Jeremia 5:31 - Labrador Inuttitut Heritage Bible

³¹ Nalautaijut nalâgôngitomik nalautaivut, ajokertuijullo aggangmingnut ataniolerput, inuᴋotimalo tamakkoa nâmagivait; ᴋanoᴋ ilingajomâlerᴋisê?

Jeremia 5:31 Iomraidhean Croise

I Atannit 22:6

Tagva Israelitit atanningata nellautaijut 400 deôkasait ᴋatimaᴋovait, oᴋautilaitalo: Ramotemut Gileademêtomut aijuksauvîk sorsugvigilugit, nippotijaksarivakkalonêt? Tapᴋoa oᴋarput: Majorarit takpaunga, Nâlekab tunniniarpait atanniub agganginut.

Salomob Okâl 17:4

Idluitub ᴋanît idluitut kamagivait, nellangaitublo Oᴋat asserortitsinasuartut Nâlekpait.

Jesaiase 10:3

Kanoᴋ illioromavisê sugiartauvingme, asserortauvingme ungasiktomit ᴋaglilertome? Kimut ᴋemâjomavisê piulijaujomavluse? Nertornautigijaselo nane torᴋoromavisigîk?

Jesaiase 20:6

Oᴋaromârpullo taipsomane sikjab tamattoma inungit: Takkuk, taimailingavut tattigijavut, ᴋemâvigijavut ikkajortaujomamut piulijaujomamullo Assiriamiut attaningannit! Uvagullo, ᴋanoᴋ ᴋemâjungnarᴋitâ?

Jesaiase 33:14

Idluitullijut Zioneme ᴋoaᴋsârput, piungitut sajungnermut tikkitauvut (oᴋarpullo): Nallipta ikkoma nungutsijoᴋ najorlugo ajungilâ? Nallipta ikkomaᴋsoaᴋ ᴋamisuitoᴋ najorlugo ajungilâ?

Jesaiase 43:27

Sivorlerijavit sivorlerpângat idluitullilerêrpoᴋ, ajoᴋertortivillo tunnupânga.

Jesaiase 47:7

Issumaᴋarlutillo imâk: Soraijuitomik attaniovunga. Tagva tamakkoa õmamiutaringilattit issumaksarsiorutiginagillo kinguniksangit.

Jeremia 12:4

Kanoᴋ akunêrtigijomik nuna takominaituksauvâ, perortullo nuname ilûnâne ᴋunollertuksauvât? Nunab inungita idluituliningit pivlugit nergjutit tingmiallo nungutauvut; oᴋarmatta: tâmna takojuksaungilaᴋ ilingajomârniptingnik.

Jeremia 14:14

Nâlakable oᴋautivânga tagva: Nalautaijut saglovlutik nalautaivut attimne; tililaungilakka, perᴋolaungilakkalo, oᴋarvigilaungilakkalônêt; nalautaivigivâse takotitjumik mikseᴋârtôlungitomik, angakônermiglo, tukkeᴋangitomiglo, ômatimiglo uivêriklerninginik.

Jeremia 26:7

Ajoᴋertuijullo nalautaijullo inuillo ilûnatik tusarpât Jeremia oᴋautsinik makkoninga oᴋartoᴋ Nâlakab iglungane.

Jeremiab Ogguarutigijangit 1:9

Annorâne salumaitilaukpait; erᴋailungilarlo kinguniksaminik; taimaimat tatamnadlartomik oggotitauvok; manigoijuksaᴋangilarlo. Nâlegak, kapiasuktitaunera takosalauruk, ômisuktok angijorortingmat nangminerminik.

Jeremiab Ogguarutigijangit 2:14

Pivlutit nelautaijoᴋotitit takolaukput takotitjutit tukkeᴋangitut atutsangitullo pivlugit, nelonaijailungilalle idluitulinernik, utertitaujungnarᴋovlutit aularutijaunernit; nelonaijaivigivâtille takotitjutinik oᴋautsiniglo silainartunik ajaktortaujutigijarnik.

Jeremiab Ogguarutigijangit 4:13

Nelautaijungita idluituliningit ajoᴋertuijungitalo nâmangituliningit, kovisilauktut idluartut aunginik iglugasaksuit iluane, pivlugit taimailingavok.

Jeremiab Ogguarutigijangit 4:18

Tupjarpâtigut, arvertartailitipâtigullo apᴋosineâluptingne; nâniksavut ᴋanipok; uvluvut nâmavut; naggatiksavut tikisimangmat.

Hesekiel 13:10

Imaitoᴋ pivlugo, ila, imaitoᴋ pivlugo, inuᴋotikka tamartingmagit oᴋarlutik: Ulapirᴋsaumik, ulapirᴋsauteᴋartinago. Sorlo ᴋarmaliortoᴋarpat, ahâglo, nippitipât maggamut ᴋoajuitoᴋangitomut.

Hesekiel 13:6

Uivêrinartunik takovut, saglovlutiglo nelautaivut, oᴋarlutik: Nâlegaᴋ oᴋarpoᴋ; tilijaunatiglo Nâlekamut: inuillo okpertipait oᴋausingit nelautsititaulârmatta.

Hesekiel 22:14

Omatise sapingilârᴋât, aggaselônêt sangijolârᴋât uvlorme piniarvigijomârtamne ilipsingnîk? Uvanga Nâlegaujunga oᴋautigivara, taimailioromavungalo.

Hosea 4:9

Taimaimat sorlo inuit ilingalârmatta, taimaluatsiaᴋ ajoᴋertuijut ilingalârivut; ilusingit pivlugit pidlaromârpakka, akkiniaromârlugillo piniarningit pivlugit.

Hosea 6:10

Maᴋᴋojungnartomik takovunga Israêlib ᴋitorngangine; assiniarneᴋ naipitauvoᴋ tagvane Efraimeme, Israêle ivsornartitauvoᴋ.

Hosea 9:5

Kanoᴋ ilingalârᴋisê uvlorme katimaviojome kuksasungnartome, Nâlekablo nerrimârvingata uvlunganê?

Migga 2:11

Inuk saglojomik anernelik saglovlune oᴋarpat: Nalautaivigijomavagit vainemik imiksamiglo pitsartujomik; tâmna ilâ nalautaijôlârpoᴋ inungnut ukkununga.

Migga 2:6

Nalautaidlarase (oᴋarput): nalautaitsainarput. Nelautaijuksaungilat tâpkonunga; pasiklernerit sorairnialungilat.

Migga 3:11

Angajoᴋângit idluarsaivut pilitaujomavlutik, ajoᴋertuijungillo akkilertaujomavlutik, nalautaijungillo nalautaivut kênaujanut; sullele Nâlegaᴋ egangavigijomavât, oᴋarlutiglo: Nâlegaᴋ akunaptingnêlungilâᴋ? Idluitûb tikiniangilâtigut.

Sefania 3:4

Nelautaijoᴋotingit ᴋuksalaiput tunganailutiglo; ajoᴋertuijoᴋotingita ivsornaitovik sujukpât, perᴋojallo mumikpait.

Deuteronomy 32:20

Oᴋarporlo: Kênara ijertoromavara tâpkonangat, takolârpunga ᴋanoelingajomik naggateᴋarmangâta; kinguvângoᴋatigêngongmatta tunganaitut, ᴋitorngaujut okperneᴋangitut.

Deuteronomy 32:29

Attauk taima silatuneᴋarlit, ipaksilit tamattominga, naggatiksamingnik issumaksarsiorlit!