Jeremia 46:2 - Labrador Inuttitut Heritage Bible

² Egipten pivlugo; Faraub Nekob, Egiptenib ataningata, sorᴋsuktoᴋatigêksoangit pivlugit, kôksub Frâtib sanianêtut Karkêmiseme, Nebukadnezarib, Babilonib ataningata, sâlagijangit Jojakimib, Josiab erningata, Judab ataningata jâringita sittamangane.

Jeremia 46:2 Iomraidhean Croise

II Atannit 18:21

Ahâk tettiksaᴋarpotit ipsominga ajaupiamik suvlulingmik, napvaujersimajomik Egiptenemik. Tapsoma kia ajakpakuniuk aggangit kappiniarpait puttorniarlaitalo. Taimailingavok Farao Egiptenemiut atanningat, ilunnainut tettekartunut tapsominga.

II Atannit 23:29

Tapsoma nalliuningane Farao Necho Egiptenemiut atanningat takpaungarpok, koksoarmut Fratemut Assiriamiut atanningat sorsugvigijomavlugo. Atanniuble Josiab aularlune pachrearpa, toᴋolunelo Meggidome, takkolaukârdlugo.

II Atannit 23:33

Faraoble Nechob kellaksortaukova Riblateme nuname Hemathemik atelingme, attaniojungnaiᴋovlugo Jerusaleme, nunalo akkilêkova Talentinik 100 dinik Silberemik, Talentemiglo attautsemik Goldemik.

II Atannit 24:7

Egiptenemiullo atanningat aularungnairpok nunaminit; Babelemiut atanningata aksarlaungmago tamainik Egiptenemiut atanningata pigijanginik, Egiptenib kônganit, kôk Frate tikkilugo.

Jesaiase 10:9

Kalno Kargemisetut-ingilâᴋ? Hamat Arpadetut-ingilâᴋ? Samâria Damaskusetut-ingilâᴋ?

Jesaiase 19:1

Tamadja oᴋauseᴋ inerterijutiksaᴋ Egiptenemut. — Ahâk, Nâlegaᴋ nuvujakut tuavitokut ingergaromârpoᴋ tikkidlunelo Egiptenemut. Gûdingoallo Egiptenemẽtut sajugomârput sângane, Egiptenemiullo õmatingit kakkillâromârput illungine.

Jesaiase 19:19

Taipsomane tunerguserviᴋaromârpoᴋ Nâlekamut Egiptenib ᴋerᴋane napajoᴋsoaᴋarlunelo nunab kiglingane Nâlekamut.

Jeremia 25:1

Tamadja oᴋautsit tikilauᴋtut Jeremiamut Judamiut tamaita pivlugit, Jojakimib, Josiab erningata, Judab ataningata jâringita sittamangane; jâre tâmnatsainauvoᴋ Nebukadnezarib, Babilonib ataningata jâringita sivorlerpângat;

Jeremia 25:19

Farao, Egiptenib ataninga, kivgangillo, angajoᴋâᴋsoangillo, inuᴋotingillo tamaita;

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 36:1

Pijoᴋarporlo Jojakimib Josiab erningata Judab ataningata jâringita sittamangane oᴋauseᴋ manna tikingmat Jeremiamut Nâlakamit, oᴋarlune:

Jeremia 43:11

Tikituksauvorlo nunalo Egipten sâlagilugo; toᴋomullo pijuksat tunijaujomârput toᴋomut, aularutijaunermut pijuksat aularutijaunermut, saviksoarmullo pijuksat saviksoarmut.

Jeremia 45:1

Oᴋauseᴋ Jeremiab nalautaijub oᴋautigijanga Bârukemut, Neriab erninganut, tâpsoma oᴋautsit makkoa aglangmagit aglagvingmut Jeremiab ᴋaninganit, Jojakimib, Josiab erningata, Judab ataningata, jâringita sittamangane, oᴋarlune:

Jeremia 46:14

Egipteneme oᴋâlagitse, Migdoleme unipkâritse, Nofeme Tapanêsemelo tusartitsileritse; oᴋaritse, Sagvarit, opalungairsarit, avatingnêtut saviksûb nungulermagit.