Jeremia 52:3 - Labrador Inuttitut Heritage Bible

³ Nâlakab ningarninga pitjutauvoᴋ Jerusalememe Judamelo, pingujarnerᴋârtinago tâpkoninga najukaminit. Zedekiablo Babilonib ataninga nâlagomajungnaipâ.

Jeremia 52:3 Iomraidhean Croise

Genesis 4:14

Takkuit, uvlome nunamit aulartiparma kênarnillo ijeriartortuksauvunga. Saksârtuksauvlunga ᴋemâjuksauvunga nuname. Imailingalârpunga: uvamnik naipitsijub toᴋolârpânga.

Genesis 4:16

Tagva Kaine Nâlekab kênanganit aularpoᴋ, nuname Nodeme nunaᴋalerlune, Edenib kangiane.

II Samuel 24:1

Nalekablo ningaumajarninga illungertulerlaurivok ama Israelitinut, Davidelo ᴋajungersarpa tapkoa akkorngane, oᴋarᴋovlugo: Ailerit, Israelitillo Judakullo kittijartorkit.

I Atannit 10:9

Nertortaule Nâlegak Gûdît, ingitilaungmatit Israelib iksivautanganut, Nâlekab Israelitit nagligingmagit soraijuitomik, tamânna pivlugo igvit atanningortilaukpâtit, namanermik idluarnermiglo sakᴋertitsiᴋovlutit.

II Atannit 17:18

Tagva Nâlekab Israelitit ningaridlalaukpait, pêrpaillo kênaminik; amiakoᴋalungilak kinguvarêt Judakut assinginik.

II Atannit 17:20

Tamanna pivlugo Nâlekab Israelib kinguvângit ilunnaita ajaktorpait, tetjarlugillo, tunnilaitalo arktaijut agganginut, egitsikârane tapᴋoninga kênaminit.

II Atannit 17:23

Nâlegak Israelitinik pêjaikârtinago kênaminit, sorlo oᴋalaurame kivgamigut ilunnaitigut nallautaijutigut Taimak Israelitit nunamingnit aularutitaulaukput Assiriamut uvlok tamanna tikkilugo.

II Atannit 24:20

Nâlekable ningarninga pitjutigillugo, Jerusalemiut Judakullo taimailiortitaulaukput ajaktuiᴋârtinane tapkoninga kênaminit. Zedekiablo Babelemiut atanningat nâlegungnailerpa.

II Kronika 36:13

Nalagungnaipâlo Nebukadnezar Babelemiut attanningat, angermaringnermik Gudeme tigusilauktok tapsomangat, tappatôsilunelo, omattinelo mangaitipa, sâlerᴋonago Nalekamut Israelib Gudinganut.

Esra 4:15

Atâtagijavit pijoᴋalaungningita aglangine ᴋennertoᴋarᴋovlugo, tagva nachvarniarpotit pijoᴋalauktut aglangine tapkonane, tukkisiniarlutillo, iglugasaksuit tapkoa pikkablâjoksôngmatta, idluitoksôngmattalo attannernut, nunanullo, assitiglotauk nalagungnaisarpait itsaksoarmit; tamanna pivlugo iglugasaksuit tapkoa asserortaumalaurivut.

Salomob Okâl 28:2

Nunaᴋattigêt idluiningit pitjutigillugit atanniovît ablatsangortitauᴋattarput; inuille silatojut ilisimajullo pivlugit, akkunnît soᴋosijuiput.

Okaluktok 10:16

Kappianamêk igvit nuna, atanelik sorrusiojomik, angajokâksoaliglo uvlâkut nerrijunik!

Jesaiase 19:4

Egiptenemiullo pititsomavakka aulatsijut takkopsoajuitut agganginut, attanersoarlo sôngojoᴋ nâlegaksaujomârpoᴋ taipkonunga, taimak oᴋarpoᴋ Nâlegaᴋ, ᴋilangmiugasaksuit Nâlegangat.

Jesaiase 3:1

Ahak, Nâlekab ᴋilangmiugasaksuit Nâlegangata Jerusalemit Jûdamillo pêromârpait ajaupiarijausût sukkarijausûllo: ᴋaᴋᴋôjat pitsartunartut illũnaita imerlo nakoᴋsinartoᴋ illũnat;

Jesaiase 36:5

Oᴋarpunga: oᴋausetuinauvut sullingitut, issumaᴋarneraravit pitsartuneᴋarnerarlutillo sulle sorsungnermut. Kina sungertûtigiviûk, nâlegungnairamga?

Jeremia 15:1

Nalekablo oᴋautivânga: Mosese Samuelelo nangerajaraloarpanik sâmne tuksiutjilutik, ômatima inôᴋatigêksuit ukkua ililertorajangilait; pingujarkit sâmnit, pêjarlit.

Jeremia 7:15

Ajaktoromavapselo kênama sânganit, sorlo ᴋatangutise ilûnaita, Efraimib kinguvângit tamaita, ajaktolaurapkit.