Jeremia 5:22 - Labrador Inuttitut Heritage Bible

²² Sivôragilungilapsingâ? Nâlagaᴋ oᴋarpoᴋ; sajugomangilasê sâmne, ilijilauᴋtunga siorᴋanik imarbiub kiglilervigijaksarijangane perᴋojamut soᴋosijuitomut ᴋângiutijungnarᴋonago tapsomingâ? Maliksoangillo aksapâkaloaleraloarpattalônêt suliniangilat; iktulijaraloarpattalônêt ᴋângiutilugo ajulerput.

Jeremia 5:22 Iomraidhean Croise

Genesis 1:9

Gudelo oᴋarpoᴋ: Imaᴋsuit ᴋilaub atânêtut atautsemut katersorlit, ipterilingajoᴋ takuksaurᴋovlugo. Taimailerporlo.

I Atannit 13:28

Aularpok tagvunga, nachvarpâlo timinga toᴋungajok, egisimajok apᴋosinermut, siuteᴋoktojorlo Loewelo timib toᴋungajub sanianetillugik. Loewe nerrilaungimarikpok timemit toᴋungajomit, siuteᴋoktojorlo alliktorlaungila.

Hiobe 26:10

Imaksuit avatâne kiglilerveᴋartitsilaukpok, ᴋaumajub târniublo nâningak tikkidlugo.

Hiobe 37:24

“Tamanna pivlugo inuit sivôragijariaᴋarpât; tâpsomalo atauserlonêt sivôragingilâ, sillatudlaralloarpallonêt.”

Hiobe 38:8

“Kia imarbik upkoanut pallangairutilauᴋaûk, annilauktillugo anânab timinganit sôrlo?

Imgerut 104:9

Igvit kiglilerveᴋartitsilaukpotit, tâpsoma ᴋângagut pingilat; amalo nunna ulligaksaringilât.

Imgerut 119:120

Erksigapkit ᴋêungomivunga idluarijatillo kakkilârutigivakka.

Imgerut 33:7

Immarbiub imaksoangit kattersorpait attautsemut sorlo, pivianartotaliᴋotiminut malliksuit pitipait.

Imgerut 46:3

Imaksoangit iktulligalloarpatta, auladlaralloarpattalo, aulajadlarninganullo ᴋaᴋᴋet sajukpiluktitaugalloarpattalo, Sêla.

Imgerut 99:1

Nalegak attanniôvok, tamanna pivlugo innuᴋattigêksuit sajukput; iksivavok Kêrubit ᴋângine, tamanna pivlugo sillaksoak aulavok.

Salomob Okâl 8:29

Imarbiksoak kiglilerveᴋartingmago, imersuillo, tappakonagit perᴋojanginik; nunaksûb tungaviksanganik illijitillugo:

Jesaiase 50:2

Sôᴋ inuᴋangilâᴋ, tikkinama? sôᴋ kiojoᴋangilâᴋ, nippeᴋarama? Aggakka piuliklernermut nailuarᴋât? ubvalo pitsartuneᴋarungnairᴋêk ᴋellujinermut? Ahâk, imarbik suangalerapko, imaerutilerpoᴋ, kôksuillo ipteriliktipakka, mingeriangit imeᴋangimut tippeluktillugit imerungnermullo toᴋolugit.

Jesaiase 64:2

Sôrlo ikkomab ᴋessertutit ikkingmagit, sôrlolo ikkomab imeᴋ tertiktingmago; attit nallonarungnairtitaurᴋovlugo ômigijingnut, nallojullo sajuktitaurᴋovlogit kênavit sângane,

Jesaiase 66:5

Nâlekab oᴋausinginik tussaleritse, illipse, tâpsoma oᴋausinginik sivorajose: Kattangutise illipsingnik ômisuktut, avitsijut illipsingnik attera pivlugo oᴋaralloarput: Nâlegaᴋ nertornarsile, ᴋuviasungnipsingnik takonârᴋovluta, — tâpkoale kangusuktitaujomârput.

Jeremia 10:7

Kia erᴋsiginajangilâtît, inôᴋatigêksuit ataningât? Igvit nâlaktaujuksauvotit; tagva inôᴋatigêksuit ilisimajungita akorngane, ataniovinginalo tamaine, iliktun-itoᴋangilaᴋ.

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 31:35

Imâk oᴋarpoᴋ Nâlagaᴋ, seᴋinermik tunitjijoᴋ ᴋaumautiksauᴋovlugo uvlormut, âᴋiksoijorlo taᴋᴋermiglo uvloritjaniglo ᴋaumautiksauᴋovlugit unnuarmut, aulatitsijoᴋ imarbingmik malliksoangit iktulijâdlarᴋovlugit; atteᴋartoᴋ Nâlakamik Zebaotemik:

Daniel 6:26

Piᴋojivunga ataniovingma nunangini tamaini inuit sajuktuksaungmatta sivôralutiglo Danielib Gudingata sângani; tâmna Gudeongmat ômajoᴋ, itsainartoᴋ issoᴋangitomut, ataniovingalo assirojuitôvoᴋ, nâligauningalo naggatiᴋarniatsangilaᴋ;

Amos 4:12

Tamanna pivlugo taimailioromârpagit, Israêle: taimailioromârapkillo, opalungaijarit Gudît pagrearomavlugo, Israêle.

Amos 9:6

Tâmnauvok ingminut iniksarsoaliortok ᴋilangme, katigoliunganinelo tungatipâ nunamut; imarbiub imangit ᴋaiᴋovait kovilugillo nunab ᴋânganut; Nâlekamik ateᴋarpok.

Jona 1:16

Angutillo tâpkoa Nâlegaᴋ angijomik sivôragivât; Nâlegarlo tunerguservigivât, angermarivigivâllo.

Nahum 1:4

Imarbik suakpâ panertilugolo, kôllo ilûnaita ipteriliktipait; Basan Karmelelo ᴋunolerpuk, nuvugulâllo Libanoneme ᴋunolerput.

Mattêuse 10:28

Erᴋsiginiarasigiglo timinik toᴋotsijut, tarninigle toᴋotsijungnangitut. Anginersamigle taimna erᴋsigisiuk, timiniglo tarniniglo asserortitsijungnartok ânianartovingme.

Markuse 4:39

Makidlunelo anore inerterpâ imarlo oᴋautivâ: Nipangerit nipalârungnairlutillo. Anoreᴋarungnairpoᴋ tâva, ikublialidlalarmelo.

Lukase 12:5

Sivôragijaksapsingnigle oᴋautijomavapse: Tâmna erᴋsigisiuk, toᴋotsijarêrune, pitsartuneᴋarmijok egitsinermik ânianartovingmut. Ilâ oᴋaupapse, tâmna erᴋsigisiuk.

Deuteronomy 28:58

Kamatsiaromangikuvit perᴋojat tamakkoa oᴋausertangit tamaita aglangne makkonane aglaksimajut piniaromavlugit, ilerasuᴋovlutit attermik ominga ânanaudlartomik ileranartomiglo, NALEKAMIK GÛDINGNIK.

Takotitaunermik 15:4

Kia kuksasugviginajangilâtît, Nâlegak, attît nakorivlugô? Kissivît hailigeojotôgavit. Nelojut ilûnatik tuksiariartorviginiarmatit, akkiniarnitit nelonairsimangmatta.