Biblia Todo Logo
Bìoball air-loidhne

- Sanasan -




Jeremia 44:7 - Labrador Inuttitut Heritage Bible

7 Taimaimat mâna imâk oᴋarpoᴋ Nâlagaᴋ, Gude Zebaot, Israêlib Gudinga: Soᴋ taimak angitigijomik tarnise idluitulitipisigîk, nakatsiluse ilipsingnit angutiniglo arnaniglo sorutsiniglo amâmaktuniglo Judamit, amiakoᴋarungnaiᴋovlusê?

Faic an caibideil Dèan lethbhreac




Jeremia 44:7
28 Iomraidhean Croise  

Taimâktauk akkonermingne aungmingnik uttaᴋiutivut, pijugautiluglo.


Nâlektitaujomangitok nangminerminik nachovok; innertertaunermigle tussâjok silatojungorpok.


Gûdeᴋangitok idluitullinerminut pijaujomârpok, ajortullinimelo ᴋellerutânut pittuktaujomârpok.


Idluitullijuble uvamnut tarnine ikkilerpa; ilûnatik, uvamnik omisuktut, toᴋo ungagivât.


Malingniaraselo Gudib assinginik kivgartoromavlugit opigijomavlugillo, ningarsârniarasingalo aggapse sulianginut; pikaluktitsomangilapselo.


Nâlalungilapsingale, oᴋarpoᴋ Nâlagaᴋ, ningarsâromagapsinga aggapse sulianginut idluiᴋutiksapsingnut.


Hiskiab, Judab ataningata, Judablo inungita ilûnatik toᴋolauᴋpatsûk? Nâlagaᴋ sivôragilaungilaûk, Nâlakablo saimaninga ᴋenuarilugo, Nâlakablo ᴋaᴋᴋialerutigilaungilaûk idluineᴋ oᴋautigilauᴋtane piniaromavlugo tâpkonungâ? Taimaglo tarnivut idluitulivigidlarajarpavut.


Kangunartoᴋ nungûtsisimavoᴋ atâtagilauᴋtapta suliarijanginik inôsungniptingnit; saugaᴋotinginik nergjuteᴋotinginiglo, erninginik paninginiglo.


Jeremiablo Zedekia oᴋautivâ: Imâk oᴋarpoᴋ Nâlagaᴋ, Gude Zebaot, Israêlib Gudinga: Anijomaguvit Babilonib ataningata angajoᴋâᴋsoanginut, tagva tarnît inôjuksauvoᴋ, iglugasaksuillo makkoa ikomamut ikitaululângilat; igvillo inôjuksauvotit ᴋitorngatillo.


Tarnise terliarapsigik; tililaurapsinga Nâlakamut Gudipsingnut, oᴋarluse: Tuksiutilauᴋtigut Nâlakamut Gudiptingnut, Nâlakablo oᴋauserijangit tamaita maliklugit taimak nalonaijaivigitigut, taimailioromavogullo tagva.


Judab amiakunginit nunamut Egiptenemut aisimajunit taikane nunaᴋaromavlutik, aulartoᴋarᴋonago, amiakoᴋarᴋonagolo Judab nunanganut utertuksauvlutik, kajungilâraloarpatta tâvunga uteromavlutik nunagijomangmilugo; utertoᴋarniatsangimat ᴋemâjut kissimik.


Taimaidluse ningarsârpapsinga aggapse sanajanginut, tipigiksautinik isserluanititsigapse gudingoanut assimnut nuname Egipteneme nunagijartortapsingne; nakartauᴋovluse, oᴋarnerlutauᴋovluselo mitautauᴋovluselo inôᴋatigêksuit nunamêtut tamaita akorngane.


Ilingnullo angut arnarlo serᴋalitsomavâkka; ilingnullo inuᴋoartoᴋ inôsuktorlo serᴋalitsomavâkka; ilingnullo nukappiaᴋ niviarsiarlo serᴋalitsomavâkka;


Ningarsârpângale? Nâlagaᴋ oᴋarpoᴋ, nangmineᴋ kangusûtiksarijamingnik sanangilât?


Toᴋo itârsimangmat igalâptigut, itersimavoᴋ igloᴋsoarijaptingnut; sorutsit silamêtut kibloromavlugit, inôsuktullo apᴋosineâlungnêtut.


Ijîkka ᴋugveᴋarungnaipuk, ergavikka kapiasuktitauvut, tinguga nunamut kovijauvok, inôᴋatima paningata asserortauninga pivlugo; sorusiarsuit amâmaktullo ᴋaujimangermatta iglugasaksuit apᴋosineâlungine.


Avatimit kapiagijakka ᴋaiᴋolaukpatit, sorlo uvloᴋsiorviub katimaniksanganut, ᴋemâjoᴋalaungilarlo amiakoᴋalaungilarlo Nâlekab ningaumajârningata uvlungane; ᴋiggertagalâktilauktakka peroijakkalo ômigijima nungupait.


Oᴋautikit: Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, idluitulijub toᴋunga ᴋuviagingilara; idluitulijorle sâgiangârune apᴋotigijaminit inôvlunelo: sâgiaritse, sâgiaritse apᴋotigijapsingnit idluitunit: sôᴋ toᴋojomavisê, ilipse Israelib ᴋitorngangît?


Inuᴋoartut, nukapiat, uigasuit, sorutsit, arnallo toᴋosigik nungulugit: Kissimik nelunaikusertaumajut aktorniarasigik; iglumnelo pigialeritse. Pigiarput tagva angajoᴋângojune iglub sânganêtune.


Inûᴋotivît kangusûtigijaksanganik atuinaruterivotit, inôᴋatigêt unuktut kipigangne, tarnîllo idluitulivigivat.


Idluitulijut ipkoa, inôsermingnik akkilêgiaᴋalauᴋtut idluitulinitik pivlugit, pujôrtitsivingit, katjuktaulillo matuksauᴋovlugit tunerguservingmut; tunergutigilaungmagit Nâlekab sângane, taimaimallo ivsornaiput; kigligiutjutiksaulârpullo Israêlikunut.


Silame saviksûb ilangervigilârpait, iglunginelo kapiasungnerub; pêjailârput nukapianik niviarsianiglo, amâmaktunik ᴋêrtojuniglo.


Asserorlugillo iglugasaksoarnêtut tamaita saviksub kênanganut, tamarmik angutit arnallo, innuosuktut innutoᴋaujullo, tuktuvaillo saukello siuteᴋoktojullo.


Imâgle pijuksauvose: Anguteôjut ilûnaita, arnallo innangalauktut angume, aseroraksarivase.


Tagva manna ailerit, ullimarlugillo Amalekiterit, nungulugillo pigijangit tamaita illaliudlugit. Nikkaginiarnagit; toᴋᴋotsilerille tamangnik angutinik arnaniglo, sorrutseniglo amâmaktuniglo, tuktuvângnik saukaniglo, Kamêlinik, siuteᴋoᴋtojuniglo.


Ajochertuijullo iglugasaksoangit Nobemik attiggit ullimârpait saviksub kênanganut, tamarmik angutit arnallo, sorrutsillo, amâmaktullo, tuktuvait siuteᴋoktôjullo, saukallo.


Lean sinn:

Sanasan


Sanasan