Jeremia 51:11 - Labrador Inuttitut Heritage Bible

¹¹ Kargjutit kênaksarsigik; sapulutat tigumiatsiarsigik; Nâlakab Mediamiut ataningita anerninga tupaktisimavâ; Babilone issumaginamiuk asseroromavlugo; tâmnaungmat Nâlakab akkiniarutinga, katimaviksoarne akkiniarutigingmago.

Jeremia 51:11 Iomraidhean Croise

I Atannit 11:14

Nâlekablo Salomo akkerartorteᴋartipa Hadademik Edomiomik, atanniub Edomeme kinguvanganit pijomik.

I Atannit 11:23

Gûdiblo akkerartorteᴋartipa sulle asianik, Resonemik, Eljadab erninganik, angajoᴋaminit Hadadeseremit Zobamiut atanninganit ᴋemâlauktomik.

I Kronika 5:26

Tagva Israelib Gûdingata Fulib Assiriamiut atanningata annerninga, Tiglat Pilnesseriblo Assiriab attannertangata annerninga kajungersarpâk, aularutivaillo Rubenekut, Gadekullo, kinguvarêllo Mânnassekut ketterᴋangit, âpaillo Halamut, Haboremullo, Haramullo, Gosaniblo kônganut, uvlok tamânna tikkilugo.

II Kronika 36:22

Koresible Persiamiut attanningata Jaringita sivurlingane, nallautsilerᴋovlugit Nalekab oᴋausingit, oᴋauserilauktangit Jeremiab ᴋanningagut, Nalekab Koresib Persiamiut attanningata annerninga tuppaksarpa, akpautigijauᴋojiᴋovlugo attanniovingmine illunane, aglaktigullotauk, oᴋarᴋojilunelo:

Esra 1:1

Koresib Persiamiut attanningata Jaringita sivurlingane, nallautsilerᴋovlugit Nalekab oᴋausingit, oᴋauserilauktangit Jeremiab ᴋanningagut, Nalekab Koresib Persiamiut attanningata annerninga tuppaksarpa, akpautigijauᴋojiᴋovlugo attanniovingmine illunane, aglaktigullotauk, oᴋarᴋojilunelo:

Jesaiase 10:26

Kilangmiugasaksuillo Nâlegangata issaᴋautik kivigomârpâ taipsomunga, sôrlo Midiane sugiaramiuk Orib ᴋairtungane, ajaupiaᴋotinelo imarbingmut issautijomârpâ sôrlo Egipteneme.

Jesaiase 21:2

Takkotitjumik sivoranartomik takkotitauvunga: Arᴋtaijoᴋ arᴋtaivoᴋ, asserorsaijoᴋ asserorsaivoᴋ. Paungaleritse Elamiôjose, illumasiuk Mêdiamiôjose! anersaumititsiningit tamaita sorairtitsomavakka.

Jesaiase 21:5

Nerrimârvingmik âᴋiksoivut, pigârput pigârvingme, nerrivut imerlutiglo. Opalungaileritse angajoᴋaujose, sappûlutaᴋ mingoarsiuk!

Jesaiase 41:25

Avangat ᴋairᴋojivunga, tikkiporlo seᴋinerub nuivianit attimnik opigosuktoᴋ. Attanerutsit tikkipait machaᴋtut illingatillugit, machaliortitut tukkartortotut machamik.

Jesaiase 45:1

Imak oᴋarpoᴋ Nâlegaᴋ mingoartaminut Korassemut; tâmna tiguvara tallerpiagut, nallojut sãlagijomavlugit tâpsoma sângane attanersuillo saviksoangit pêromavlugit, upkuat upkuertaurᴋovlugit tâpsoma sângane, upkuaᴋsuillo parngnanairtaujungnairᴋovlugit:

Jesaiase 45:5

Uvanga Nâlegauvunga, assimniglo Nâlagaᴋangilaᴋ, assimniglo Gûdeᴋangilaᴋ. Uvanga ᴋetteruserpagit, illitarᴋserᴋârtinak uvamnik,

Jesaiase 46:11

Tingmiarsoaᴋ ᴋairᴋovara seᴋinerub nuivianit angullo kajusimautigijaminik piniartoᴋ nunamit ungasiktomit. Oᴋautigijamnik nallautsititsivunga, issumagijamnik piniarpungatauᴋ.

Jeremia 25:25

Simriblo ataningit tamaita, Elamiblo ataningit tamaita, Mêdenemiullo ataningit tamaita;

Jeremia 46:3

Talut supûlutallo pijarêrsârsigik, ᴋaglitileritselo unatarnermut.

