Jeremia 49:16 - Labrador Inuttitut Heritage Bible

¹⁶ Erᴋsinarnît issumagilugo, ômativit piojoriningata uivêrisimavâtit, igvit ineᴋartotit imnat ᴋongnângine, ᴋaᴋᴋallo poᴋtoningine nunaᴋartotit; ublolioraloaruvit nektoraliktut poᴋtojome, kataktitsomavagit takpikangat, oᴋarpoᴋ Nâlagaᴋ.

Jeremia 49:16 Iomraidhean Croise

II Atannit 14:7

Edomiterillo ullimârpaittauk nâksame sioraujaktalingme 10,000 dit, iglugasaksuillo Selamik attiggit sâlagivait unatadlarnermut; atserarpaillo Jakteelemik, uvlok tamanna tikkidlugo.

Hiobe 39:27

“Perᴋojat malliklugo nektoralik taimâk pôktotigijomik tingikâ, uvlune sanalugo pôktojome?

Salomob Okâl 16:18

Asserortuksak piojorilerᴋârpok, kattaksimanerublo pingijainek sivurleriva.

Salomob Okâl 18:21

Toᴋolo inôserlo oᴋab sôngoninganepûk; mattomingalo ᴋuviasuteᴋartok, perortunginik nerrijomârpok.

Salomob Okâl 29:23

Inuk pingijainerminut kattaktitauniarpok; piojorijuitorle opigijauniarpok.

Imgerusersoak 2:14

Taubeᴋotîk ᴋairtut kôrungnângine, ujaraksuit ᴋoppanginne, tautungnik takᴋotilaunga, nippît tussarlaulago; nippît mamadlarmat tautuillo innerᴋonarpok.

Jesaiase 10:14

Aggamalo nunaᴋatigêt perᴋutingit nagvârpait, sôrlo auktortaᴋ (nagvârtaungmat), nunallo tamaita kattersorpakka, sôrlo manît ᴋemaktaumajut kattersortauvangmatta, puvitôrtomiglõnêt aitartartomiglõnêt niviortomiglõnêt peᴋartinnago.

Jesaiase 2:21

Pullajomavlutiglo ᴋairtut ᴋongnânginut ᴋairosunginullo Nâlekab sivoranarninganit pitsartujoᴋsôninganillo opinadlartomit, nikkovilerpat, nunaᴋsoaᴋ sajukpiluktitsomavlugo.

Jesaiase 49:25

Imâgle Nâlegaᴋ oᴋarpoᴋ: Illâle! sangijoᴋsaoᴋ aᴋsârtaujomârpoᴋ parngnanairsortaurᴋojaminik, pimmariutertub aᴋsârnigarijangit annijomârput; akkerartortitit uvanga akkerartoromârpakka, ᴋitorngatillo uvanga piulijomârpakka.

Jeremia 48:14

Sudluse oᴋarᴋisê: Angutauvogut pitsartudlartut, ᴋoaᴋsângalungitullo unatarnermê?

Jeremia 49:15

Ahâk, mikijôtilauᴋpagit inôᴋatigêksuit akorngane, naggonartilutillo inuit akorngane.

Jeremia 50:29

Pitiksilît katimaᴋolersigik Babiloneme, ilûnaita pitiksimik ᴋellusijungnartut; ilumavlugo tangmâritse avatâne; aulartoᴋarniarane; suliarijangit maliklugit akkiniarsiuk; piniarnerijangit maliklugit piniarvigisiuk; iktoriktaidlarmat Nâlakamut, Israêlib ivsornaitoᴋsôjunganut.

Jeremia 51:53

Babilone ᴋongmuarajaraloarune ᴋilangmut, sôngosititsinajaraloarunelônêt pitsartunime poᴋtoninganik, sulle asseroijut uvamnit tikitaksarivât, oᴋarpoᴋ Nâlagaᴋ.

Amos 9:2

Toᴋungajut ininganut ᴋerdlerutigaloarunik, tagvangat aggangma tigulârpait; ᴋilangmullo ᴋongmuaraloarunik, tagvangat pingujâromavakka.

Habakûb 2:9

Kapianarmêk idluitomik piksarsiortoᴋ inûᴋotiminut, ublolioromavlune poᴋtojome, piulijaujomavlune idluitûb agganginit.

Mâlaki 1:3

Esauele ômigilauᴋpara, ᴋaᴋangillo inuᴋarungnaitilugit, kingormgutijangalo iniksangordlugo sunaᴋajuitûb ômajunginut.