Jeremia 6:12 - Labrador Inuttitut Heritage Bible

¹² Iglungillo tunijaujomârput assinginut, perorsêvingit nuliangillo ilagivlugit; aggakka issagomârapkit nunab inunginut, Nâlagaᴋ oᴋarpoᴋ.

Jeremia 6:12 Iomraidhean Croise

I Kronika 21:16

Davidelo takkosarpok, takkovâlo Nalekab Engelinga nangertillugo ᴋilaub nunablo akkorngangne, saviksoarmiglo kenailitaᴋangitomik tigumiartillugo aggangmine, issautjitillugolo tapsominga Jerusalemut. Tagva Davide angajoᴋaunerôjullo pôngnut ulliksimavlutik pamakterput kênatik pûvlugit.

Jesaiase 10:4

Imâtuinaᴋ illiorungnaromârput: parngnanairsortaujut akkornganne okkungavlutik, toᴋotaujut akkorngannut kattaklutik. Tamakkoale tamaita Nâlekab ningausingata sorairutigingilait, aggangillo issamivut sulle.

Jesaiase 5:25

Taimaimat Nãlegaᴋ katsungaitomik ningalerpoᴋ inuᴋotiminut, agganelo issakpait tâpkonunga, pattakpaillo, ᴋaᴋᴋat sajukpiluktillugit timingillo toᴋungajut aktarlukkutitut egidlugit apᴋosinermut.

Jesaiase 9:12

Siriamiut Israêle êjomarpât sângannit Filisterillo tunnuannit, ᴋanitik aitarlugit. Tamakkoale tamaita Nâlekab ningausingata sorairutigingilait, aggangillo issamivut sulle.

Jesaiase 9:17

Taimaimat Nâlekab tâpkoa inôsuktoᴋotingit angutit ᴋuviagingilait, illiarsuᴋotingillo uigarneᴋotingillo nâpkigingilait, tâpkoa illunamasiatik tappatojôngmatta idluitullijôngmattalo, illũnatiglo ᴋaningit sillainartoᴋsoarmik oᴋauseᴋarmatta. Tamakkoalle tamaita Nâlekab ningausingata sorairutigingilait, aggangillo issamivut sulle.

Jesaiase 9:21

Manassib Efraime Efraimiblo Manasse. Tamarmiglo illagêklutik Jûdamut sâput. Tamakkoale tamaita Nâlekab ningausingata sorairutigingilait aggangillo issamivut sulle.

Jeremia 15:6

Iperarsimavarma, Nâlagaᴋ oᴋarpoᴋ, kingupiartorsimavotit; taimaimat aggakka issaksimavakka ilingnut asserorlutit; nâpkiningnermik merngortudlarpunga.

Jeremia 21:5

Uvangalo nangmineᴋ unatarvigijomavapse agganut issângajunut talermullo pitsartujomut, ila, ningârnerme, ᴋaningaumajârnermelo, ilungertudlarnermelo.

Jeremia 38:22

Ahâk, arnat ilûnatik Judab ataningata iglungane amiakôjut anititaujomârput Babilonib ataningata angajoᴋâᴋsoanginut, arnallo tâpkoa oᴋaromârput: Manigortigilauᴋtavit terliarpâtit, aᴋtorsartipâtillo; itikatit mausimavut aᴋilupiarmut, tunusimavut.

Jeremia 38:23

Nuliatit tamaita ᴋitorngatillo anititsomârpait Kaldêamiunut; annagomângilatit, agganginit tigujaulârpotille Babilonib ataningata agganginut; iglugasaksuillo ikitautitsomârpait ikomamut.

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Jeremia 8:10

Taimaimat nuliangit tunijomavakka takorngartanut, perorsêvingillo sâlagijinginut; ilûnamasiatik, mikinerpâmit anginerpâk tikidlugo, pijomatudlartôngmatta; nalautaijomillo ajoᴋertuijoᴋ tikidlugo nalâgôngitomik piniarmatta.

Jeremiab Ogguarutigijangit 2:8

Nâlegak kajusilaukpok Zionib paningata ᴋarmangit asseroromavlugit; noᴋakservalaut issivipâ, agganelo issagungnailungilait asserorsainermit; avaluksoarle ᴋarmaksoarlo ogguartipak; nukkingêrutiᴋatigêkpuglo.

Jeremiab Ogguarutigijangit 3:3

Uvamnut aggane sangutiᴋatarpait akulaitomik uvlok nâvlugo.

Jeremiab Ogguarutigijangit 5:11

Arnat Zioneme assiniarvigilaukpait, uigasuillo Judab iglugasaksoanginêtut.

Jeremiab Ogguarutigijangit 5:2

Kingormgutijavut (nunavut) tunijauvok takorngartanut, iglovullo nunaᴋatigilungitaptingnut.

Jeremiab Ogguarutigijangit 5:3

Iliarsôvogut atâtaᴋaratalo, anânavut uigarnektitut iput.

Hesekiel 35:3

Oᴋautiuglo: Imâk oᴋarpoᴋ Nâlegaᴋ Nâlegaujoᴋ: Ahâk, sâvigivagit, ᴋaᴋᴋaᴋ Sîare, aggakkalo issagomârpakka ilingnut, sunaᴋarungnaititsomavagit tataminiarutiksangortilutillo.

Hesekiel 7:24

Tamanna pivlugo nelojut ajornerpât tikiutijomârpakka, tâpkoalo iglungit aᴋsârnigarijomârpait: sorairtitsomârparalo pitsartujut pingijainingat; ivlernartoᴋotingillo sujuktaujomârput.

Migga 2:4

Uvlorme tâpsomane adsiujomik atulârput pivluse, oggualârpullo ogguarutimut kiksarnelingmut, oᴋarlutik: Asserortaumarikpogut; inuᴋotima pigijaksangat ablatsangortipâ; pêjaivigivânga; perorsêvivullo tâpsoma avgorpait pikablâjunut.

Sefania 1:13

Tâpkoa perᴋutingit aᴋsârnigaujomârput, iglungillo Nunguniᴋungoromârput; ilâ, iglolioromârput iniginagille; vaineliksataliksaniglo ilijijomârput, vainetorviginagille.

Sefania 1:4

Aggakkalo isagomârpakka Jûdamut Jerusalemiblo inunginut tamainut; inimillo tamattomangat Baalib amiakungit pêjaromârpakka, Gûdingoallo atingit ᴋemariminik taijat, ajoᴋertuijut ilaliullugit;