Jeremia 49:4 - Labrador Inuttitut Heritage Bible

⁴ Sôᴋ naᴋsatit piojorijutigivigît, naᴋsatit takoranidlartut, paniojotit kingorpiosartotît? tateᴋartotit perᴋutevaksoanik, oᴋarlutit: Kia tikiniarpângâ?

Jeremia 49:4 Iomraidhean Croise

Imgerut 49:6

Perᴋutimingnik sungertuteᴋartut, akluinermingniglo pimariuterutiksaᴋârtut.

Imgerut 52:7

Ahâk takka angut Gûdemik sappulutaᴋalaungitok; akluinermigle Tattekalauktok, sôngolaukporlo kassênermine.

Imgerut 62:10

Aksorornermut aksârnigaujut sungertutiginiarassigik, tattekaraselo ivartaujunik. Akluinermik tunnitsiviogupse, ômattise ungaᴋoniarassigik tamattominga.

Salomob Okâl 10:15

Akluitub perᴋutine iglugasaksoaᴋotigivait songojunik; aklujulle aklunermut iktôrtitauvut.

Jeremia 21:13

Ahâk, akkerartorpapse, naᴋsamiojose, naternaublo ᴋairtunganêtose, oᴋarpoᴋ Nâlagaᴋ; oᴋartose: Kina atersârungnarᴋâ uvaptingnût? Kinalônêt itârungnarᴋâ igluptingnût?

Jeremia 3:14

Uteritsetôᴋ, ᴋitorngaujose kingupiartorsimajose, Nâlagaᴋ oᴋarpoᴋ, aipaujomagama ilipsingnut; katersoromagapse, atauseᴋ iglugasaksoarnit, magguglo ᴋitorngarênit, tikiutitsomavapselo Zionemut:

Jeremia 31:22

Kanoᴋ sivitutigijomik utitaromavêt, panik kingopiosartotît? Nâlagaᴋ nutâmik pingortitsivoᴋ nuname; arnab angut iluvâ.

Jeremia 48:7

Suliarijatit pivianartoᴋutigijatillo sungertutigilaurangne, igvittauᴋ tigijauᴋataujomârpotit; Kêmoselo (gudingoaᴋ) aularutijaujomârpoᴋ, ajoᴋertuijungit angajoᴋângillo ilagilugit.

Jeremia 49:16

Erᴋsinarnît issumagilugo, ômativit piojoriningata uivêrisimavâtit, igvit ineᴋartotit imnat ᴋongnângine, ᴋaᴋᴋallo poᴋtoningine nunaᴋartotit; ublolioraloaruvit nektoraliktut poᴋtojome, kataktitsomavagit takpikangat, oᴋarpoᴋ Nâlagaᴋ.

Jeremia 7:24

Nâlalaungilalle, siutimingniglônêt mannijilaungilat, arvertalauᴋpulle issumamingnik ômatimiglo idluitut ᴋepêserningat maliklugo, kingupiartorpullo sivumuarlugatik.

Jeremia 9:23

Imâk Nâlagaᴋ oᴋarpoᴋ: Ilisimajoᴋ nertôtiniarane ilisimanerminik, pitsartujoᴋ nertôtiniarane pitsartunerminik, akluitoᴋ nertôtiniarane akluinerminik;

Hosea 4:16

Israêle ᴋepêsermat, tuktuvâraᴋtut ᴋepêsertotut; mânale Nâlekab nerripkaromavait saugârsutut naternarsoarme.

I Timôteusemut 6:17

Akluitut silaksoarme tamattomane oᴋautikit pimariuterᴋonagit, perᴋutimingniglônêt ᴋolarnartunik tatteᴋarᴋonagit, Gûdemigle ômajomik; tâpsoma tamainik angijomik tunitsivigingmatigut atoraksaptingnik;

Takotitaunermik 18:7

Ingminik nertornartiningata ikligudlarningatalo anginingatut, taimâk angitigijomik imertiniarsiuk kappianartomik kiksanartomiglo. Omamigut oᴋarmat: Iksivalorikpunga, ataniub nuliarivânga, uigarnioniangilanga, takoniarnangalo kiksanartomik.