Jeremia 48:47 - Labrador Inuttitut Heritage Bible

⁴⁷ Uvlunele kingorliojune Moabib aularutijauningat utertitsomârpara, oᴋarpoᴋ Nâlagaᴋ. Moabib erᴋartortauninga kigleᴋarpoᴋ tamâne.

Jeremia 48:47 Iomraidhean Croise

Hiobe 19:25

ᴋaujimavara piulijiga inôngmat, tâmnalo kingorliovlune nangeromârpok saningne;

Jesaiase 18:7

Tamanna nalliutilerpat, tunergutiksat ᴋaitaujomârput ᴋilangmiugasaksuit Nâlegangannut: nunaᴋatigêt angijut mingoarsimajullo, nunaᴋatigêt erᴋsinartut itsaᴋsoarnit mãnamut, nunaᴋatigêt aksorôdjijut asserorsaijut, nunaᴋartut kôksoaᴋtalingme — ᴋilangmiugasaksuit Nâlegangata attingata opigijauvianut, Zionib ᴋaᴋᴋanganut.

Jesaiase 23:18

Niuviangille piksarsiangillo tunergutaujomârput Nâlekamut; ᴋematullivingmut illijaujomângilat torᴋortaunatiglo, Nâlekable sângane inôjut pijomârput niuvianginik, nerᴋiksaᴋarᴋovlugit nãmaktomik annorâtsiaᴋarᴋovlugillo.

Jesaiase 25:11

Tagva aggane issagomârpait, sôrlo puibjorartub aggane issangmagit puibjoraromamut, Nâlekable pimmariutertoᴋ kivititsomârpâ aggangillo pikkablajut.

Jesaiase 45:20

Amiakôjose nallojunit, kattimaleritse tamaungaᴋatigêkluselo! Sillaiput akjartortut Gûdingoaᴋotimingnik ᴋejungnik, tuksiartut Gûdemut ikajorungnangitomut.

Jeremia 12:14

Imâk Nâlakab avalikka idluitut ilûnaita, aktuijut kingormgutijamik kingormgutijautilauᴋtamnik inuᴋotimnut Israêlikunut, oᴋautigivait: Ahâk, nussugomavakka nunamingnit, Judablo ᴋitorngangit nussugomavakka tâpkoa akornganit.

Jeremia 12:15

Imaitsomârporlo: Nussuksimajarêrupkit, uteromârivunga nâpkigijomavlugillo; tikiutitsomalerivakkalo atunit kingormgutijaminut, atunillo nunaminut.

Jeremia 23:20

Nâlakab ningaumajârninga uterniatsangilaᴋ piniarsimaᴋârtinago nâmaksititsisimaᴋârtinagolo ômatime kajusimanerijanginik; uvluksane kingorliojune tamanna tukisilârpase nâmaktomik.

Jeremia 30:24

Nâlakab ningaumajârninga uterniatsangilak piniarᴋârane nâmaksititsiᴋâranalo ômatime kajusijutigijanganik; uvluksane kingorliojune tukkisilârpase tamanna.

Jeremia 46:26

Tunijomârpakkalo inôsinginik pinasuartut agganginut, Nebukadnezariblo, Babilonib ataningata, agganginut, tâpsomalo kivgangita agganginut; kingornganalo nunagijaujomârpoᴋ sorlo itsaᴋsoarme, oᴋarpoᴋ Nâlagaᴋ.

Jeremia 49:39

Kissianele uvlune kingorlerne Elamib aularutijauningat utertitsomârpara, oᴋarpoᴋ Nâlagaᴋ.

Jeremia 49:6

Kingornganele Ammonib kinguvângita aularutijauningat utertitsomârpara, oᴋarpoᴋ Nâlagaᴋ.

Hesekiel 38:8

Uvlut unuktut ᴋângerpatta nelipsartaulârpotit; jârine kingorliojune tikitsomârpotit nunamut saviksoarmit utertitaujomut, inôᴋatigêksoarnit unuktunit katersortaumajunut, Israêlib ᴋaᴋᴋanginut, akunêrtomik inuᴋalaungitunut: inôᴋatigêksoarnille anititauvut, ilûnatiglo terliklutik nunaᴋalerput.

Daniel 10:14

Tikipungali mâna ajoᴋitoromavlutit naliutijomârtunik inuᴋotingnut uvluni kingorliojuni: takotitjut uvlut unuktut ᴋângipatta kissiani nalaulârpoᴋ.

Daniel 11:41

Nunamullo alianartomut itâromârpoᴋ, unuktullo oggotitaujomârput; ukkuali piulijaujomârput tâpsoma agganginit: Edomekut, Moabekullo, Ammoniblo ᴋitorngangita iᴋanartungit.

Daniel 2:28

Kilangmili Gudeᴋarpoᴋ nalonaijaijomik nalonadlartunik, tâpsomalo ataniᴋ Nebukadnizari nalonaijaivigivâ pijomârtuksanik uvluni kingorlini. Sinnartômanît, niaᴋovîllo takotitjutigijanga iglini inangatilutit, imaipoᴋ:

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Numbers 24:14

Mânalo, ahâk, inôᴋatimnut ailerpunga; ᴋailerit, oᴋautitsomavagit inugiartoᴋsuit pinialârninginik inuᴋotingnut neliutome pijomârtome.

Deuteronomy 31:29

ᴋaujimagama toᴋuma kingorngane asserormarilârapse ilipsingnik, sangulârapselo apᴋomit perᴋojijutigimajamnit ilipsingnut; idluitûblo nelaulârpâse uvlune kingorliojune; pinialârapse Nâlekab idluigijanganik, tâmna ningarsarlugo aggapse sulianginut.

Deuteronomy 4:30

Kapiasungnermêguvit, tamakkoa ilûnatik tikipatit uvlune kingorlerne, uteromârpotit Nâlekamut Gûdingnut, tâpsomalo nippinga nâleklugo;