Jeremia 48:12 - Labrador Inuttitut Heritage Bible

¹² Tamanna pivlugo, ahâk, uvlut naliutijomârput, oᴋarpoᴋ Nâlagaᴋ, tilikleromârama uvertitsijunik tâpsomunga, tâpkoalo uvertitsomârpât; ᴋattaujangit imairutijomârpait, publaujangillo serᴋomilugit.

Jeremia 48:12 Iomraidhean Croise

Imgerut 2:9

Ajaupiamut (opigijautiksaujomut) kikkiangojomut serᴋomitaksarivâttit, machaktitut serᴋallijaksarivâttit.

Jesaiase 16:2

Tingmiatitullo niviortutitut, auktortamingnit ᴋemâtitaujutitut taimailingajomârput Moabib panningit Arnonib ikârtorvingine.

Jesaiase 30:14

Asserortaujomârporlo, sôrlo machatsiaᴋ serᴋomitaungmat serᴋalijauvlune ivlerijaujungnairlune; serᴋomakungitalo akkornganne nagvartaujoᴋangilaᴋ machavinermik ikkomaitûtiksamik igavingmit ᴋallutiksamiglõnêt imeᴋtarvingmit.

Jeremia 14:3

Angajoᴋât tiliklerput pijimingnik imeᴋtarᴋovlugit; itersanut tikigamik imeᴋsilungilat; uterput imeᴋtautingit imeᴋartinagit; kangusudlarput uimâlalutiglo, niaᴋotiglo ulikpait.

Jeremia 19:10

Tavalo publaujaᴋ serᴋomitaksarivat angutit ilagijavît takoane, oᴋautijaksarivatillo:

Jeremia 25:34

Keadlaritse, pairᴋsijôjose, nipliadlarluselo; argjane aksapalloaritse, ilipse aulatsijose saukanik; uvluksase nâmaksikpatta toᴋotauᴋovluse, serᴋomitsomagapse oggojomârposelo iluleᴋutitut pivianartotut.

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 48:11

Moabe inôsungnerminit siornioriaᴋalaungilaᴋ, ᴋikkatsainarpoᴋ kinganeᴋumine, kovijauᴋattalaungilaᴋ ᴋattaujamit ᴋattaujamut, aularutijaulaungilarlônêt; taimaimat mamarnine pigitsairnarpâ, tipingalo soᴋositsangilaᴋ.

Jeremia 48:13

Moabiblo Kêmose kangusûtigijomârpâ, sorlo Israêlib kinguvângita Betele, sungertûtigilauᴋtangât, kangusûtigilaungmatsuk.

Jeremia 48:15

Moabe sunairutijauvoᴋ, iglugasaksoangit issingorsimavut, inôsuktungillo piloriktoᴋutaujut atersârsimavut toᴋotauvingmut, oᴋarpoᴋ Ataneᴋ, Nâlakamik Zebaotemik attelik.

Jeremia 48:38

Moabib iglungita ᴋângine tamaine apᴋosininginalo ogguarneᴋarpoᴋ ilûnâne; Moabe serᴋomisimagapko maggaᴋtut ᴋuviasûtaungitotut, oᴋarpoᴋ Nâlagaᴋ.

Jeremia 48:8

Asserorsaijorlo tikilârpoᴋ iglugasaksoarnut tamainut, iglugasaksoarnillo nalialônêt aularomângilaᴋ; naᴋsaᴋtauᴋ sujuktaujomârpoᴋ, naternarlo sunairutijaujamârpoᴋ; sorlo Nâlagaᴋ oᴋarsimangmat.

Nahum 2:2

Nâlekab Jâkob inornarninga utertitsomârmago, Israêlib inornarningatut îtilugo; sunairutjijut sunairutivait, vaineliksallo akkerungit sujuklugit.