Jeremia 51:12 - Labrador Inuttitut Heritage Bible

¹² Nulunaikusêgitse katimaᴋojijutiksamik Babilonib avaluᴋsoangine, udjertortuse sôngotisigik, kamajut âᴋiksorsigik, suingaijuksat atuinarusigik; Nâlakab issumaksarsiorutigilugolo nâmaksitingmago oᴋautigijane Babilone pivlugo.

Jeremia 51:12 Iomraidhean Croise

Salomob Okâl 21:30

Ilisimanerlonêt, silatônerlonêt, kajusimanerlonêt sullitsengilat Nâlegak akkerartorlugo.

Jesaiase 11:12

Saimaseromârporlo kattilerutiksaujunik nallojunut, unangmijaujullo Israêlitit kattititsomârpait, siamanggajullo Jûdamiut kattersoromârpait nuaᴋsûb kiglinginit sittamanit.

Jesaiase 13:2

Kattilerutiksamik saimaseritse ᴋaᴋᴋame merᴋoᴋangitome, nipliavigidlarsigik nullorarlugillo, iterᴋovlugit angajoᴋajat itertarvingitigut.

Jeremia 23:20

Nâlakab ningaumajârninga uterniatsangilaᴋ piniarsimaᴋârtinago nâmaksititsisimaᴋârtinagolo ômatime kajusimanerijanginik; uvluksane kingorliojune tamanna tukisilârpase nâmaktomik.

Jeremia 4:28

Tamannale pivlugo nuna kiksaromârpoᴋ, ᴋilaillo takpâne ᴋernersijomârput; oᴋautigisimagapko, kajusijûtigigapko, ᴋaᴋialilungilangalo uteromanangalônêt tamattomangat.

Jeremia 50:2

Oᴋâlagitse ᴋaujititsileritselo inôᴋatigêksuit akorngane, nalunaikusêgitselo; ᴋaujititsileritse angigutjiniaraselo; oᴋaritse, Babilon tigujauvoᴋ, Bel kangusuktitauvoᴋ, Merôdak serᴋomitauvoᴋ; gudingoangit kangusuktitauvut, gudingoaliarimajangillo serᴋomitauvut.

Jeremia 50:25

Nâlakab sakkotaline upkoersimavâ, ningarnimelo sakkungit anilugit; Nâlagaᴋ, Nâlagaᴋ Zebaot suliaksaᴋarmat Kaldêamiut nunangane.

Jeremia 51:11

Kargjutit kênaksarsigik; sapulutat tigumiatsiarsigik; Nâlakab Mediamiut ataningita anerninga tupaktisimavâ; Babilone issumaginamiuk asseroromavlugo; tâmnaungmat Nâlakab akkiniarutinga, katimaviksoarne akkiniarutigingmago.

Jeremia 51:27

Nalunaikusêgitse katimaᴋojijutiksamik nuname, tiptulausijaritse inôᴋatigêksuit akorngane; inôᴋatigêksuit parngnaitisigik sorᴋsungnermut tâpsominga, ataniovît Ararâtelo, Minnilo, Askenâselo katimaᴋosigik tâpsomunga; opaktortuksat tâpsominga angajoᴋâᴋsoaksanganik ilijigitse; horsit takpaungartisigik ᴋuglugiatitut merᴋoliktitut ilivlutik.

Jeremia 51:29

Nunalo sajudlarpoᴋ âniadlarlunalo; Nâlakab kajusimanerijangit Babilon pitjitigilugo aulangimatta, Babilonib nunanga inuêrningortitsomavlugo.

Jeremiab Ogguarutigijangit 2:17

Nâlekab kajusijutigilauktane piniarpâ; oᴋausine, itsaksoarme oᴋautigilauktane, nâmaksitipâ; asseroivok naiperᴋutigosulugane; ômisuktorlo ᴋuviasuktilaukpâ pivlutit, ômigijivît nakjunga ᴋagvertipâ.

Joel 3:2

Inôᴋatigêksuit tamaita katersoromârpakka tikiutilugillo Jôsafatib naᴋsanganut; tagvanelo erᴋartoromârpakka inuᴋotikka kingormgutijakkalo Israêle pijutigilugit, siamartitangit inôᴋatigêksuit akornganut, nunalo piga avgoarlugo.

Nahum 2:1

Serᴋalitsijok majorarpok nalângnut; sakkut kamagitsiarkit, apᴋosinek udjertoruk, ᴋettît nukkiksaruk, nukkitillo angijomik pitsartutikit.

Josua 8:14

Aiemiulle attaningat tamattominga takkolaurame, tuavidlalaukput, tuavileᴋullo parngnailerput, iglugasaksuillo angutingit anisarput Iraelitit paromavlugit unatadlarnermut inniksame nallonarungnaititaumajome naternaub miksane, innuᴋotine illunaita illagellugit. ᴋaujimalaunginame uttakkijoᴋarmat tapsominga terliarsivingme iglugasaksuit ungatane.