Jeremia 5:15 - Labrador Inuttitut Heritage Bible

¹⁵ Ahâk, Ilipse Israêlib ᴋitorngangit, ilipsingnut tikiutjijomavunga inôᴋatigêksoarnik ungasidlartomit, inôᴋatigêksoarnik sôngojoᴋsoarnik, inôᴋatigêksoarnik itsarsoarnit inôᴋatigêngolauᴋtunik, inôᴋatigêksoarnik oᴋauseᴋartunik ᴋaujimangitarnik, tukkisijungnangitarniglônêt ᴋanoᴋ oᴋarmangâta.

Jeremia 5:15 Iomraidhean Croise

Genesis 11:7

Attê, aᴋᴋalauᴋta kanunga, oᴋausingit adsigêgungnairtilugit, aipâ aipame oᴋausinginik tukkisijungnairᴋovlugo.

Imgerut 81:5

Taimaitomik pititsilaukpok Josefekut akkorngannut kigligiudsinermut, aulalaurame Egiptenib nunanga akkerartorlugo, oᴋautsinik tussarngârtanik tussalauktilluta.

Jesaiase 28:11

Illa kutarᴋôrtub oᴋausinginik oᴋamiglo assianik (attorlune) nunaᴋatigêt tâpkoa oᴋarvigijomârpait oᴋaudjaujut imâk:

Jesaiase 29:3

Akkerartorlutit tangmâromârpunga avatingne, illumajaurᴋojomârpagit sorsuktuksanut tallutsoalioromârlungalo illingnut.

Jesaiase 29:6

Kilangmiugasaksuit Nâlegangata (Jerusaleme) tikkitsomârpâ kallidlartillugo, nuna sajukpiluktillugo, serᴋorpaluktillugo, anorersoaᴋartillugo aᴋᴋunaᴋsoamiglo ikkomaᴋsoamiglo nungutsijomik.

Jesaiase 33:19

Nunaᴋatigêksuit iktôriktaitut takkojungnairomârpattit, oᴋauseᴋartut nallonartunik, ajornartunik, kutaktutitut oᴋauseᴋartut tukkisinangitunik.

Jesaiase 39:3

Tagva nallautaijub Jesaiasib attaneᴋ Hiskia tikkipâ oᴋautivlugolo: Kanoᴋ oᴋarᴋât angutit taipkoa, nakillo tikkipâtît? Hiskia oᴋarpoᴋ: Nunamit ungasiktomit tikkipânga, Bâbelemit.

Jesaiase 5:26

Saimaseromârpoᴋ kattilerutiksaujomik nallojunut ungasiktomẽtunut, taipkoalo ᴋairᴋojomârpait nunaᴋsûb kiglinganit. Ahâglo, tuavidlarlutik akpangeromârput ômunga.

Jesaiase 5:7

Imaiporle: Kilangmiugasaksuit Nâlegangata perorsêvia vaineliksatalik tagva Israêlikkut, Jûdablo angutingit tagva illijivigijanga (perortuksanik) ᴋuviagijanga. Idluartullinermik nerriugame, aksorûtjineᴋ takkovâ; idluarnermik nerriugame, ogguarneᴋ tussarpâ.

Jeremia 1:15

Ahâk, erᴋârdlerêt ilûnaita ataniovingnit avanêtunit ᴋaiᴋojomârpakka, Nâlagaᴋ oᴋarpoᴋ, tikituksauvullo, ilûnatiglo atunit âᴋiksoijuksauvut iksivautamingnik Jerusalemib itertarvingita sivurâne, avaluᴋsoangitalo ilumajingita ilûnatik sivurâne.

Jeremia 2:26

Sorlo tigliktoᴋ kangusungmat nagvârtaugame, taimak Israêlib ᴋitorngangit kangusudlarivut; tâpkoa ataningillo, aulatsijingillo, ajoᴋertuijingillo, nalautaijingillo;

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 4:16

Inôᴋatigêksuit unipkautisigik; oᴋâladlaritse Jerusalemut, kamajut maungalermatta nunamit ungasiktomit nippitik tusartautitsomavlugit Judab iglugasaksoanginut.

Jeremia 5:11

Israêlib ᴋitorngangit Judablo ᴋitorngangit nalangaidlartomik piniarvigilaungmanga, Nâlagaᴋ oᴋarpoᴋ.

Jeremia 6:22

Imâk Nâlagaᴋ oᴋarpoᴋ: Ahâk, inugiartoᴋsoarnik tikitoᴋaromârpoᴋ nunamit taggardlermit, inôᴋatigêksuillo allakâromârput nunamit ungasingnerpângojomit.

Jeremia 9:26

Egipten, Judalo, Edomelo, Ammoniblo ᴋitorngangit, Moabelo, ilûnaitalo salimajunik nujalit ulloangmingne, sunaᴋajuitome nunaᴋarpaktut; inôᴋatigêksuit ilûnatik kipimangitôngmatta, Israêliblo ᴋitorngangit ilûnatik kipimangitongmatta ômatimikkut.

Hesekiel 18:31

Tapanise tamaita tapanerimajase iperarsigik, ômatetâritselo anernetârluselo: sôᴋ toᴋojomavisê, ilipse Israêlib ᴋitorngangît?

Daniel 1:4

Inôsuktunik ᴋanoingitsiartunik takominartuniglo, issumagiktunik, ilisimajuniglo, silatojuniglo, poᴋituniglo, ilusitsiariktuniglo sapilungitunik kivgartornimik ataniub iglungani; ajoᴋitoraksaringmagillo Kaldêarit aglanginik oᴋausinginiglo.

Daniel 7:7

Mattoma kingorngani takotitjunik takovunga unnuarmi, ahâglo, ômajut sitamangat, takominaidlartoᴋ iᴋsinadlarlarmelo, sangijoᴋsôdlarlarmilo; kigutiâluᴋarpoᴋ kikiangnik: nirridlarpoᴋ siᴋalitsilunilo, amiakôjullo tullirajârpait itikaminut; ômajullo sivorlini adsigilungimarikpait; nakjuᴋarporlo 10nik.

Amos 6:14

Ahâk, inôᴋatigêksuit makititsomârpakka ilipsingnut, ilipse Israêlib ᴋitorngangit, oᴋarpok Nâlegak, Gûde Zebaot; tâpkoalo kapiasuktitsomârpâse Hamatib miksânit kôk Araba tikidlugo.

Habakûb 3:16

Tusarapko iluga aulavoᴋ, ᴋangasinâka sajukpûk nipe pivlugo; auneᴋ iterpoᴋ saunimnut, sajudlarpungalo inimne; merngoêrserviksarsilangatôᴋ uvlorme kapianartovingme, katingajoᴋsôvlutik opagiartortut majorarpatta inuit sorᴋsugomavlugit.

I Korintemiunut 14:21

Perᴋojane aglaksimavok: Inungnut ukkununga oᴋâlajomavunga oᴋautsinut tussarngartanut, takorngartallo ᴋaninginut; taimailioralloarumale, nâlengniangilânga.

Deuteronomy 28:33

Nunavît paungangit, senajatillo tamaita inôᴋatigêksuit ilitaringitavît nungulârpait; oᴋumaiksartitautsainalârpotillo, semiktautsainarlutillo;

Deuteronomy 28:49

Nâlekab inôᴋatigêksuit tikiutilârpait ilingnut ungasidlartomit, nunab issuanit, sorlo nektoralik tingimat; inôᴋatigêksuit nelojarnik oᴋauselit;