Jeremia 51:2 - Labrador Inuttitut Heritage Bible

² Babilonemullo tilikleromavunga ipsortûtelijartunik, ipsortuilârtunik tâpsominga; nunangalo sunairutijomârpât; kapianartoᴋarnerublo uvlungane opaktoromârpât avatânit ilûnainit.

Jeremia 51:2 Iomraidhean Croise

Jesaiase 41:16

Siamartitsomârpattit, anoremullo tiktaujomârput aᴋunamullo pêrtauvlutik. Igville Nâlegaᴋ iggiaᴋomijarvigijomârpat, ivlernartitorlo Israêlikkune nertôtigijomârpat.

Jesaiase 43:14

Nâlegaᴋ piulijise, ivlernartitoᴋ Israêlikkune oᴋarpoᴋ imâk: Pivluse aijoᴋarᴋojivunga Bâbelemut, illũnaitalo ᴋemâtillugit attersârtitsomârpakka (kôngmut) Kaldêarillo umiaᴋsoanginut allianartunut.

Jeremia 15:7

Nunablo iglugasaksoangita itertarviksoangine ipsortoromavakka ipsortûtimut, ᴋitorngaijarsimavakka, inuᴋotikka asserorsimavakka; utilungilat apᴋotigilauᴋtamingnit.

Jeremia 50:29

Pitiksilît katimaᴋolersigik Babiloneme, ilûnaita pitiksimik ᴋellusijungnartut; ilumavlugo tangmâritse avatâne; aulartoᴋarniarane; suliarijangit maliklugit akkiniarsiuk; piniarnerijangit maliklugit piniarvigisiuk; iktoriktaidlarmat Nâlakamut, Israêlib ivsornaitoᴋsôjunganut.

Jeremia 50:32

Piojorijorlo naukiutilune oᴋpikaromârpoᴋ, makititsijoᴋarniangilarlo tâpsominga; ikomamiglo ikitsijomavunga iglugasaksoangine, avatânetunik tamainik nungutsijuksamik.

Hesekiel 5:12

Aviksimajavit pingajuangit toᴋojuksaulârput nûsilingnartomut, perlernermullo nungulârput ilingne; pingajuangillo amatoᴋolârput avatingne; amalo pingajuangit siamartilârpakka anorenut tamainut, kingorninginelo saviksoaᴋ amujomavara.

Mattêuse 3:12

Tâpsoma ipsortûtine tigumiarpâ; ᴋematulivingme natinga sanneromârpâ, ᴋakᴋôjaksatsiallo ᴋematulivingminut katitsomârpait; piungitulle ôtsomârpait ikomamut ᴋamisuitomut.