12 Imâk oᴋarmat Nâlagaᴋ: Ahâk, ipkoa imertuksaulaungikaloartut ᴋajûtarmit imertuksaulârput; igvillo pidlartaujuksaungitotôvêt? pidlartaungilulângilatit, imidlartuksauvotille.
Aklujomik mitauteᴋartub, tapsoma pingortitinga Mitautigivâ; pijaksaungitomiglo ᴋuviasuteᴋartok pitlartautailiniangilak.
Imâk Nâlakab, Israêlib Gudingata, oᴋautingmanga: Kajûtaᴋ ᴋaningaumajârnima vaininganik imalik tiguguk aggamnit, inôᴋatigêksuillo tiliklervigijakka ilingnik tamaita imertikit tâpsomangat.
Ilingnênama, oᴋarpoᴋ Nâlagaᴋ, piulijomavlutit; inôᴋatigêksuit ilûnaita siamangatitauvigijatit uvamnut nungumarigomârapkit, igville nungumarigomângilagit; sugiaromârpagille nâmatuinartomik, pidlartautailititsomângimarikpagillo.
Igville, sivôraniarnak, Jâko kivgara, kapiasudlarnak, Israêle; ahâk, ᴋelujomârpagit ungasiktomit, kinguvâtillo nunamit aularutijauvingmingnit; Jâkolo uteromârpoᴋ inilangatsiarniarlunalo pagvisartaulugane, ᴋoaᴋsârtitsijoᴋarnialungilarlo tâpsominga.
Sôrlo ilipse imilaurapse ᴋaᴋᴋamne ivsornaitome, Taimâk inôᴋatigêksuit ilûnatik imilârput; ilâ, imilârput êsilutiglo, pisimangitutitullo ilingalârput.
Jêsusible kiovâ oᴋarlunalo: Tuksiararijase nalovase. Ermgusiârsub (imanga) imigaksara imerungnarpitikô baptitauniksaralo baptitauniksarijungnaralloarpitikô? Kiovâk: Âhailâ, ajungikalloarpavuk.