Jeremia 51:5 - Labrador Inuttitut Heritage Bible

⁵ Israêle ᴋemaktaulungimat Gudiminut, Judalônêt Nâlakamut Zebaotemut; nunangat tatadlaraloartilugo tapatonermik Israêlib ivsornaitoᴋsôjunganik.

Jeremia 51:5 Iomraidhean Croise

I Atannit 6:13

Ineᴋaromavungalo Israelib ᴋitorngangita akkorngane, Inuᴋotikkalo Israelitit ᴋemagomangilakka.

II Atannit 21:16

Manasselo kovisilaurivoktauk aungnik passijaksaungitunik unnuktunik, nâmatitsilerkârtinnago Jerusalemik tamattomunga; idluitulliningita senniatigut idluitullititsijutigijangita Judakunik, pinniarᴋovlugit Nâlekab idluigijanginik.

Esra 9:9

Kivgauvogulle, Gudiptale ᴋemmalaungilâtigut kivgauniptingne, napkiningnerlo torartilaukpa uvaptingnut Persiamiut attanningita sângine, innoᴋojiᴋovlugit uvaptingnik, Gudipta iglunga igluliorlugo piᴋovluta, asserorsimaningillo sattortautilugit piᴋovluta, tunnitsivigivlutalo avalunik, Judame Jerusalemelo.

Imgerut 94:14

Nâlekab innugasaksoaᴋotine ajaktorniangimagit, ᴋemangniatsanagillônêt kingormgutijane.

Jesaiase 44:21

Tamattominga erᴋailerit, Jâko Israêlelo, kivgarigapkit. Uvanga pingortipagit kivgaulerᴋovlutit uvamnut; Israêle, puigorniarnanga!

Jesaiase 51:15

Uvangale Nâlegauvunga Gûdit, aulatsijunga imarbingmik, malliksoangit iktullijâdlartillugit. Kilangmiugasaksuit Nâlegangannik atteᴋarpunga.

Jesaiase 62:12

Taijaujomârpullo inûᴋatigêksoarnik ivsornaitunik Nâlekab piulijanginik, igvillo taijaujomârpotit iglugasaksoarnik takojartortauvaktunik, ᴋemaktauniangitunik.

Jeremia 14:19

Juda ipperarsimamarikkiûk tâvâ? Tarnivît Zione ariumarikkaûk? Suna pivlugo annausimavitigût inûlijaunangitomîk? Nerriulauᴋpogut ulapirᴋsaumik, sunaubvale ajungitomik saᴋᴋertoᴋangilaᴋ, naliunermiglo inûlijauvionartomik, sunaubvale kapianartomik!

Jeremia 14:9

Sôᴋ inuktut tataminiartotut ilingavêt, inuktut sôngojotut piuliklerungnangitotullê? Igville, Nâlagaᴋ, akunapting nêpotit, atternullo atserartauvogut; ᴋemangniaratiguttôᴋ.

Jeremia 16:18

Sivorlermigle idluituliningit ajorningillo akkiniarutigijomavakka maggoertorlutik; ivsornartitsisimangmatta nunamnik maᴋojungnartûtimik timivininginut, kingormgutijaralo ilumermatsuk mamaitoâluᴋotimingnut.

Jeremia 19:4

Kemaksimagaminga, nunalo tamanna takorngartautilât, isserluanititsivigivlugolo gudingoanut uvanga assimnut ilitaringitamingnut, tâpkoalônêt atâtangitalônêt, Judab ataningitalônêt; nunalo tamanna ilumeramitsuk pasijaksaungitut aunginik kovisilutik;

Jeremia 23:15

Taimaimat imâk oᴋarpoᴋ Nâlagaᴋ Zebaot nalautaijut pivlugit: Ahâk, mamaitoᴋsoarmik nerrititsomavakka, imertilugillo sungarmik; nalautaijunit Jerusalemêtunit takkormôrnek anisimangmat nunamut ilûnânut.

Jeremia 31:37

Imâk oᴋarpoᴋ Nâlagaᴋ: Kilaᴋ pânêtoᴋ issaktaujungnarpat, silaᴋsûblo tungavingit nautsertortaujungnarpatta, tagva allaromârivakka Israêlib kinguvângit tamaita, piniarnerisimajangit tamaita pitjutigivlugit, oᴋarpoᴋ Nâlagaᴋ.

