Jeremia 51:53 - Labrador Inuttitut Heritage Bible

⁵³ Babilone ᴋongmuarajaraloarune ᴋilangmut, sôngosititsinajaraloarunelônêt pitsartunime poᴋtoninganik, sulle asseroijut uvamnit tikitaksarivât, oᴋarpoᴋ Nâlagaᴋ.

Jeremia 51:53 Iomraidhean Croise

Genesis 11:4

Oᴋarpullo: Attê, iglugasaksoarnik sanalauᴋta nuvuguseᴋsoarmiglo, nuvua aktuatilugo ᴋilangmut, erᴋanartiluta, siamartitautailivlutalo nunanut tamainut.

Hiobe 20:6

Pôktoninga ᴋilaub illua tikkilugo pigalloarpat, Niaᴋungalo aktoralloarpat nuvujanut;

Jesaiase 13:17

Ahâk, Mêderit taipkonunga akkerartorᴋovakka, silberemik erᴋasungitut goldemiglõnêt kamangitut.

Jesaiase 41:25

Avangat ᴋairᴋojivunga, tikkiporlo seᴋinerub nuivianit attimnik opigosuktoᴋ. Attanerutsit tikkipait machaᴋtut illingatillugit, machaliortitut tukkartortotut machamik.

Jesaiase 47:5

Nippangerlutit ingitit, tâᴋsoamullo ailerit, igvit Kaldêarit panningat, arnamik attaniovingnut attaniojomik taijaksaungilatit kingorngagut.

Jesaiase 47:7

Issumaᴋarlutillo imâk: Soraijuitomik attaniovunga. Tagva tamakkoa õmamiutaringilattit issumaksarsiorutiginagillo kinguniksangit.

Jeremia 49:16

Erᴋsinarnît issumagilugo, ômativit piojoriningata uivêrisimavâtit, igvit ineᴋartotit imnat ᴋongnângine, ᴋaᴋᴋallo poᴋtoningine nunaᴋartotit; ublolioraloaruvit nektoraliktut poᴋtojome, kataktitsomavagit takpikangat, oᴋarpoᴋ Nâlagaᴋ.

Jeremia 50:21

Majoarit nunalo Merataim opaktorlugo, Pekodemiullo opaktorlugit; toᴋotsilerit asseroimariklutillo tâpkoa kingorngane oᴋarpoᴋ Nâlagaᴋ, piniarillo perᴋojakka tamaita ilingnik maliklugit.

Jeremia 50:25

Nâlakab sakkotaline upkoersimavâ, ningarnimelo sakkungit anilugit; Nâlagaᴋ, Nâlagaᴋ Zebaot suliaksaᴋarmat Kaldêamiut nunangane.

Jeremia 50:45

Taimaimat tusaritse Nâlakab atanertuinerijanganik Babilone pivlugo atanertuinerijanganik, kajusimanerijanganiglo Kaldêamiut nunangat pivlugo; saukat mikiningita uniaromârpait, tâpsomalo naternangit tataminiartitsomârpait tâpkoninga.

Jeremia 51:11

Kargjutit kênaksarsigik; sapulutat tigumiatsiarsigik; Nâlakab Mediamiut ataningita anerninga tupaktisimavâ; Babilone issumaginamiuk asseroromavlugo; tâmnaungmat Nâlakab akkiniarutinga, katimaviksoarne akkiniarutigingmago.

Jeremia 51:25

Ahâk, ᴋaᴋᴋaᴋsoangojotit asseroijotit, silaᴋsoarmik ilûnânik asseroijotit, akkerartorpagit, oᴋarpoᴋ Nâlagaᴋ; aggakkalo issagomârpakka ilingnut; imnanillo aksakâtitsomârpagit, ᴋaᴋᴋaᴋsoangortitsômârpagillo ikisimajoᴋ.

Jeremia 51:48

Kilaglo nunalo tâpkonangnêtullo ilûnatik serridlaromârput Babilone pitjutigilugo; asseroijut tikitsomârmatsuk avangat, oᴋarpoᴋ Nâlagaᴋ.

Jeremia 51:56

Asserorsaijûb tikidlarmago tâmna Babilone, pitsartujungit tigujaudlarput, pitiksingit navlorsimavut; Nâlagaᴋ Gudeongmat akkiniartoᴋ, nalonangitomik akkiniaromârpoᴋ.

Jeremia 51:58

Imâk oᴋarpoᴋ Nâlagaᴋ Zebaot; Babilonib ᴋarmaᴋsoangit ibjujut oggotitaumarigomârput, upkoaᴋsoangillo poᴋtojut ikitaujomârput ikomamut; inugasaᴋsuillo sulingitomut sanajomârput, inôᴋatigêksuillo ikomamut; merngortudlaromârpullo.

Daniel 4:30

Atanilo niplipoᴋ oᴋarlunilo: Mânna tâmnaungilâᴋ Babiloni angijoᴋ, atanimut igluksaliarijara ajugaᴋanginima pitsartuninganut, inornarnimalo nitornautiksanganût?

Amos 9:2

Toᴋungajut ininganut ᴋerdlerutigaloarunik, tagvangat aggangma tigulârpait; ᴋilangmullo ᴋongmuaraloarunik, tagvangat pingujâromavakka.

Amos 9:4

Omigijimingnullo aularutijaugaloarunik, tagvangat saviksoak perᴋojomavara, tâpsomalo toᴋolârpait; ijîkalo tâpkonunga sangutitsomavâka ajortomut, ajungitomiglo pinanga.

Habakûb 2:9

Kapianarmêk idluitomik piksarsiortoᴋ inûᴋotiminut, ublolioromavlune poᴋtojome, piulijaujomavlune idluitûb agganginit.