Jeremia 49:7 - Labrador Inuttitut Heritage Bible

⁷ Edome pivlugo. Imâk oᴋarpoᴋ Nâlagaᴋ Zebaot: Têmaneme ilisimaneᴋarungnaiᴋâ? silatujut silatunêrutivât? ilisimaningat nipaᴋsimavâ?

Jeremia 49:7 Iomraidhean Croise

Genesis 25:30

Jakomullo oᴋarpoᴋ: Aupalluktaᴋ nerrilaulago-ai? manna aupalluktaᴋ, merngortudlarama. Taimaimat Edomemik taijaugivoᴋ.

Genesis 27:41

Esauiblo Jako omigilerpâ saimanartoᴋ pivlugo, atâtangata illijanga taipsomunga; ômatimigullo oᴋarpoᴋ: Nelliutisarainiarpoᴋ oguarviksaᴋ atâtaga pivlugo, nukara Jako toᴋotsomavara tagva.

Genesis 32:3

Jakole sivunermigut kivgartortuksanik tillikliutjivoᴋ Esauemut angajuminut, Seirib nunanganut, Edomib naternanganut.

Genesis 36:11

Elifasib erningit tagva: Teman, Omar, Sefo, Gaetam, Kenase.

Genesis 36:15

Tamadja Esauib kinguvângita angajoᴋângit, Elifasib Esauemut erniangorᴋârtub erningit: angajoᴋâᴋ Teman, angajoᴋâᴋ Omar, angajoᴋâᴋ Sefo, angajoᴋâᴋ Kenase,

Genesis 36:34

Joba toᴋungmat kingorngagut Husa attaniovoᴋ, Temaniterit nunanganit pijoᴋ.

Genesis 36:8

Taimak Esaue Seirib ᴋaᴋᴋangine nunaᴋalerpoᴋ. Esaue tagva Edome.

I Kronika 1:53

Angajoᴋâk Kenas, angajoᴋâk Teman, angajoᴋâk Mibzar,

Hiobe 2:11

Hiobible ilannârijangit pingasut tusaramik ᴋanoêtunnik tamainik tikkitautigijanginik, tikkiput, attunnit nunagijamingnit, Elifas Têmanemit, Bildad Suamit, Zofar Naêmamit. Isumaᴋattigêlauramik tikkitsomavlutik oggurilugo mannigorlugolo.

Hiobe 4:1

Tagva Elifas Têmanemiok kiovok oᴋarlunelo.

Imgerut 137:7

Nâlegak Edomiut ᴋittorngangit erᴋaivigikit Jerusalemib uvlunganik, oᴋartut: Pêrmariklît, pêrmariklît, nungumarerᴋovlugit!

Jesaiase 21:11

Tamadja oᴋauseᴋ inerterijutiksaᴋ Dûmamut. — Seiremiut nipliavigivânga: Pigârte, unnuaᴋ ᴋanoelerᴋâ? Pigârte, unnuaᴋ ᴋanoelerᴋâ?

Jesaiase 29:14

Tamanna pivlugo mãnamit nunaᴋatigêt tâpkoa tattamnartomik piniarvigijomârpakka, illa tattamnartomik; sillatujoᴋotingita sillatuningat assiojomârpoᴋ, illisimajoᴋotingitalo illisimaningat saᴋᴋerungnairomârpoᴋ.

Jeremia 12:14

Imâk Nâlakab avalikka idluitut ilûnaita, aktuijut kingormgutijamik kingormgutijautilauᴋtamnik inuᴋotimnut Israêlikunut, oᴋautigivait: Ahâk, nussugomavakka nunamingnit, Judablo ᴋitorngangit nussugomavakka tâpkoa akornganit.

Jeremia 18:18

Tapkoale oᴋarput: Attê, ᴋaileritse, issumaksarsioᴋatigêkta Jeremia pitjutigilugo; perᴋojat pijungnainiangimatta ajoᴋertuijomit, atanertuinerlônêt ilisimajomit, oᴋauserlônêt nalautaijomit. Kaileritse, oᴋarnerlutigilavut oᴋaptingnut, kamaniaratalo oᴋausingita nalianiglônêt.

Jeremia 25:21

Edom, Moabelo, Ammoniblo ᴋitorngangit;

Jeremia 25:23

Dedan, Temalo, Buselo, tamaitalo umingita issunginik kipisisimajut;

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 49:20

Taimaimat tusaritse Nâlakab atanertuinerijanganik, Edome pivlugo atanertuinerijanganik, kajusimanerijanganiglo Tîmanemiut pivlugit; sauᴋat mikiningita uniaromârpait, tâpsoma naternangit tataminiartitsomârpait tâpkoninga.

Jeremia 8:9

Ilisimajut kangusudlartuksauvut, ᴋoaᴋsârtuksauvut, parngnanairsortaujuksauvullo; ahâk, Nâlakab oᴋausingit naggogivait; ᴋanoelingajomiglo ilisimaneᴋarᴋâ tâpkonanê?

Jeremiab Ogguarutigijangit 4:21

Erᴋiertorit ᴋuviasudlarlutillo, igvit Edomib paninga, nunaᴋartotit nuname Uzeme; ᴋajûtak ilingnuttauk pijomârpok; tallalârpotit, ussingatilârpotillo nangminernik.

Hesekiel 32:29

Tagvanêpoᴋ Edome, ataningillo angajoᴋâᴋsoangillo ilûnatik, pitsartudlalauraloarmatta nelangatitauvut saviksoarmut toᴋotaumajut akornganut; nelajuksauvullo kipimangitut akorngane, tâpkoalo itersâlungmut atersârtut akorngane.

Daniel 11:41

Nunamullo alianartomut itâromârpoᴋ, unuktullo oggotitaujomârput; ukkuali piulijaujomârput tâpsoma agganginit: Edomekut, Moabekullo, Ammoniblo ᴋitorngangita iᴋanartungit.

Joel 3:19

Egipten asserornerlukungoromârpoᴋ, Edomelo sunaᴋajuitungoromârpoᴋ asserorsimanelik, idluitulineᴋ piniarutaujoᴋ Jûdab ᴋitornganginut pivlugo, auk passijaksaungitoᴋ kovilaungmatsuk nunangane.

Habakûb 3:3

Gûde tikipoᴋ Têmanemit, ivsornaitorlo Pâranib ᴋaᴋanganit. (Sela.) Ânanauningata ᴋilait ulikpait, nunalo nâmavoᴋ nertornautinganik.

Deuteronomy 23:7

Edomekut maᴋojugijaksaringilatit, ᴋatangutigigangne; Egiptenemiut maᴋojugijaksaringilatit, takorngartaulauravit nunangane.