Jeremia 5:5 - Labrador Inuttitut Heritage Bible

⁵ Ilisimanersanut aijomavunga, tâpkoalo oᴋaᴋatigilugit; tâpkoa ᴋaujimavalungmatta Nâlakab apᴋotinganik, Gudingatalo idluarsaininganik. Tâpkoale ilagêklutik nangmaut navisimavât, ᴋelarutillo kiktorarlugit.

Jeremia 5:5 Iomraidhean Croise

II Kronika 36:14

Ajochertuijut angajoᴋaunerojungit illunatiktauk innugasaksuit illagilugit idluineᴋartitsivut unnuktunik, nallojut makkojungnartulliningit sunatuinait malliklugit, ivsornartipâllo Nalekab iglunga, ivsornaitilauktanga Jerusaleme.

Exodus 32:25

Mosesiblo inuit usingajut takogamigit; (tagva Aronib usingatilauᴋpait kangusûtiksanginut omigijingita akorngane:)

Jesaiase 1:23

Attaneᴋotitit tapatovut tigliktoᴋsuillo illagivait, tâpkoa illũnatik akkiliusianik pijomadlarput, pilliusianiglo pinasuarput, illiarsuit serngnigilungilait, uigarnerillo illinganingit kamagingilait.

Jeremia 2:20

Itsarsoarmit nangmautat serᴋomiᴋattarangne ᴋelarutillo kiktorarlugit; oᴋarpotillo: Kivgartoromangilanga; ᴋaᴋᴋane poᴋtojune tamaine, napârtullo tungujortut ilûnatik atâne ukuᴋattalauᴋpotit assiniarᴋattarlutillo.

Jeremia 2:31

Kinguvârêngojose ilipse, kamagitse Nâlakab oᴋausinganik. Sunaᴋajuitôlauᴋsimavingâ, nunatullônêt tâᴋtoᴋsoaliktut ilingalauᴋsimavingâ Israêlimût? Suna pivlugo inuᴋotikka oᴋarᴋât: Pitûdjarpogut; tikitsomairpogut ilingnût?

Jeremia 30:14

Ungagijivit ilûnatik puigorpâtit; ᴋenilungilâtit; killersimagapkit ômisuktûb nâpkigosungneᴋangitûb sugiarninganut; idluitulinivit angininga pivlugo, ajornitit unuksisimangmatta.

Jeremia 6:13

Ilûnamasiatik mikinerpâmit anginerpâk tikidlugo pijomatudlartôvut; nalautaijomillo ajoᴋertuijoᴋ tikidlugo nalâgôngitomik piniarput.

Jeremia 8:7

Ila, tingmiaᴋ sigguᴋortojoᴋ ᴋilaub atâne ᴋaujimavoᴋ naliunerminik aulariamut, aᴋigiojârtoᴋ tullugarnarlo kannâᴋortojorlo naliunermingnik tikigiamut kamavut, inuᴋotikkale ᴋaujimangilat Nâlakab idluarijanganik.

Jeremia 9:3

Niungaivut oᴋamingnik sorlo pitiksimingnik saglonermut; sôngosisimavut nuname, mikseᴋârneᴋ pivlugo-ungitorle; aglivaliavut idluinermit idluinermut, ilitaringilângalo, Nâlagaᴋ oᴋarpoᴋ.

Hesekiel 11:2

Oᴋautivângalo: Inûb erninga, ukkoangovut angutit idluitulinermik erᴋarsartut atanertuiluktullo iglugasaksoarne ukkunane.

Amos 4:1

Oᴋausek tamanna tusarsiuk, ilipse tuktuvaujose Bâsaneme, Samariab ᴋakᴋanganêtose, tatjartose aklujunik, sêmiksijose ajoksartunik, nâleganginullo oᴋartose: ᴋaitsigitse, imiᴋovluta.

Amos 6:1

Kapianarmek ilimasungitut Zioneme, terliktullo Samariab ᴋakᴋangane, erᴋanartut inôᴋatigêksuit angajoᴋângit, Israêlib ᴋitorngangita aivigijangit.

Migga 3:11

Angajoᴋângit idluarsaivut pilitaujomavlutik, ajoᴋertuijungillo akkilertaujomavlutik, nalautaijungillo nalautaivut kênaujanut; sullele Nâlegaᴋ egangavigijomavât, oᴋarlutiglo: Nâlegaᴋ akunaptingnêlungilâᴋ? Idluitûb tikiniangilâtigut.

Mâlaki 2:7

Ajoᴋertuijûb ᴋangasinâgik piulimaklertuksaungmanik ilisimanermik, perᴋojallo ᴋenertaujuksaungmatta tâpsoma ᴋaninganit, Nâlekab Zebaotib tilijaringmago.

Lukase 18:24

Jêsusible kiksartitaumajok takogamiuk oᴋarpok: Akluitut nâlegauvingmut ᴋilangmêtomut pilutik Sappernaᴋasakpok.

Lukase 19:14

Inuᴋatingitale ômigigamitsuk, oᴋautjaugartorᴋovât: tâmna atanioterᴋongilavut uvaptingnut.