Jeremia 5:24 - Labrador Inuttitut Heritage Bible

²⁴ Oᴋangilallônêt ômatimingne: Sivôragilaulavut Nâlagaᴋ Gudivut, tunidjijoᴋ silalungmik sivorliojomik kingorliojomiglo, naliunîgingne; ᴋomiojorlo uvaptingnut vôgenik katersivingmut ilingatitaujunik.

Jeremia 5:24 Iomraidhean Croise

Genesis 8:22

Kingorngagut nunaᴋsûb uvlungit nâvlugit karngasuiviksaᴋ kattersuiviksarlo, itje kiaglo, aujaᴋ okiorlo, uvloᴋ unnuarlo sorairniatsangilat.

I Atannit 17:1

Elialo Tisbitemiok Gileademiut illangat oᴋarpok Ahabemut: Sorlo mikseᴋârtomik Nâlegak Israelitit Gûdingat, sângiartara inôngmat, jârine tamakkonane mitsungniangilarlonêt, sillalungniangilarlonêt, kisiane uvanga oᴋaruma.

Hiobe 29:23

Utakᴋilaukpânga sillaluktut, ᴋannitiglo aitalaukpait (kêmitingnermut) sillalungmut unuksiumut sôrlo.

Hiobe 38:37

“Kina taimâk ilisimatigijôva nuvujat kittitsungnarlugit? Kia ᴋilaub immiᴋautingit kovivagît?

Hiobe 5:10

Sillalungmik tunnijijok nunamut, imermiglo tilliklertok perorsêvingnut;

Imgerut 147:8

ᴋillangmik ulliksijok nuvujanut, sillalungmiglo âᴋiksoijok nunamut; iviksukannik perorsatitsijok ᴋakᴋane.

Imgerut 65:9

Nuna nallipsarpat, imeᴋartilugolo, akluitidlarlugolo. Gûdib puailaviârsunga imeᴋarpok nâmamariktomik. Tâpkoa ᴋaᴋᴋôjaksaᴋotingit perutsiaᴋovâttit, tâmna nunna taimak âᴋiᴋsolauᴋârungne.

Jesaiase 64:7

Attit taivlugo tuksiartoᴋalungilaᴋ pinasuartomiglõnêt tigujomavlutit, kênat ijerangne uvaptingnut, pitilluta idluinipta pitsartuningannut.

Jeremia 10:13

Nippine tusartautikpago imeᴋavaksoadlarpoᴋ ᴋilaub ikkiangane, pujorarlo ᴋongmuartipâ nunab issunginit; ᴋaumalaliorpoᴋ silalungme, anorelo anitipâ ᴋematulivingminit.

Jeremia 14:22

Nalojut gudingoaᴋotingita akorngane silaluktitisjungnartoᴋarᴋa? Kilaillônêt tunidjijungnarᴋât suarutanîk? Tâmnaungilatît, Nâlagaᴋ Gudivût? Taimaimat tatigijomavaptigit tamakkoa tamaita pingortinangne.

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 3:3

Tamanna pivlugo silaluk operngâme noᴋᴋarᴋojauvoᴋ, silaluglo kingorliojoᴋ tikiᴋojaungilaᴋ; igville ᴋauᴋarpotit assiniarpaktûb ᴋaungatut, kangusugungnangilatillo.

Jeremia 5:22

Sivôragilungilapsingâ? Nâlagaᴋ oᴋarpoᴋ; sajugomangilasê sâmne, ilijilauᴋtunga siorᴋanik imarbiub kiglilervigijaksarijangane perᴋojamut soᴋosijuitomut ᴋângiutijungnarᴋonago tapsomingâ? Maliksoangillo aksapâkaloaleraloarpattalônêt suliniangilat; iktulijaraloarpattalônêt ᴋângiutilugo ajulerput.

Jeremia 50:5

Zione aperᴋutigijomârpât, kênatik tagvunga sângavlugit, oᴋarlutik: Kaigitse, Nâlakamut ilagêngneᴋaleritse angeᴋatigêngnerme soᴋosijuitome puigortauniatsangitome.

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Hosea 6:1

Kaileritse, Nâlekamut utilerta; tâpsoma aliktulauᴋpâtigut, tâpsomalo inûlilârpâtigut; tâpsoma annaulauᴋpâtigut, tâpsomalo mangipsertulârpâtigut.

Joel 2:23

Taimaimat ᴋuviasudlaritse, ilipse Zionib ᴋitorngangit, serigitselo Nâlekame Gudipsingne; tâpsoma tunitjivigingmase silalungmik sivorliojomik nâmaktomik, pivluse silaluk kovivâ, silaluk sivorleᴋ silaluglo kingorleᴋ, taᴋᴋerme sivorlerpaujome.

Amos 4:7

Taimaktauk silaluk tikitailitipara ilipsingnut, takᴋeᴋaraloartilugo pingasunik sulle katersoivik tikidlugo: silaluᴋartitsilaukpunga iglugasaksuit ilanginut, silaluᴋartailititsilungalo iglugasaksuit assinginut; ingmiᴋôrtartut ilangat silaluktauvok, silaluktaujorlo panertailivok.

Saggaria 10:1

Nalegak silalungmik ᴋenuvigisiuk silalûb kingorliojûb naliuningane, ilâ, Nâlegak ᴋaumalaliortok; tâpsomalo silalungmik nâmaktomik tunitjivigilârpait, iviksukaniglo naternarme ilûnainut.

Mattêuse 5:45

ᴋitorngaulerᴋovluse Atâtapsingnut ᴋilangmêtomut. Tâpsoma seᴋinine nuerᴋongmago ajortunullo ajungitunullo, silaloᴋojilarmelo idluartunullo idluangitunullo.

Apostelit Piniarningit 14:17

Taimaigalloarmat, ingminik nalonartilaungilak, unuktunik ajungitulivigigamitigut: silaloᴋojivlune ᴋilangmit, perorsiallo perorᴋovlugit, tunitjivigivlutalo nerᴋiksaptingnik, ᴋuviasungnermiglo ômatiptingne.

Deuteronomy 28:12

Nâlekab ilingnut makperomârpâ ᴋematuliviᴋotine ajungitok, ᴋilak, nunavît silaluksanga tunijomavlugo neliuningane; attartortitsilârpotillo inôᴋatigêksoarnut unuktunut, attarsilulângilatille.

Jâkobusib 5:7

Tamanna pivlugo ᴋatangutikka, ᴋenuersâritse, Nâlegak tikitsiarilugo. Ahâk perorsêvilerijub perorsiat pivianartut nunamit nerriugivait, ᴋenuersârlunelo, silalutjautsiarivait uvlâkullo, unnukullo.

Takotitaunermik 11:6

Tâpkoa pitsartuneᴋarpuk ᴋilak parngnanairlugo silaloᴋonago uvlune nelautaivigijamingne, pitsartuneᴋarpuglo imek aungolertidlugo, nunalo pidlarlugo kappianartunut sunatuinarnut, pijomajarangamik.