Jeremia 50:5 - Labrador Inuttitut Heritage Bible

⁵ Zione aperᴋutigijomârpât, kênatik tagvunga sângavlugit, oᴋarlutik: Kaigitse, Nâlakamut ilagêngneᴋaleritse angeᴋatigêngnerme soᴋosijuitome puigortauniatsangitome.

Jeremia 50:5 Iomraidhean Croise

Genesis 17:7

Angerneralo pivlunga pivlutillo kinguvâksatillo pivlugit, kingunikkut kingorlerêktut, nalautsititsomavara, angerneᴋ nâksaungitomut ilingajuksaᴋ, illingnut Gûdeojomavlunga kinguvâksarnullo kingunikkut.

II Samuel 23:5

Igluga taimailingalungigalloarmat Gudeme, angernermigle tunnitsivigilaukpânga soraijuitomik, aᴋiksoijomik tamainik, soᴋᴋosijuitomiglo, piulijaujutigijamniglo tamât, tussugijamniglo, sulle perorsaᴋolungigalloarmago.

I Atannit 19:10

Tamna oᴋarpok: Ilûnngertorlaukpunga Nâlegak Gûde Zebaoth pivlugo; Israelib ᴋitorngangita angernerilauktat ᴋemangmatsuk, Altarekotitillo serᴋomilaukpait, nellautaijoᴋotitillo toᴋolaukpait saviksoarmut, uvangalo amiakotôvunga, pinnasuarpullo inôsimnik, pêjaivigijomavlunga.

I Atannit 19:14

Tamna oᴋarpok: Nâlegak, Gûde Zebaoth pivlugo ilûnngertorlaukpunga; Israelible ᴋitorngangita angernerilauktat ᴋemalaukpât, Altareᴋotitit serᴋomilaukpait, nellautaijokotitit toᴋolaukpait saviksoarmut, uvangalo amiakotôvunga, pinasuarpullo inôsimnik pêjaivigijomavlunga.

Imgerut 84:7

Arvertarput pitsartunermit pitsartunermut, illûnatik attunît saᴋᴋerᴋâratik Gûbib sângane Zioneme.

Jesaiase 35:8

Tagvanelo apᴋosineᴋaromârpoᴋ apᴋutiksamik. Apᴋomik ivsornaitomik taijaujomârpoᴋ taimna. Ivsornartomut pissugviksaungilaᴋ, taipkonungale attoraksaujomârpoᴋ. Ingergajut tagvûna, sillaitut aglât tammaromângilat.

Jesaiase 55:3

Siutise mannivlugit ᴋaititse uvamnut, tussaleritse, tarnise tagva ômajomârput, angervigijomârpapselo issoᴋangitomut illingajuksanik, saimanartunik pilliutigijamnik Dâvidemut soraijuitomik.

Jeremia 3:18

Naliutome tâpsomane Judab ᴋitorngangit aijomârput Israêlib ᴋitornganginut, tikiᴋatigêgomârpullo nunamit avanêtomit nunamut kingormgutijaksautilauᴋtamnut atâtagilauᴋtapsingnut.

Jeremia 31:21

Nalonaijaijutiksanik apᴋosinermik napartitsilerit, napajunik unertutjijuksanik âᴋiksoilerit; ômatît apᴋosinersoarmut sâtiuk, apᴋomut ingerarvigilauᴋtarnut; utermît uigasôjotit Israêl, utermît iglugasaksoaᴋotingnut ukkununga.

Jeremia 31:6

Uvloᴋalârmat Efraimib ᴋaᴋᴋangine pigârtut ᴋaigarsugomârvingat: Attê, majoralerta Zionemut Nâlakamut Gudiptingnut.

Jeremia 32:40

Tâpkonungalo angeᴋatigêngnelioromavunga soraijuituksaujomik, sorairomanginama ajungitulivigivlugit; ômamiutaᴋartitsomavakkalo sivôranermik uvamnik ᴋemaiᴋonagillo uvamnik.

Jeremia 6:16

Imâk Nâlagaᴋ oᴋarpoᴋ: Nangeriartoritse apᴋosinerne, takonârluselo, apᴋosineolauᴋtullo apertsûtigilugit, apᴋutit naliat idluarnerpaumangât, tâpsomanalo arvertaritse, merngoerserviksarsilârpose tagva tarnipsingnut; tâpkoale oᴋarput: Tâpsomane arvertaromangilagut.

Hesekiel 16:61

Igvillo apᴋutigijatit erᴋaumajomârpatit, kangusuklutillo, ᴋatangutitillo angajuklit nukardlillo ilalioromârpatit: tunijomârpakkalo ilingnut paniolerᴋovlugit, angernerilauᴋtalle pitjutigilugo-ungitoᴋ.

Hesekiel 37:22

Inôᴋatigêksoangortitsomârpakkalo atausiojut nuname, Israêlib ᴋaᴋᴋangine; atanerlo atauseᴋ ataniojomârpoᴋ tâpkonunga tamainut; kingornganelo inôᴋatigêksoangojungnairomârput magguinik, avitauniatsangilallo ataniovingnut maggungnut:

Hosea 1:11

Judablo ᴋitorngangit Israêliblo ᴋitorngangit katijomârput, ingmingnullo atauseᴋ nâlegangortitsomârpât, majoraromârpullo nunamit, Jesreelib uvluksanga angijodlaromârmat.

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Hosea 6:1

Kaileritse, Nâlekamut utilerta; tâpsoma aliktulauᴋpâtigut, tâpsomalo inûlilârpâtigut; tâpsoma annaulauᴋpâtigut, tâpsomalo mangipsertulârpâtigut.

Johannese 7:17

Tâpsoma pijomajanganik piniaromajoᴋarpat, tukkisiniarpoᴋ, ajoᴋertûseᴋ tamanna Gûdemit pingmangât, ubvalo uvamnik oᴋâlamangârma.

Apostelit Piniarningit 11:23

Tâmna tagvunga pigame, Gûdiblo saimanersoanga misigileramiuk, ᴋuviasulerpok kaiblarlugillo tamaita pivait, ômamut ilûnânut nipingatsainarᴋovlugit Nâlekamut.

II Korintemiunut 8:5

Issumavullo nelaudlugit pituinangilat; ingmingnik aglât tunerᴋârput Nâlekamut, tungâgullo uvaptingnut Gûdib pijomajanga maliklugo.