Jeremia 51:21 - Labrador Inuttitut Heritage Bible

²¹ Ilingnullo horse ikimajingalo serᴋalitsomavakka; ilingnullo ᴋamutik aksaloalik ikimajingalo serᴋalitsomavakka.

Jeremia 51:21 Iomraidhean Croise

Imgerut 46:9

Unnatadlarnernik nokᴋartitsijub nuname illûnane; pittiksinnik naviksijub, kallugiarniglo serᴋomitsijub, aksalloalingniglo ikkitsijub.

Imgerut 76:6

Suarnernut Gûdeôjotit Jakomut, sinisilerput tamarmik Horsit kemuksertullo.

Exodus 15:1

Tagva Mosese Israêliblo ᴋitorngangit imgerput imgerutemik ôminga Nâlekamut, oᴋarpullo: Nâlegak imgervigijomavara, sâlaᴋadlarmat inornadlartomik: horse ikimajingalo egipak imarbingmut.

Exodus 15:21

Miriamiblo tâpkoa akkiorpait: Nâlegak imgervigisiuk, sâlaᴋadlarmat inornadlartomik; horse ikimajingalo egipak imarbingmut.

Exodus 15:4

Faraub ᴋamutingit aksaloalît unatautit sorsuktuksarsoaᴋotingillo egipait imarbingmut: sorsuktuksarsoaᴋotingitalo angajoᴋângit annerimajut ipimavut imarbingme suvlolingme.

Jesaiase 43:17

Kamutiniglo horsiniglo sorsuktuksaᴋsoarniglo pitsartuneliksoarniglo annerᴋojijoᴋ, inariartortillugit makkinermiglo ajulertillugit ᴋammilugillo, sôrlo manneᴋ ᴋammingmat:

Jeremia 50:37

Saviksûb horsingit ᴋamutingillo aksaloalit, inuillo tamakluartut tagvanêtut ilûnaita ᴋolangiarpait, arnatitullo tâpkoa ileromârput; saviksûb ᴋematulivingit ᴋolangiarpait, tâpkoalo tigligviojomârput.

Hesekiel 39:20

Nerrimârvimnelo aᴋᴋeartulârpose horsinik ᴋemuksertuniglo, pitsartudlartuniglo sakkolijartuniglo tamainik, oᴋarpoᴋ Nâlegaᴋ Nâlegaujoᴋ.

Migga 5:10

Pijomarporlo uvlorme tâpsomane, oᴋarpoᴋ Nâlegaᴋ, horsit pêjaromârapkit akunapsingnit, ᴋamutillo unatautit aksaloalit asseroromârapkit;

Nahum 2:13

Ahâk, sâvigijomârpagit, oᴋarpok Nâlegak Zebaot, ᴋamutingillo unatautit ikitsomârpakka isserlungme, saviksûblo nungulârpait loevearatit; aᴋsârnigarijatillo kipijomârpakka nunamit, aᴋpârtitavîllo nippingit tusaksaujungnairomârput.

Haggai 2:22

Ataniovîllo iksivautaᴋsoangat oggotitsomârpara, inôᴋatigêksuillo ataniovingita pitsartuningit assiroromârpakka; ᴋamutillo aksaloalit unatautit oggotitsomârpakka, ikimajingillo; horsillo ikimajingillo oggotuksauvut, ilûnatik aipamik saviksoanginut.

Saggaria 10:5

Pitsartujoksoatutitullo îtsomârput, ômigijitik tullerarlugit aᴋilupiarme apᴋosineâlungnêtome unatarvingme; sorᴋsugomârpullo, Nâlekab ilagingmagit; ikimajullo horsinut ila ᴋemalârput.

Saggaria 12:4

Uvlorme tâpsomane, oᴋarpok Nâlegak, horsit ilûnaita ᴋaggaidlaromârpakka, ikimajungillo isumairutitilugit; ijîkkalo uitatitsomârpâka Jûdab ᴋitornganginut, inôᴋatigêksuillo horsingit tamaita annaujomârpakka tautugungnaitilugit.

Takotitaunermik 19:18

Atanît angajoᴋaujullo uvininginik nerrivluse, sôngojullo uvininginik, horsillo ᴋânginêtullo nerᴋinginik, kivgaungitullo kivgaujullo, mikijullo angijullo ilûnatik uvininginik.