruk, tâpsoma nelonaijaiviginiarpâtit; angajoᴋâtillo, tâpkoa oᴋautiniarpâtit.

Kolossamiunut 2:6

Tagva sorlo Kristûse Jêsuse ilaliulaurapsiuk, arvertarniaritse tâpsomane.

Ebrêerinut 11:2

Tâpsomûna sivorlît (nertornartomik) kigligiutigijauvut.

Ebrêerinut 6:12

Erᴋeasungniarᴋonase, malikteolerᴋovluse kingormgujijuksanik angerutigijaumajomik, okpernermut ᴋenuersârnermullo.

Idluarsaijut 2:17

Tagva idluarsaijut Nâlelaunginivait; ajortullilutigle Gûdib asinginut, tuksiarvigivaillo, sangusârailutiglo apkomit atâtagijamik arvertarvigilauktanganit Nâlegak Nâleklugo, pinniarlaungilello taipkotitunak.