Jeremia 47:6 - Labrador Inuttitut Heritage Bible

⁶ Igville, Nâlakab saviksoanga! ᴋanoᴋ akunertigilârᴋêt inilangatsiarᴋârtinâk? Pôlerit ilingnik kênailitarnut; merngoêrserit, ᴋikarlutillo.

Jeremia 47:6 Iomraidhean Croise

II Samuel 2:26

Abneriblo Joabe nipliutiva, oᴋarlunelo: Saviksoak sorairane nungutsijuksauva? Nallovît kingorngane ogguanartoᴋarnersaunajarmat? ᴋannok akkunêrtigijomik innugatsuit oᴋautijomangipigît allarᴋovlugit ᴋattangutimingnit?

I Kronika 21:27

Nalekablo Engele oᴋautiva, saviksoane pôlugo kênailitanganut piᴋovlugo.

Imgerut 17:13

Nâlegak oppalungairit, ingiariartoruk, manigotitilugolo Nâlegâk; tarniga piulilauruk Gûdeᴋangitunnit saviksoaᴋotingnut.

Jesaiase 10:15

Ullimaut nertorungnarᴋâ attortiminut? ubvalo kiblût nertorungnarᴋâ attortiminut? Taimailiorungnarpanik, tagva issaᴋautiub aulanajarivâ aulatine, ajaupiablo kivigajarivâ ᴋejûngitoᴋ (inuk).

Jesaiase 10:5

Kappianarmêk Assure, ningautsima issaᴋautigijanga, ningaumajârnera ajaupiauvoᴋ tâpkoa agganginut.

Jeremia 12:12

Asserorsaijut tikisimavut ᴋaᴋᴋanut merᴋuᴋangitunut tamainut sunaᴋajuitome, Nâlakab saviksoanga nungutsilermat nunab kiglingata aipânit nunab kiglingata aipanga tikidlugo, uvinilîllo naliallônêt ulapirᴋsauteᴋangilat.

Jeremia 12:4

Kanoᴋ akunêrtigijomik nuna takominaituksauvâ, perortullo nuname ilûnâne ᴋunollertuksauvât? Nunab inungita idluituliningit pivlugit nergjutit tingmiallo nungutauvut; oᴋarmatta: tâmna takojuksaungilaᴋ ilingajomârniptingnik.

Jeremia 15:3

Tikitauᴋojomavakkalo oᴋumainartunut sittamanut, Nâlagaᴋ oᴋarpoᴋ, saviksoarmut toᴋotsijomut, ᴋingminut aliktuijunut, ᴋilaub ikkiangata tingmianginut, nunablo ômajoâlunginut, nungutsijunut asserorsaijunullo.

Jeremia 25:27

Oᴋautijaksarivatillo: Imâk oᴋarpoᴋ Nâlagaᴋ Zebaot, Israêlib Gudinga: Imeritse, tallavluselo, meriaritselo, pâlakluselo, makiniarungnailuse, saviksoaᴋ akunapsingnut tilijomajara pitjutigivlugo.

Jeremia 4:21

Kanoᴋ akunertigijomik nalunaikutak katimaᴋojijût takonârniarpigô, tiptulautiblo nippinga tusarlugô?

Jeremia 48:10

Ominarsile Nâlakab suliarijauᴋojanganik erᴋeasuklune piniartoᴋ, ôminarsilelo saviksoaminik noᴋartitsijoᴋ aungmik kovisijomairlune.

Jeremia 50:35

Saviksûb Kaldêamiut ᴋolangiarpait, oᴋarpoᴋ Nâlagaᴋ, Babilonib inungit, angajoᴋâᴋsoangillo, ilisimajungillo.

Hesekiel 14:17

Saviksoarlônêt tikiutinajarupko nunamut tâpsomunga, oᴋarlungalo: Saviksoaᴋ, nuna ingerarvigiuk; kipisiᴋovlunga inungnik nergjutiniglo tagvangat;

Hesekiel 21:30

Pônganut pôtuinarmiuk. Nuname pingortitauvigilauᴋtarne, nuname inûlervigilauᴋtarne, erᴋartoromavagit.

Saggaria 13:7

Saviksoak tupalerit, mianersijiga pâvigilugo, angullo inôᴋatigijara, oᴋarpok Nâlegak Zebaot, mianersijoᴋ annauleruk, saukallo siamartitaulârput; aggakkalo sâtitsomârpakka piarangnut.

Johannese 18:11

Tagva Jêsusib Pêtruse oᴋautivâ: Saviksuit kênailitanganut pôleruk! Ermgusiarsûb, Atâtama tunijangata uvamnut, imanga imeraksaringilarâ?

Idluarsaijut 7:20

Taimak katimgajut pingasuit ilûnatik tiptulausijarput machaillo serᴋomilugit pivut. Nannergoalle tigumiarpait aggangmingnut saumingminut, tiptulautillo aggangmingnut tallerpingmingnut, tiptulausijarlutik kaggûdlarlutiglo: Mâne Nâlekab saviksoanga Gideoniblo!