Jeremia 51:57 - Labrador Inuttitut Heritage Bible

⁵⁷ Angajoᴋâᴋsoangillo, ilisimajungillo, atanerusingit, aulatsijungillo, pitsartujungillo tallatitsomârpakka; sinigomârpullo siningnermik sorainiangitomik, tupaniarungnailutiglo, oᴋarpoᴋ Ataneᴋ, atteᴋartoᴋ Nâlakamik Zebaotemik.

Jeremia 51:57 Iomraidhean Croise

Jesaiase 37:36

Tagva Nâlekab Engelinga aᴋᴋarpoᴋ, Assiriamiut tangmârvianne toᴋojartorlugit angutit 185,000 it. Uvlâkullo makkingmatta, ahâk, toᴋungajoᴋarpoᴋ illũnâne.

Jesaiase 44:25

Nallautainerdluktut nallunaikutanginik nungutitsijunga, pijomârtuksaniglo oᴋarpaktut illisimaitillugit, sillatojuniglo uttertitsijunga, sillatuningat sillainartillugo.

Jesaiase 6:5

Tagva oᴋarpunga: Kappianarmêk uvanga nungutaksauvunga ᴋangasinâᴋartunga ivsornartoᴋsôjûngnik inuillo ᴋangasinâᴋartut ivsornartoᴋsôjunik akkornganne nunaᴋartunga, ijîngma takkongmakko attaneᴋ ᴋilangmiugasaksuit Nâlegangat.

Jeremia 13:13

Igville oᴋautiniarpatit: Imâk Nâlagaᴋ oᴋarpoᴋ: Ahâk, nunab tamattoma inungit ilûnaita, aglât atanîttauᴋ iksivajut Davidib iksivautangane, ajoᴋertuijullo, nalautaijullo, Jerusalemiullo ilûnaita, imertitsomavakka tallanartomik tallasimaᴋovlugit.

Jeremia 25:27

Oᴋautijaksarivatillo: Imâk oᴋarpoᴋ Nâlagaᴋ Zebaot, Israêlib Gudinga: Imeritse, tallavluselo, meriaritselo, pâlakluselo, makiniarungnailuse, saviksoaᴋ akunapsingnut tilijomajara pitjutigivlugo.

Jeremia 46:18

Sorlo mikseᴋârtomik inôgama, oᴋarpoᴋ Ataneᴋ, Nâlakamik Zebaotemik attelik, sorlo Tabor ingmat ᴋaᴋᴋaᴋsuit akorngane, sorlolo Karmel ingmat imarbiksub sinâne, taimaidlune tikituksauvoᴋ.

Jeremia 48:15

Moabe sunairutijauvoᴋ, iglugasaksoangit issingorsimavut, inôsuktungillo piloriktoᴋutaujut atersârsimavut toᴋotauvingmut, oᴋarpoᴋ Ataneᴋ, Nâlakamik Zebaotemik attelik.

Jeremia 50:30

Tamanna pivlugo inôsuktungit okpikartuksauvut apᴋosineâlungine, angutingillo sorᴋsuktuksat nipangertitaujomârput uvlorme tâpsomane, oᴋarpoᴋ Nâlagaᴋ.

Jeremia 51:39

Onarᴋejalerpatta imiksangat akkutsomârpara, tallatitsomârpakkalo ᴋuviasudlarᴋovlugit, siniᴋovlugillo siningmik soraijuitomik, tupaniarungnailutiglo, oᴋarpoᴋ Nâlagaᴋ.

Hesekiel 20:33

Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, aggangnut pitsartujunut, talingmullo issamijomut, ᴋaningaumajârnermullo kovijaujomut, ataniojomavunga ilipsingnut:

Nahum 1:10

Kakilauteliktitut ilaᴋemajutitut îgaloarunik, sitsiulâraloaruniglo sorlo imertudlarnermut, nungutaumarilârput ivit kipakungititut.

Nahum 3:18

Mianersijitit sinidlarput, ataniojotit Assiriame; erᴋanartatit merngoêrserput; inuᴋotitit ᴋaᴋaksoarne siamangavut, katersoijuksaᴋangilarlo tâpkoninga.

Mâlaki 1:14

Uivêriklertorle ôminarsile, saugaᴋotime akorngane angusalungmik piᴋartoᴋ, angermariklunelo tunergusertoᴋ ᴋanoetolingmik Nâlekamut; uvanga atanersoangogama, oᴋarpoᴋ Nâlegaᴋ Zebaot, atteralo ileranadlarpok nelojut akorngane.

Takotitaunermik 18:9

Atanîllo nuname tâpsominga arnarnialauktut ikligudlarvigilugo, ᴋeaniarpât kappiaktoadlarutigivlugolo, ikomangata iserlunga takogamitsuk.