Jeremia 50:4 - Labrador Inuttitut Heritage Bible

⁴ Uvlune taipkonane, naliutomelo tâpsomane, oᴋarpoᴋ Nâlagaᴋ, Israêlib ᴋitorngangit tikilârput, tâpkoa Judablo ᴋitorngangit ilagêklutik; ingeraromârput ᴋeavlutik, ᴋeneromârpullo Nâlakamik Gudimingnik.

Jeremia 50:4 Iomraidhean Croise

II Kronika 7:14

Innuᴋotikkalo attera malliklugo atserarsimajut nikkanarsarpatta, tuksiarpattalo, kênaralo ᴋennerlugo pikpatta, sagiarlutiglo apᴋotigijamingnit idluitomit; tagva ᴋillangmit tussaromavunga, issumagijungnailugillo ajorningit, nunangallo innulilugo.

Imgerut 105:4

Nâlegak sôngoningalo apperᴋutigissigik; kênanga ᴋennitsainarsiuk.

Jesaiase 14:1

Nalekab Jâko nâpkigijomârpâ, Israêle aneriluarlugo, âtillugik nunangangnut. Takkorngartallo tikkitsomârput, Jâkokkunut kattimgajomavlutik.

Jesaiase 45:19

Sagvangitome oᴋalungilanga, nunab inningine târtune; Jâkob kinguvânginut oᴋalungitunga: Kennersinga sullinase! Uvanga Nâlegaujunga idluartunik oᴋauseᴋarpunga, nallâgôrtunik nallunaijaivunga.

Jesaiase 55:6

Nâlekamik ᴋennileritse, nagvârtaujungnarmat, nipliavigisiuk ᴋannidlarmat!

Jesaiase 63:4

Uvloᴋ akkiniarviksaᴋ kajusimautigigapko, jârelo piuliklerviksara nalliutingmat.

Jeremia 31:31

Ahâk, uvlut naliutijomârput, oᴋarpoᴋ Nâlagaᴋ, tagva Israêlikut Judakullo angiᴋatigijomavakka;

Jeremia 33:15

Uvlune tâpkonane, naliutomelo tâpsomane, nuitatitsijomârpunga nutaijoᴋtomik idluartomik Dâvidemut; tâmnalo erᴋartuitsiaromârpoᴋ idluarsaitsiarlunalo nuname.

Jeremia 41:6

Ismaêlelo, Netaniab erninga, anivoᴋ Mispamit pagreartorlugit, ᴋugviorlune ingerarame; pâgamigillo oᴋautivait: Kailauritse Gedaliamut, Ahikamib erninganut.

Hesekiel 16:61

Igvillo apᴋutigijatit erᴋaumajomârpatit, kangusuklutillo, ᴋatangutitillo angajuklit nukardlillo ilalioromârpatit: tunijomârpakkalo ilingnut paniolerᴋovlugit, angernerilauᴋtalle pitjutigilugo-ungitoᴋ.

Hesekiel 39:25

Tamanna pivlugo imâk oᴋarpoᴋ Nâlegaᴋ Nâlegaujoᴋ: Mâna Jâkob aularutijauninga utertitsomârpara, Israêliblo ᴋitorngangit ilûnaita nâpkigijomarpakka; ateralo ivsornaitoᴋ ilungertûtigijomârpara.

Hosea 1:11

Judablo ᴋitorngangit Israêliblo ᴋitorngangit katijomârput, ingmingnullo atauseᴋ nâlegangortitsomârpât, majoraromârpullo nunamit, Jesreelib uvluksanga angijodlaromârmat.

Hosea 11:10

Nâlegaᴋ maligomârpât, tâmnalo loevetut kalingoaromârpoᴋ; tamna kalingoaromârmat, ᴋitorngaujullo sajudlarlutik tikitsomârput pângat.

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Hosea 6:1

Kaileritse, Nâlekamut utilerta; tâpsoma aliktulauᴋpâtigut, tâpsomalo inûlilârpâtigut; tâpsoma annaulauᴋpâtigut, tâpsomalo mangipsertulârpâtigut.

Joel 2:12

Sullele, sulle, oᴋarpoᴋ Nâlegaᴋ, sâgiaritse uvamnut ômamut tamânut, nerritailivluse, ᴋeavluselo, kiksarluselo;

Saggaria 12:10

Dâvidiblo kinguvânginut Jerusalemiunullo kovijomârpara anernek saimanartitsijok ᴋenutitsijorlo; takojomârpullo kapilauktamingnik; ᴋeagijomârpâllo sorlo ernetuak ᴋeagijaungmat, ogguarutigijomârpâllo sorlo ᴋitorngak angajuklek oggorijaungmat.

Jâkobusib 4:9

Ajuleritse sanikteriluselo ᴋugvioleritse; ijornise mumigle ᴋugviornermut, ᴋuviasungniselo kiksarnermut.