Jeremia 46:4

Horsit anulersigik, ikileritselo, ilipse horselijartose, niaᴋoarêkutilijaritselo; ᴋalugiat kênaksârsigik, sillapâllo kikiangojut atilersigik.

Jeremia 46:9

Majoraritse, ilipse horseojose; sukalidlaritselo, ᴋemuksertôjose; angutit pitsartujut anilît; Etiopiamiut, Puttimiullo, sapûlutanik tigumiarpaktut; Ludemiullo, pitiksinik tigumiarpaktut ᴋellumijullo.

Jeremia 50:25

Nâlakab sakkotaline upkoersimavâ, ningarnimelo sakkungit anilugit; Nâlagaᴋ, Nâlagaᴋ Zebaot suliaksaᴋarmat Kaldêamiut nunangane.

Jeremia 50:3

Avangat inôᴋatigêksuit opaktoriartorpait, sunairutjijunik nunanganik, tagvane angerarveᴋartoᴋarᴋonago; ᴋemâsimavut, aularsimavut, inuillo nergjutillo.

Jeremia 50:45

Taimaimat tusaritse Nâlakab atanertuinerijanganik Babilone pivlugo atanertuinerijanganik, kajusimanerijanganiglo Kaldêamiut nunangat pivlugo; saukat mikiningita uniaromârpait, tâpsomalo naternangit tataminiartitsomârpait tâpkoninga.

Jeremia 50:9

Tagva ahâk, inôᴋatigêksoagasaksuit tupaksaromavakka nunamit taggardlermit, majuartitsomavlugillo Babilonemut; tâpkoalo siagomârput tâpsomane; tagvangallo tâmna tigujaujomârpoᴋ; ᴋargjungit angutitut annaingitotut ilingajomârput; sulinane uterniatsangitotut.

Jeremia 51:12

Nulunaikusêgitse katimaᴋojijutiksamik Babilonib avaluᴋsoangine, udjertortuse sôngotisigik, kamajut âᴋiksorsigik, suingaijuksat atuinarusigik; Nâlakab issumaksarsiorutigilugolo nâmaksitingmago oᴋautigijane Babilone pivlugo.

Jeremia 51:24

Babilonalo Kaldêamiullo ilûnaita akkiniarvigijomavakka idluituliningit tamaita pinialauᴋtangit Zioneme maliklugit, oᴋarpoᴋ Nâlagaᴋ.

Jeremia 51:35

Idluitulinerit uvamnut uvinimnullo piniartaujut Babilonemut pilit; oᴋarpoᴋ Zionib inunga; augalo Kaldêamiunut pile, oᴋarpoᴋ Jerusalem.

Jeremia 51:36

Taimaimat imâk oᴋarpoᴋ Nâlagaᴋ; Ahâk, iliortaunît idluarsaijutigijomavara akkiniaromavlungalo pivlutit; imangalo panertungortitsomavara, puailavingalo ipteᴋarungnaititsomavlugo.

Daniel 5:30

Unnuarmi tâpsomani Belsazar, Kaldêarit ataningat, toᴋotauvoᴋ.

Joel 3:10

Ibjomik makperteriutise kauktorsigik saviksoangortilugit, iviksukatautiselo ᴋalugiangortilugit; sangêtut oᴋarlit: Sangijôvunga.

Joel 3:9

Tamanna aᴋpautigisiuk inôᴋatigêksuit akorngane: Unatarnermik âᴋiksoileritse: angutit sôngojut aulasigik; sorᴋsuktuksat ilûnatik ᴋaglilerlit majoarlillo.

Leviticus 26:25

Tikiutjijomârpungalo saviksoarmik ilipsingnut, akkinialârtomik angerutaujûb ningadlarninganik; katimgatitaulârposelo iglugasaksoapsingne, nusilingnartorlo tililârpara akunapsingnut; unertutijaulârposelo ômigijipse agganginut.

Saggaria 14:12

Makoangovullo sugiarutit Nâlekab annautarijomârtangit inôᴋatigêksoarnik tamainik unatariartolauᴋtunik Jerusalemik: uvinêrutijomârput sulle itigamingne nikovitilugit, ijingillo nunguvaliajomârput ijeᴋarvingmingne, oᴋangillo nunguvaliajomârput ᴋaningine.

Saggaria 14:2

Inôᴋatigêksuit tamaita Jerusalemut katersoromârapkit sorᴋsungnermut; iglugasaksuillo tigujaulârput, iglullo kongmarudjaujomârput, arnallo naggonarsartauvlutik; iglugasaksoarmiullo abvangit anijomârput aularutijauvlutik, inuillo amiakungit kipijaunialungilat iglugasaksoarnit.