Jeremia 46:28

Sivôranak, Jâko kivgara, oᴋarpoᴋ Nâlagaᴋ, ilagigapkit; inôᴋatigêksuit ilûnaita ajaktortauvigijatit uvamnut nungumarigomârapkit, igville nungumarigomângilagit; sugiaromârpagille nâmatuinartomik, pidlartautailititsomângimarikpagille.

Jeremia 50:20

Uvlune tâpkonane, naliutomelo tâpsomane, oᴋarpoᴋ Nâlagaᴋ, Israêlib idluininga ᴋenertaujomârpoᴋ, pitaᴋarniangilarle; Judablo idluiningit, naipitauniangilalle; amiakôtitakka issumagijungnaivigijomârapkit.

Jeremia 51:19

Jâkob kingormgutijanga taipkotitunaulungilak; tâpsoma tamaita pingortilaungmagit; Israêliblo kinguvângit kingormgutivait; atteᴋarporlo Nâlakamik Zebaotemik.

Hesekiel 8:17

Oᴋautivânga tagva: Tamanna takoviûk, inûb erningâ? Judab ᴋitorngangita oᴋigivatsûk maᴋojungnartuligamik tamânê? nuna tatangmatsuk idluitulinernik, sangulerivullo ningarsâromavlunga; ahâglo, ᴋessertutit ᴋingarmik sânginut aklairautigivait.

Hesekiel 9:9

Oᴋautivângalo: Israêlib Judablo ᴋitorngangita idluituliningit angijoᴋsôvut, nunalo ulipkidlarpoᴋ aungmik, iglugasaksuillo tatadlarput mumiksinermik idluarsainermik; oᴋarmatta: Nâlekab nuna ᴋemakpâ, Nâlegaᴋ takolungilaᴋ.

Hosea 1:10

Israêlib ᴋitorngangit imarbiub siorangititut ôktortaujungnangitutitut kititaujungnangitutitullo unuktigijomârmatta, pijomârporle, inine oᴋautijauvigilauᴋtangine: Inuᴋutaulungilase uvamnut; tagvane oᴋautijaujomârput: Kitorngauvose Gudemut ômatsainartomut.

Hosea 2:1

Katangutise angutit imailiorvigisigik: Ammi, tamadja: Inuᴋotikka; ᴋatangutiselo arnat: Ruhama, tamadja: Nâpkigijauvose.

Hosea 2:3

Ussertitsiᴋonanga tâpsominga, saᴋᴋijârtilugolo sorlo inûlervingmine ilaungmat, ilingatitsiᴋonangalo tâpsominga sunaᴋajuitotut, nunatut ipterilingajotut itilugo, toᴋolugolo ᴋêdlarnermut;

Hosea 4:1

Nâlekab oᴋausinga tusarsiuk, ilipse Israêlib ᴋitorngangit: Nâlegaᴋ nunab inunginut akkerartoruteᴋarmat, mikseᴋârneᴋangimat, nâpkiningneᴋangimallo, ilitarᴋsineᴋangimallo Gudemik nuname.

Hosea 4:2

Oᴋarnerlutjineᴋ, sagloneᴋ, inuarneᴋ, tiglingneᴋ, assiniarnerlo pitôvut, asseᴋangilat; sugaluluarput, auglo malikpoᴋ aungmik.

Migga 7:18

Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.

Migga 7:20

Nertornarnît unertutigilârpat Jakomut, nâpkiningnîllo Abrahamut, angerutigilauᴋtatit atâtagijaptingnut itsarsoarme.

Saggaria 12:6

Uvlorme tâpsomane Jûdab angajoᴋângit aumaliniktut ᴋejungnêtotut îtitsomârpakka, naneroaktullo ikomajotut ivît ᴋepitat akorngane; nungulârpaillo inôᴋatigêksuit tamaita avatânêtut, talerpingmêtullo saumingmêtullo: Jerusalemelo iniksaᴋaromârivoᴋ inimine, tagva Jerusaleme.

Saggaria 12:8

Uvlorme tâpsomane Nâlekab Jerusalemiut serngnigilârpait; sukkôjullo tâpkoa akorngane Dâvidetut ilârput uvlorme tâpsomane; Dâvidekullo Gudetut îtsomârput, Nâlekab engelingatut tâpkoa sângine.

Saggaria 2:12

Nâlekablo Jûda kingormgutilârpâ piksarsiarilugo nuname ivsornaitome, Jerusalemelo annerijomârpara.

I Samuel 12:22

Nalekable innuᴋotine ᴋemmalungilait, attine angijoksoak pivlugo; Nalegak pigiarlaungmat illipse innuᴋotingortiluse ingminut.