Jeremia 5:3 - Labrador Inuttitut Heritage Bible

³ Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Jeremia 5:3 Iomraidhean Croise

Genesis 19:34

Uvlângolermat, angajukleᴋ nukaminut oᴋarpoᴋ: Takuit, ikpaksaᴋ atâtaga tutilauᴋpara. Unnuaᴋ amma vainemik imertilaulavuk, igvit tagva aiviginiarpat tutiklugolo, kinguvâksarserᴋovlunuk atâtaptingnit.

I Atannit 13:33

Pijoᴋartuble tamattoma kingorngane Jerobeamib apᴋotigijane idluitok allârlungila, amale ajuᴋertuijungortitsivok inungnit erᴋanangitonerpângôjunit; nelliallo pijomajok ajuᴋertuijungortitauvok, iglunut poktôjunêtunut.

II Atannit 1:13

Tagva ama angajoᴋᴋait pingajuat 50 ginut, tilliva, 50 gillo ilagilugo. Tamna tikiname tâpsomunga takpaunga, Elia serᴋortorvigiva tuksiarvigilugolo, oᴋautilâlo: Igvit Gûdib anguteᴋotinga, inosera, 50 gillo tapᴋoa inosingit akitôlitijikpit sângangne.

II Kronika 16:9

Nalekab ijikita nunat illunaita tautungmattigik, pitsartutitsiᴋovlugo tapᴋoninga, omamut tamânut ungajunik tapsomunga. Sillaitomik pinniarlaukpotit; tamanna pivlugo mannamit unatadlartoᴋarniarpotit.

II Kronika 28:22

Tettijaunimelo nalliuningane, Ahase attannek idluitulliganerpok sulle Nalekamut;

Imgerut 51:6

Ahâk, mikseᴋârnek sagvangitomêtok ᴋuviagivat; illisimanermik ijersimajomik ᴋaujimatiparma.

Imgerut 51:8

Tussarᴋolaunga ᴋuviasungnermik erᴋiêrtornermiglo, saunit serᴋomilauktâttit ᴋuviasulermerᴋovlugit.

Imgerut 55:20

Aggatik illivait illanârijanginnut, angersimaningalo serᴋomipât.

Salomob Okâl 21:29

Gûdeᴋangitub iktoriktailune pijomajane kissiat pinniarutigiva; idluartuble apᴋotinga soᴋosijuiniarpok.

Salomob Okâl 22:12

Nâlekab ijikita ilitarksineᴋartut serngnigivait; nachojuble oᴋausingit mumiktipait.

Salomob Okâl 23:35

(Oᴋarpotit:) Issaᴋavânga, âniangitungale; annaulerpânga ikpigingilarale. Kakkugo tuppangniarᴋik ama taimailiormerᴋovlunga?

Salomob Okâl 27:22

Silaitok serᴋalitsivingme tôgarlugo Serᴋaligungnelonêt, serᴋalimajutitun erᴋovlugo, tagva sulle silainerminut ᴋemaktaunajangilak.

Jesaiase 26:11

Nâlegaᴋ, aggatit ᴋotsingmatta, takkungilait; takkojomârpulle illungertornernik inuᴋotitit pivlugit kangusuktitauvlutiglo; illa ikkomamut ômigijitit nungutaujomârput.

Jesaiase 42:25

Taimaimat ningautsine erᴋsinartoᴋsoaᴋ kovivâ taipkonunga unatadlarnersoarlo; avatâtigut ikkoalagalloarpuk, kissianele tamanna tukkisingilât, ikkitsigalloarpuk, kissianele tamanna õmamiutaringilât.

Jesaiase 48:4

Mangaidlarnit ᴋaujimagapko ᴋollêkiglo nukkeᴋartuk kikkiangojunik, ᴋaullo kannujaujoᴋ,

Jesaiase 9:13

Nunaᴋatigêlle sâgiatsengilat sugiartimingnut, ᴋilangmiugasaksuillo Nâlegangat ᴋennilungilât.

Jeremia 15:7

Nunablo iglugasaksoangita itertarviksoangine ipsortoromavakka ipsortûtimut, ᴋitorngaijarsimavakka, inuᴋotikka asserorsimavakka; utilungilat apᴋotigilauᴋtamingnit.

Jeremia 17:23

Tâpkoale nâlalaungilat, siutitiglônêt mannilaungilait, ᴋongasetigle ᴋeratatipait, tusaromanginamik ajoᴋertortaujomanginamiglo.

Jeremia 19:15

Imâk oᴋarpoᴋ Nâlagaᴋ Zebaot, Israêlib Gudinga: Ahâk, iglugasaksoarnut ukkununga iglugasaksoanullo tamainut tikiutjijomavunga idluinernik tamainik oᴋautigisimajamnik tâpkonunga; ᴋongasetik ᴋeratatilaungmagit oᴋausikka tusaromanagit.

Jeremia 2:30

Sulingitomik ᴋitorngase annausimavakka, nâlalaungilat sugiarnimnik; saviksoaᴋotise nungutsisimavut nalautaijoᴋotipsingnik, loevetut asseroijotut.

