Jeremia 51:18 - Labrador Inuttitut Heritage Bible

¹⁸ Sulinginiovut uiveriklerniovlutiglo, ôktortauvingmingne ajulermarilârput.

Jeremia 51:18 Iomraidhean Croise

Exodus 12:12

Unnuarme tamattomane nuna Egipten aulavigigapko, anaulugillo erniangorᴋârtut ilûnnatik nuname Egipteneme, inuillo nergjutillo; Egiptenemiullo gûdingoanginut tamainut nalonaijaijomavunga erᴋartuinermik: Tâmnauvunga Nâlegak.

Jesaiase 19:1

Tamadja oᴋauseᴋ inerterijutiksaᴋ Egiptenemut. — Ahâk, Nâlegaᴋ nuvujakut tuavitokut ingergaromârpoᴋ tikkidlunelo Egiptenemut. Gûdingoallo Egiptenemẽtut sajugomârput sângane, Egiptenemiullo õmatingit kakkillâromârput illungine.

Jesaiase 2:18

Gûdingoalle illũnatik nungutaujomârput.

Jesaiase 46:1

Bele pâmangavoᴋ, Nêbo ochosimavoᴋ, adsingoangit nergjutinut nujuartunut nergjuteᴋotinullo pititauvut, (Gûdingoat) nangmaᴋattartase ussijauvut, merngortortunut (nergjutinut) ussijauvlutik.

Jesaiase 57:12

Uvangale idluarnernik ᴋaujititsomârpagit, sullijatillo idluarᴋutigijomângilattit.

Jeremia 10:11

Taimaimat oᴋautijaksarivase imâk: Gudingoat sanalungitut ᴋilangmik nunamiglo, tâpkoa pêraksauvut nunamit, ᴋilaublo atânit.

Jeremia 10:14

Inuit ilûnatik silaitôvut ilisimaneᴋaratik, goldelerijut ilûnatik kangusuktitauvut gudingoaliarimajamingnut; gudingoaliarimajangit auktisimajut sagloniovut anerneᴋanginamik.

Jeremia 10:15

Sulinginiovut mitautiksatuinauvlutiglo; ôktortauvingmingne ajulermarilârput.

Jeremia 10:8

Ilûnatik adsigêktomik silaitôvut tukkeᴋangitôvlutiglo; ajoᴋertusiovut gudingoanik, ᴋejutuinaugamik.

Jeremia 18:15

Inuᴋotimale puigorsimavânga; isserluanititsisimavut tippitsiariktunik sulitsangitunut; naukiutitipait apᴋutingine, apᴋutetoᴋane, arvertartilugillo apᴋutine apᴋutitsiangolungitune, apᴋutine sanasimangitune;

Jeremia 46:25

Nâlagaᴋ Zebaot, Israêlib Gudinga oᴋarpoᴋ; Ahâk, sugiaromârpakka Amon, Nômêtoᴋ, Faraolo, Egiptenalo, gudingoangit ataningillo ilagilugit; ila, Farao, tâpsomingalo tateᴋartut;

Jeremia 48:7

Suliarijatit pivianartoᴋutigijatillo sungertutigilaurangne, igvittauᴋ tigijauᴋataujomârpotit; Kêmoselo (gudingoaᴋ) aularutijaujomârpoᴋ, ajoᴋertuijungit angajoᴋângillo ilagilugit.

Jeremia 50:2

Oᴋâlagitse ᴋaujititsileritselo inôᴋatigêksuit akorngane, nalunaikusêgitselo; ᴋaujititsileritse angigutjiniaraselo; oᴋaritse, Babilon tigujauvoᴋ, Bel kangusuktitauvoᴋ, Merôdak serᴋomitauvoᴋ; gudingoangit kangusuktitauvut, gudingoaliarimajangillo serᴋomitauvut.

Hesekiel 6:6

Nunagijapsingne tamaine iglugasaksuit asserortaujomârput, poᴋtoniselo ᴋemaktaujomârput; tunerguserviksase asserortauᴋovlugit ᴋemaktauᴋovlugillo, gudingoaliarimajaselo serᴋomitauᴋovlugit pijungnaiᴋovlugillo, seᴋinermullo napartitase nakkatauᴋovlugit, suliarimajaselo nungutauᴋovlugit.

Jona 2:8

Piungitunik suksaungitunik sungertûteᴋartut ᴋemaivut nâpkigijaunermingnik.

Sefania 2:11

Nâlegak erᴋsinadlaromârpok tâpkonunga, nuname Gûdeojut ilûnaita perlertitsomârmagit; opigijaksarivâllo inuit, ilûnatik inimingnit, ilâ, inôᴋatigêksuit ilûnatik kiglingit.

Apostelit Piniarningit 14:15

Oᴋarlutiglo: Angutaujose, sôk taimailiorpisê? Inutuinauvoguk toᴋojomârtoguk ilipsitut, oᴋautsiniglo tusarnertunik oᴋâlavojuk ilipsingnut, sâgiarᴋovluse ômangat Gûdeungitomit Gûdemut ômajomut, ᴋilangmiglo nunamiglo, imarbingmiglo iluanêtuniglo tamainik pingortitsijomut;