Jeremia 3:3

Tamanna pivlugo silaluk operngâme noᴋᴋarᴋojauvoᴋ, silaluglo kingorliojoᴋ tikiᴋojaungilaᴋ; igville ᴋauᴋarpotit assiniarpaktûb ᴋaungatut, kangusugungnangilatillo.

Jeremia 32:19

Angijôvotit atanertuinerme, pitsartudlarlutillo piniarnerme; ijîkik uitavuk inuit ᴋitorngangita apᴋotinginut tamainut, tamaita tunitjivigijomavlugit apᴋotingit maliklugit, piniarningitalo kinguniksangit maliklugit;

Jeremia 35:13

Imâk oᴋarpoᴋ Nâlagaᴋ Zebaot, Israêlib Gudinga: Ailerit, Judablo inungit Jerusalemiullo oᴋautikit, Ajoᴋertutsinik ilalioromangilasê oᴋausikka nâlagomavlugît? oᴋarpoᴋ Nâlagaᴋ.

Jeremia 44:10

Nikanarsâlungilat uvlome tikidlugo aglât, sivôrangilallônêt, arvertalungilallônêt maligaksauᴋojamne perᴋojamnelônêt pititamne sâpsingnut atâtapselo sânginut.

Jeremia 7:26

Tusaromalaungilângale, mannijilaungilallo siutimingnik, tatitojoᴋsôvulle; sugaluluartulivut atâtagijamingnit.

Jeremia 7:28

Oᴋautijaksarivatillo: Tagga tamadja inôᴋatigêksuit nâlalungitut Nâlakab Gudingata nippinganik, ajoᴋertortaujomangitullo; nalâgôrneᴋ asserorsimavoᴋ kipijauvorlo ᴋaninginit.

Jeremia 8:5

Suna pivlugole inugasaᴋsuit ukkua Jerusalemiut kingumut sittorsimavât kingupiartornermut soraijungnangitomût? Tammarsimatsainaromavut, uteromangilallo.

Hesekiel 2:4

Kitorngarêllo tiliklervigijakka ilingnik, kênaᴋarput sittijunik, ômateᴋarpullo mangaidlartunik, oᴋautijaksarivatillo: Imâk oᴋarpoᴋ Nâlegaᴋ Nâlegaujoᴋ.

Hesekiel 24:13

Ivsornarnît kangunartulinermik ilaᴋarpoᴋ; epᴋêjalauraloarapkit epᴋêjartaujomanginavillo epᴋêjartaujungnailârpotit salumainernit kingorngane, nâmaksititsiᴋârtinanga ningaumajârnimnik ilingnik.

Daniel 9:13

Sorlo aglaᴋsimangmat Mosesib piᴋojangini, idluinirub tamattoma angijoᴋsûb tikipâtigut; sullili Nâlegapta Gudipta saimaninga ᴋinuarilungilavut, sâgiaromavluta idluituliniptingnit, miksiᴋârnilo tukkisijomavlugo.

Leviticus 26:23

Tamakkonungalo sâtitaungikupse uvamnut, akkerartorlungale arvertarupse sulle;

Amos 4:10

Nûsilingnartok tililaukpara akunapsingnut, sorlo Egipteneme pilaungmat; inôsuktose angutit toᴋolaukpakka saviksoarmut, horsiselo aularutidlarlugit; tangmârvipselo tippeâlua ᴋongmuartipara ᴋingapsingnut; sullele utilungilase uvamnut, oᴋarpok Nâlegak.

Amos 4:11

Akunapsingne oggotitsivunga, sorlo taipsomane Gudib Sodom Gomorralo oggotingmagit, ilipselo ilingavose sorlo aumatut ikomamit pêjartaumajotut; sullele utilungilase uvamnut, oᴋarpok Nâlegak.

Amos 4:6

Tunitjivigivapselo kigutinik kupᴋealungitunik iglugasaksoapsingne tamaine, ajoksarnermiglo nerᴋiksanik inigijapsingne tamaine: sullele utilungilase uvamnut, oᴋarpok Nâlegak.

Amos 4:8

Taimaimat nunaᴋartut iglugasaksoarne magguine pingasuinelônêt ingerarput iglugasaksoarnut atautsinut imeromavlutik, nâmaksiniaratigle: sullele utilungilat uvamnut, oᴋarpok Nâlegak.

Amos 4:9

Annauvapse panermut sapᴋarmullo; perorsêvipse vaineliksatalit napârtupselo paungatannalit orᴋsulillo unurningit ᴋopergunut sujuktauvut: sullele utilungilase uvamnut, oᴋarpok Nâlegak.

Sefania 3:7

Oᴋarpunga: Âhamarik, erᴋsiginiarpalukparma, inertertauniarpalukpotit; ininga piniarvioᴋonago kajusijutigilauktamnik tâmna pivlugo: uvlârolaukpulle asserornartulijomavlutik.

Rômiunut 2:2

Gûdible erᴋartuininga taimailiortunik idluarmat ᴋaujimavogut.

Ebrêerinut 12:9

Atâtagijavut timiptigut sugiartigilauraptigik ileragilugillo, tagva piluartomik tarnib atâtanga nâlegaksaringilavût, inôᴋovlutâ?